Thread by @RayaIaseema

ఒంటిమిట్ట రామాలయం కట్టించింది ఎవరు ?

స్థానిక చరిత్రలు ఒంటిమిట్ట కోదండ రామాలయం బుక్కరాయల సోదరుడు / కుమారుడు కంపరాయలు కట్టించినట్టు చెబుతాయి. అయితే ఒంటిమిట్ట కైఫీయత్తు మాత్రం ఒంటిమిట్ట ఆలయాన్ని సంపెట నల'కంపరాయలు' కట్టించినట్టు చెబుతుంది. శాసన, కైఫీయత్తుల ప్రకారం సంపెట నలకంపరాయలు

కృష్ణదేవరాయలు - అచ్యుతదేవరాయల కాలం నాటి సామంత రాజు (పైన పేర్కొన్న బుక్కరాయల కంపరాయలకు సుమారు 200 సంవత్సరాల తరువాత వాడు).

ఆలయం కట్టించినది సంగమ వంశ కంపరాయలా (14వ శతాబ్దం) లేక సంపెట వంశ కంపరాయలా (16వ శతాబ్దం) అన్నది తేల్చడానికి ఎటువంటి శాసన ఆధారాలు లేవు.

ఒంటిమిట్ట ఆలయం గురించి పేర్కొన్న మొదటి శాసనం సదాశివరాయల కాలంలో శక 1472/ప్ర.శ 1550 పులపత్తూరు శాసనం. సంగమ కంపరాయలు ఈ ఆలయం కట్టించినట్లైతే సుమారు 200 సంవత్సరాల వరకు ఎందుకని ఈ ఆలయానికి సంబంధించిన శాసనాధారాలు లేవన్న ప్రశ్నకు సమాధానం లేదు. 16వ శతాబ్దంలో సంపెట కంపరాయలు కట్టించినట్లయితే

కృష్ణదేవరాయల అష్టదిగ్గజ కవులలో ఒకరైన అయ్యలరాజు రామభద్రుడి ముత్తాత అయ్యలరాజు తిప్పకవి (15వ శతాబ్దం) (ఒంటిమిట్ట రఘువీర శతకకర్త) రచనలు మరియు అన్నమయ్య కీర్తనల (15వ శతాబ్దం) ద్వారా 15వ శతాబ్దం నాటికే ఒంటిమిట్ట ఆలయం ప్రఖ్యాతిగాంచిన ఆలయంగా ఉన్నట్టు తెలుస్తోంది.

ఈ పరస్పర విరుద్ధ ఆధారాల వలన ఒంటిమిట్ట ఆలయాన్ని ఎవరు నిర్మించారని ఖచ్చితంగా చెప్పలేని పరిస్థితి. అయితే అన్నమయ్య కీర్తనలలో ఒంటిమిట్ట కోదండరాముని ప్రస్తావన ఉంది కనుక 14వ శతాబ్దంలో సంగమ కంపరాయలే ఆలయం నిర్మించాడని భావించాల్సి ఉంటుంది. అయితే మనం ప్రస్తుతం

#సీమచరిత్ర #సీమఆలయాలు

చూస్తున్న ఆలయ గోపురాలు, ప్రాకారాలు నిర్మించింది ఆరవీటి వారి కాలంలో (17వ శతాబ్దం) మట్ల రాజులు కాగా, ఆలయాన్ని 20వ శతాబ్దంలో పునరుద్ధరించినది మాత్రం వావికొలను సుబ్బారావు గారు.