Thread by @kingsmanT11

#आपला_राम
आपला राम ― हा अंत्यत प्रेमळ आहे.! तो माता पित्याची आज्ञा मानणारा आहे, आपल्या सावत्र भावावर सख्ख्या भावापेक्षाही जास्त प्रेम करणारा, शबरीचे उष्टे बोर खाणारा, प्रिय पत्नीच्या विरहात धाय मोकलून रडणारा एक स्नेही पुरुष आहे, तिच्या मुक्ततेसाठी बलाढ्य रावणाशी लढणारा आहे.👇

आपला राम साधू सतांचा आदर करणारा आहे.
आपल्या गुरुचे वचन सतत अंमलात आणणारा आहे. केवळ पित्याच्या शब्दाखातर भव्यदिव्य ऐश्वर्यसंपन्न अयोध्येच राजपद सोडून एका साध्या सज्जन माणसाप्रमाणे वावरणारा एक मोहमुक्त युवराज आहे.! सावत्र आई सावत्र भाऊ यांच्याशी कधीही तुसडेपणाने न वागणारा आहे.👇

वनवास फक्त रामाला झाला होता, नुकताच लग्न झालेला राम, पुढं सगळं वैवाहिक सुखाच आयुष्य असताना, कैकयीच्या पुत्रहट्टापायी राजगादीसाठी वाद नको म्हणून वनवास पत्करणारा हा आपला आहे. राम इतका शूर आणि प्रजाप्रिय होता की त्याने जबरदस्तीने अभिषेक केला असता तरी प्रजेने मान्य केला असता. 👇

वनवास म्हणजे फार्म हाऊसवर राहणे व तिथली मधूर फळे खाणे नाही. वनवास हा म्हणजे सामान्य व भौतिक जगापासून अलिप्त राहून वनात राहून जीवनक्रम चालवणे.! त्या वनवासात बायकोच अपहरण होत तेव्हा रामायणात वर्णन अस आहे की राम इतका रडला की दगडलाही पाझर फुटेल, इतका तो मायाळू अन संवेदनशील आहे.👇

आपला राम हा न्यायाने वागणारा असून, मुजोर वालीचे बंड मोडीत काढून, सदाचारी सुग्रीवाला राजा करणारा आहे.! रामाला तिथं संधी होती सुग्रीवाला मांडलीक करून राज्य चालवण्याची पण त्यापेक्षा पित्याच वचन हे शिरसावंद्य होत.
असा हा राम कधीही सत्याची आणि न्यायची धर्माची कास सोडत नाही.!

रामाच्या लेखी धर्म म्हणजे आताच्या प्रमाणे कर्मकांड नव्हतं.! धर्माचा अर्थ मुळीच हा सदाचार आहे, सद्गुण आहे, सद्विचार आहे, परोपकार आहे. धर्माला भगव्या कापडात गुंडाळुन परस्पराशी द्वेष निर्माण करणारा धर्म रामाला कधीही अभिप्रेत नव्हता.! रामाचा धर्म आणि आताच्या धर्मात मोठी तफावत आहे.👇

रामा जरी पराक्रमी वीर असला तरी क्षुल्लक कारणाने विनाकारण हिंसाचार कधीही रुचलेला नाही. आणि जरी कारण मोठं असलं तरी तो नेहमी वाद मिटवण्याची भूमिका घेतो, कारण त्याला ठाऊक आहे, युद्धाने जी अपरिमित जीवितहानी व राज्यहानी होईल ती कुणाच्या हिताची नाही, व ती धर्माला सुखावणारी नाही. 👇

रामाला कधीही मनोमन वाटलं नाही, रावणाशी युद्ध करावं, त्याची भूमिका हे नेहमी सामोपचाराची होती, त्यासाठी हनुमंतास आणि अंगदाला दूत म्हणून आपला शांतिचा संदेश घेऊन पाठवलं, पण गर्वाच्या दर्पावर फुत्कार टाकणाऱ्या रावणाला हा हितकर सल्ला रुचला नाही. युद्धाची खुमखुमी रावणालाच होती. 👇

रावण हा अनेक प्रकारे बलाढ्य होता, शस्र की शास्र असो रावणाचा या क्षेत्रात अतुलनीय दबदबा होता.! त्याची सेनाही मोठी होती अनेक रणधुरंदर योद्धे त्याच्या गोटात होते. विशेष त्याचा मुलगा इंद्रजित हा रावणसेनेचा प्रमुख वीर होता, तरीही रावण हरला आणि वनातील लोकांना घेऊन लढणारा राम जिंकला.👇

रामाचे विजयाचे श्रेय हे त्याच्या स्फूर्तीदायी चरीत्रात आहे. रामाचा पक्ष न्यायचा होता, अन्याय रावणाने केला होता, ही भावना रामसेनेत उद्धृत करण्याचे काम रामाने केलं, आपल्या सेनेला धीर देणारा, त्याना लढण्याची उर्मी देणारा, त्यांच्या मनात धर्म जागवणारा हा कुशल सेनापती तथा राजा आहे. 👇

भलेही रामची सेना छोटी असेल, वनवासी लोकांची असेल पण त्यांच्याकडे राम नावाच आत्मबल होत ते महान होत. रामाच्या लेखी कुठेही अहंकार नव्हता, त्याला त्याच्या शक्ती ठाऊक होत्या, उणिवा माहीत होत्या. उलटपक्षी रावण हा रामसेनेला नेहमी तुच्छ आणि कमी लेखायचा अन हेच त्याच्या पराभवचे कारण बनले.👇

रावणाचा वध करून रामाने एक समाजात एक आदर्श प्रस्थापित केला की, तुम्ही न्यायाने आणि धर्माने वागत असाल तर जगातील कोणताही महान शक्ती तुम्हाला पराभूत करू शकत नाही. असा राम हजार वर्षापासून जगाचा प्रातः स्मरणीय प्रभु आहे. वनवासातून परत आलेला राम हा श्रीराम होऊन लोकांच्या ठायी रुजला.👇

माझ्या मते रामायण इथेच संपलं असावं, कारण रामायणानंतर ज्या भानगडी झाल्या अतीशय विपरीत आणि रामाच्या आदर्श प्रतिमेला छेद देणाऱ्या आहेत.! नंतरच्या उत्तरकांडातील राम हा कुणाच्या तरी सांगण्यावरून पत्नीच चारित्र्यावर शंका घेणारा असून तो राम मूळ रामायणाच्या चौकटीत अजिबात बसत नाही.

वर जे वाल्मिकी रामायणाच्या आधारे सांगितल्या प्रमाणे उत्तरकांडातील राम स्वतःच्या तत्वांच्या आणि विचारकरांच्या अतिशय विरुद्ध वागणारा आहे. रामायण ह्या महाकाव्यावर अभ्यास करणाऱ्या अनेक विद्वानाच मत आहे की उत्तरकांड नंतरहुन जोडण्यात आलं असावं. आणि ते खरच आहे, कारण हा आपला राम नाही.👇

उत्तरकांडातील राम हा विकृत समाजव्यवस्थेच्या आहारी गेलेला दाखवला आहे. राज्यातील कुणीतरी फडतूस माणूस उठतो आणि म्हणतो काय खर असावं की सीत ही पवित्र आहे, आणि राम लगेच त्याची फालतु बडबड ऐकून पत्नीला जळत्या सरणावर बसवतो, किती विपर्यस्त वाटत हे काही तर्काचा आधार तरी वाटतो का यात ?👇

मूळ तथा वाल्मिकी रामायणाच्या आधारे, सांगायच झालं तर, सीता रावणाच्या ताब्यात होती तेव्हाही राम हा प्रेमाने व्याकुळ होऊन तिच्या विरहात रडत होता. तेव्हा त्याच्या मनाला हा विचार शिवला नाही की सीता ही रावणाने बाटवली तर नाही न. ? मुळीच नाही, रामाच सीतेवरच प्रेम हे इतकं नाजूक नव्हतं.

रामाचा सीतेवरच प्रेम हे अंत्यत बळकट होत. त्यांचा एकमेकांवर असलेला विश्वास हा अतूट होता. तो विश्वास कुणाच्या तरी सांगण्यावरून डळमळीत होणारा नव्हता. आणि राम असा पारावरच्या गप्पा ऐकून वागणारा नव्हता, हे सर्वांना माहीत होतं, यामुळेच उत्तरकांड हे रामायणाशी एकरूप नाही.👇

रामाच्या चरीत्रावर शंका घेणाऱ्यानी वाल्मिकी रामायण वाचलेले असत की नाही, हे मला माहीत नाही. त्यानी रामायणाची चिकित्सा केली का माहीत नाही. पण आपल्या सामान्य बुद्धितून बरळून एका असामान्य व्यक्तिमत्त्वावर शंका घेणे म्हणजे अंत्यत हास्यास्पद आणि तर्कहीन आहे.

रामनवमीच्या शुभेच्छा..!