Read on Twitter
#chardham சார்தாம் எனப்படும் நான்கு முக்கியமான திருத்தலங்களில் ஒன்று ராமேஸ்வரம். தெற்கில் ராமேஸ்வரம், கிழக்கில் பூரி ஜெகந்நாதரும், வடக்கில் ஸ்ரீபத்ரி நாராயணரும், மேற்கில் துவாரகையில் துவாரகாநாதரும் இந்திய தீபகற்பத்தை நான்கு திசைகளிலும் இருந்து பாதுகாக்கின்றனர் என்று புராணங்களும் 
இதிகாசங்களும் தெரிவிக்கும் செய்தி. இவற்றில் தென்னிந்தியாவில் உள்ள ராமேஸ்வரம் பன்னிரு ஜ்யோதிர் லிங்கங்களில் ஒன்றாவது மிக சிறப்பானதாகும். இத்தகைய ராமநாதசுவாமி கோவிலின் க்ஷேத்திர பாலகாரகர்களாக #சேதுமாதவ பெருமாளும் பாதாள பைரவரும் இருக்கின்றனர். காசியில் பிந்து மாதவராகவும்,
அலகாபாத்தில் வேணி மாதவராகவும் (வேணி என்றால் தலை முடி இதனால் தான் அலகாபாத்தில் உள்ள திரிவேணி சங்கமத்தில் வேணி தானம் செய்ய வேண்டும் அதாவது நமது அகந்தையை இறக்கி விடுகிறோம் என அர்த்தம்), ஆந்திர பிரதேசத்தில் உள்ள பித்தாபுரத்தில் குந்தி மாதவராகவும், ராமேஸ்வரத்தில் சேது மாதவராகவும்
அருள் பாலிக்கிறார் ஸ்ரீ மஹா விஷ்ணு. கடுமையான பிதுர்தோஷம் உள்ளவர்கள் இராமேஸ்வரம் கோவிலில் உள்ள அனைத்து தீர்த்தத்திலும் நீராடிவிட்டு இந்த சேது மாதவர் சன்னதி முன்பு, கடல் மணலில் லிங்கம் பிடித்து வைத்து தங்கள் கோரிக்கைகளைச் சொல்லி வணங்கினால் மட்டுமே கடுமையான பிதுர்தோஷத்தை நீங்கும்
என்பது எவருக்குமே தெரியாத தேவ ரகசியமாகும். ராமர் இங்கு சிவபூஜை செய்தபோது அவரைப்பிடித்த பிரம்மஹத்தி தோஷம் (கொலை செய்த பாவம்) விலகியது. அந்த தோஷம் எங்குச் செல்வதெனத் தெரியாமல் திணறியது. அதனால் வேறு யாருக்கும் பாதிப்பு உண்டாகாமல் இருக்க, சிவன் பைரவரை அனுப்பினார். அவர் பிரம்மஹத்தி
தோஷத்தை தன் திருவடியால் அழுத்தி, பாதாளத்தில் தள்ளினார். பின்னர் இத்தலத்திலேயே அமர்ந்து, இங்கு வரும் மனம் திருந்திய பக்தர்களின் கொடிய பாவங்களைப் பாதாளத்துக்குள் தள்ளுபவராக அருள் செய்கிறார். இவருக்கு #பாதாளபைரவர் என்று பெயர். இவரது சன்னதி கோடிதீர்த்தம் அருகில் உள்ளது. இந்த பைரவரை
வழிபட்டால் கொடிய தோஷமான பிரம்மஹத்தி தோஷம் (கொலை செய்த பாவம்) வறுமை, நோய் யாவும் உடனடியாக அகலும்.
இராமேஸ்வரம் கோவிலுக்கு செல்பவர்கள் பல நூறு வருடங்கள் பழமையான நீலேஸ்வரர் லிங்கம், உப்புக்கல்லால் செய்யப்பட்ட உப்பு லிங்கம், சேது மாதவர் சன்னிதி மற்றும் பாதாள பைரவர் ஆகிய சன்னிதிகளுக்கு
இராமேஸ்வரம் கோவிலுக்கு செல்பவர்கள் பல நூறு வருடங்கள் பழமையான நீலேஸ்வரர் லிங்கம், உப்புக்கல்லால் செய்யப்பட்ட உப்பு லிங்கம், சேது மாதவர் சன்னிதி மற்றும் பாதாள பைரவர் ஆகிய சன்னிதிகளுக்கு
சென்று தரிசித்துப் பயன்பெற இந்தப் பதிவு. ராமேஸ்வரம் கோவிலுக்கு அடுத்த முறை செல்லும் போது மறவாமல் ஸ்ரீ சேது மாதவரை தரிசனம் செய்து வருவோம். இவர் சேது மாதவ தீர்த்தத்திற்கு அருகில் இருக்கின்றார். இவருக்கு அருகில் ஸ்ரீ யோக நரசிம்மரும் ஸ்ரீ லட்சுமி நாராயணரும் உள்ளனர். சேது மாதவனை
தரிசனம் செய்த பின் கோடி தீர்த்தம் அருகில் உள்ள பாதாள பைரவரை தரிசனம் செய்ய வேண்டும். இருவரையும் தரிசனம் செய்தால் தான் ராமேஸ்வரத்தில் தீர்த்தமாடிய பலனும் ஸ்ரீ ராமநாத சுவாமியை தரிசனம் செய்த பலனையும் பெற முடியும். நம் உறவினர், நண்பர் யாரேனும் ராமேஸ்வரம் சென்றாலும் இந்த இரு
சன்னதிகளும் தரிசனம் செய்ய நினைவு படுத்த வேண்டும்.
சர்வம் ஶ்ரீ கிருஷ்ணார்ப்பணம்🙏🏻
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
