Thread by @PratikBalasah13

(संविधान आणि त्याची नैतिक मूल्य जपणे आजच्या काळाची गरज.)

वर्षानुवर्षे गुलामगिरी त जीवण कंठणाऱ्या समाजाला मनुष्य म्हणून जगण्याचा अधिकार देणाऱ्या परमपूज्य डॉ. बाबासाहेब आंबेडकरांनी भारताच्या घटनात्मक राजकीय आणि सामाजिक विचारात टाकलेली भर ही (1)

#ThanksPhuleAmbedkar📍

नि:संशय मोलाची आहे.

देशाच्या स्वातंत्र्याचे संरक्षण करणे हे प्रत्येकाने आपले परमकर्तव्य मानले पाहिजे, असा संदेश देणाऱ्या डॉ बाबासाहेब आंबेडकरांनी दिलेल्या भारतीय राज्यघटनेच्या व निर्माण केलेल्या नव्या समाजव्यवस्थेचे रक्षण व पालन करण्याकरिता डॉ. बाबासाहेब आंबेडकरांनी दिलेले (2)

घटना समितीतील अखेरचे भाषण हे अत्यंत महत्त्वपूर्ण ठरते.

राष्ट्राच्या भवितव्यासंबंधी आपले मत व्यक्त करताना बाबासाहेब म्हणतात,

"भारत २६ जानेवारी १९५० ला स्वतंत्र होईल. या स्वातंत्र्याचे काय होईल? तो आपले स्वातंत्र्य रक्षण करील की पुन्हा गमावून बसेल, हा माझ्या मनात पहिला प्रश्न (3)

उभा राहतो. देशाच्या भवितव्याबद्दल मला जास्त चिंताक्रांत करणारा हा प्रश्न आहे.

माझ्या मनाला जास्त जिची टोचणी लागली आहे ती गोष्ट ही की, भारताने आपले जे स्वातंत्र्य पूर्वी एकदा गमावले ते हिंदुस्थानच्या काही रहिवाशांच्या कपटी कारस्थानामुळेच. हे सत्य हृदयाला असह्य वाटू लागते. (4)

ब्रिटीश लोक शीख राजांचा निःपात करण्यात गुंतले होते, तेव्हा शीखांचा प्रमुख सेनापती गुलाबचंद हा स्तब्ध बसला. ब्रिटीशांच्या तावडीतून राजपुत राजांना सोडविण्याचा त्याने काडीमात्र प्रयत्न केला नाही. १८५७ मध्ये भारतातील बऱ्याच भागांनी ब्रिटीश सत्तेविरूद्ध बंडाचा झेंडा उभारला असता शीख(5)

लोक स्वस्थ उभे राहून तमाश्या बघ्या लोकांप्रमाणे बंडाचा सर्व देखावा पहात होते. भारताच्या इतिहासात ज्या घडामोडी झाल्या त्यांची पुनरावृत्ती होईल की काय, या प्रश्नाने माझे मन धास्तावून गेले आहे. जातीभेद आणि धर्मभेद हे आपले जुनेपुराणे शत्रू आहेत. नवीन नवीन व निरनिराळी ध्येये (6)

पुढे ठेवुन जे राजकीयपक्ष उत्पन्न झालेले आहेत व होणार आहेत त्यांची आपल्या जुन्या शत्रूंमध्ये भर पडणार आहे. पण एवढे मात्र खास की, जर निरनिराळे पक्ष आपल्या देशापेक्षा आपल्या मतप्रणालींना जास्त महत्व देतील तर आपले स्वातंत्र्य पुन्हा दुसऱ्यांदा संकटात सापडेल.

आणि कदाचित कायमचेच (7)

नष्ट होईल. असले संकट आपणावर येऊ नये यासाठी आपण सर्वांनी जय्यत तयारी ठेवली पाहिजे. आपल्या अंगातल्या रक्ताचा शेवटचा बिंदू राहीपर्यंत आपण आपल्या स्वातंत्र्याचे संरक्षण प्राणपणाने करू, असा आपण दृढनिश्चय केला पाहिजे. २६ जानेवारी १९५० रोजी भारत लोकसत्तात्मक होणार याचा अर्थ असा की, (8)

लोकांचे लोकांनी आणि लोकांसाठी चालविलेले राज्य भारताला त्या मिळेल. भारताच्या लोकशाहीप्रणित घटनेचे काय होणार? भारत ती घटना शाबूत ठेवील की पुन्हा नष्ट करील?

ज्या देशात लोकशाहीचा फारसा उपयोग करण्यात आलेला नाही त्या देशात लोकशाही एक नवीन चीज मानली जाते. अशा देशांपैकी भारत हा (9)

एक देश आहे. अशा प्रकारच्या देशातील लोकशाही आपला कारभार चालवित असताना, आपल्या जागेवर अधिष्टीत होण्यास हुकूमशाहीला आमंत्रण देण्याची शक्यता आहे. भारतात नवोदित झालेली लोकशाही आपले बाह्यांग शाबूत राखून ठेवू शकेल, परंतु ती व्यवहारात हुकूमशाहीला आपली जागा बळकाविण्यास (10)

वाव देईल, असा प्रकार घडवून येणे सर्वथैव शक्य आहे. लोकशाहीचे अस्तीत्व आपणाला टिकवायचे असेल तर माझ्या मते आपण पहिली जी गोष्ट केली पाहिजे ती ही की आपले सामाजिक आणि आर्थिक उद्देश साध्य करण्यासाठी आपण फक्त सनदशीर मार्गांचाच अवलंब केला पाहिजे. याचा अर्थ असा की क्रांतीचे घातपाती (11)

मार्ग वर्ज्य केले पाहिजेत.

म्हणजे असे की, कायदेभंग, असहकार आणि सत्याग्रह हे मार्ग आपण वर्ज्य केले पाहिजेत. दिवसापासून लोकशाहीचे अस्तित्व टिकविण्यासाठी आपणाला दुसरी जी गोष्ट करावयाची आहे ती ही की, लोकशाहीचा झेंडा सतत उंच ठेवण्यास जे उत्सुक आहेत त्यांच्या साठी जॉन ट्युअर्ट (12)

याने जो भयसूचक संदेश दिलेला आहे तो पाळणे, ही होय. "आपल्यातील एखादा माणूस कितीही मोठा असला तरी त्याच्या चरणी आपल्या व्यक्ती स्वातंत्र्याची सुमने वाहू नयेत." ज्यांनी आयुष्यभर आपल्या मातृभूमीची सेवा केलेली आहे, अशा थोर व्यक्तींबद्दल कृतज्ञता व्यक्त करणे यात काही चूक नाही (13)

परंतु कृतज्ञता व्यक्त करण्यालासुद्धा मर्यादा आहेत. या बाबतीत आयलंडचा देशभक्त डॅनियल ओकेनेल याने मार्मिकपणे म्हटले आहे की,

"स्वाभिमानाचा बळी देऊन कोणताही मनुष्य कृतज्ञता व्यक्त करू शकणार नाही. शीलाचा बळी देऊन कोणतीही स्त्री कृतज्ञ राहू शकणार नाही आणि स्वातंत्र्याचा बळी देऊन (14)

कोणतेही राष्ट्र कृतज्ञता व्यक्त करू शकणार नाही.' या भयसूचक संदेशाची जरूरी इतर कोणत्याही देशापेक्षा भारत देशाला जास्त आहे. याचे कारण असे की, भारताच्या राजकारणात भक्ती किंवा व्यक्ति माहात्म्यपूजा ही भावना जितकी थैमान घालते तितकी ती जगातील इतर कोणत्याही देशाच्या राजकारणात घालीत (15)

नाही. एखाद्याने राजकारणात भक्ती किंवा व्यक्तिमाहात्म्य-पूजा दाखविली तर ती त्या राजकीय पंथात हुकूमशाहीची सत्ता प्रस्थापित करील..(16)

@KotwalMeena
@sanghamitta1891
@ovhallakhan_358
@Dongarevaibhav0
@TheNewsBeak