Thread by @anbezhil12

#ஆதிசங்கர_பகவத்பாதாள் #விஷ்ணுசஹஸ்ரநாமம்
பண்டிதர்கள் முதல் பாமரர் வரை படித்துப் பயன்பெறும் படி லலிதா சஹஸ்ரநாமத்திற்கு விரிவுரை எழுதவேண்டும் என்று நினைத்தார் ஆதிசங்கரர். உடனே தன் சீடர்களுள் ஒருவனை அழைத்து,
"சிஷ்யனே, பூஜையறையில் லலிதா சஹஸ்ரநாம ஓலைச் சுவடி இருக்கும். அதை எடுத்து வா"

என்றார். உள்ளே சென்ற சீடன் ஓலைச் சுவடிகளுக்கிடையே லலிதா சஹஸ்ரநாமத்தை தேடி எடுத்து சங்கரரிடம் கொடுத்தான். அதை வாங்கிப் பார்த்த சங்கரர், "சீடனே நான் உன்னைக் கேட்டது லலிதா சஹஸ்ரநாமம். ஆனால் நீ என்ன கொண்டு வந்திருக்கிறாய் பார்" என்றார். சீடன் படித்துப் பார்த்த போது 'விஷ்ணு சஹஸ்ர

நாமம்' என்றிருந்தது. மன்னிப்புக் கேட்ட சீடன், மறுபடி உள்ளே சென்று தேடி லலிதா சஹஸ்ரநாம சுவடிகளைக் கொண்டு வந்து கொடுத்தான்.
"உனக்கு எழுதப் படிக்க கற்றுக் கொடுக்கவில்லையா? நான் கேட்டதைக் கொண்டு வராமல் மறுபடியும் விஷ்ணு சஹஸ்ரநாமத்தையே கொண்டு வருகிறாயே?" என்று கடிந்து கொண்டார் சங்கரர்

அதற்கு அவன் சொன்னான், "சுவாமி, நான் லலிதா சஹஸ்ரநாமத்தைத் தான் எடுத்தேன். ஆனால் ஒரு சிறுமி, மறுபடியும் மறுபடியும் என் கையில் இதைக் கொடுத்து அவரிடம் கொடு என்று கட்டளை இடுகிறாள். பார்த்தால் விஷ்ணு சஹஸ்ரநாமம். நான் என்ன செய்வது? தவறு என் மீதல்ல. அந்தச் சிறுமியின் விஷமம் இது" என்றான்.

வியப்படைந்த ஆதிசங்கரர் ஒரு கணம் கண்களை மூடி தியானம் செய்தார். தன் சீடனுடைய கையில் லலிதா சஹஸ்ர நாமத்திற்கு பதிலாக விஷ்ணு சஹஸ்ர நாமத்தைக் கொடுத்து, இதற்கு உரை எழுதச் சொல் என்றது அந்த அம்பாளே என்பதை அறிந்து மகிழ்ந்தார். அம்பாள் தன் சீடனுக்கு காட்சியளித்ததைத் கண்டு மகிழ்ந்தாலும்,

தனக்கு அவள் தரிசனம் தரவில்லையே என்று வருந்தினார். அம்பாளுடைய கட்டளைக்கு ஏற்ப விஷ்ணு சஹஸ்ரநாமத்திற்கு உரை எழுதினார். அது இன்றளவும் பகவத்பாதருடைய பெருமையைப் பேசுகிறது.
சர்வம் ஸ்ரீ கிருஷ்ணார்ப்பணம்🙏