Thread by @anbezhil12

#ஆனந்தநிலையம் #திருமலை திருமலையில் திருவேங்கடவன் கொலுவிருக்கும் கருவறையின் மேற்கூரையே ஆனந்த நிலையம் என அழைக்கப்படுகிறது. இது முழுதும் கல்லால் வேயப்பட்டு பொன்னால் போர்த்தப் பட்டதாகும். வாயு தேவனுக்கும் ஆதிசேஷனுக்கும் இடையே ஒரு பந்தயம் நடந்தது. அதில் வாயுதேவன், ஆதிசேஷனை கீழே விழும்

படிச் செய்தான். அவ்வாறு விழுந்த ஆதிசேஷன், சேஷாசலம் என ஏழுமலையில் ஒன்றாக ஆனார். சேஷாசலம் மீது ஆனந்தன் இருப்பதால் அந்த பிரதேசத்திற்கு ஆனந்த நிலையம் என்ற பெயர் வந்தது. அதன் காரணமாக ஸ்ரீனிவாசனான ஸ்ரீவேங்கடேஸ்வரன் உள்ள கர்ப்பாலயம் மீது நிர்மாணிக்கப்பட்ட விமானத்திற்கும் #ஆனந்தநிலையம்

என்று பெயர் வந்தது. மூன்று அடுக்கு விமானம், இரண்டு அடுக்கு வரையிலும் சதுரமாகவும் அதன் மீது உள்ள கழுத்து வட்டமாகவும் நிர்மாணிக்கப் பட்டுள்ளது. கற்கள், சுண்ணாம்பினால் கட்டப்பட்ட இந்த விமானம் மீது செப்புத் தகடுகளைக் கொண்டு வேய்ந்து அதன் மீது தங்க முலாம் பூசப்பட்டதால் ஆனந்த நிலையம்

தகதகவென காட்சி அளிக்கிறது. தொண்டைமான் சக்கரவர்த்தி நிர்மாணித்த இந்த ஆனந்த நிலையத்தின் மீது ஸ்ரீனிவாசன் உள்ளான் என்றும் அவனே விமான வேங்கடேஸ்வரராக போற்றப்படுகிறார் என்றும் பவிஷ்யோத்ர புராணத்தில் கூறப்பட்டுள்ளது. மேலும், ஸ்ரீ வெங்கடாசல மஹாத்மியத்தின் பவிஷ்யோத்தர புராணத்தில்

திருமாலின் வரலாற்றையே கொண்டு ஒரு கதை உள்ளது. ஒரு நாள் வாயுதேவர் ஆதிசேஷனிடம் வாக்குவாதம் செய்து பந்தயத்தில் ஈடுபட்டார். பந்தயக்காரரின் கூற்றுப் படி, ஆதிசேஷர் மேருபர்வதத்தின் மகனான ஆனந்தபர்வதத்தைச் சுற்றி வந்தார். காற்றின் கடவுள் தனது முழு சக்தியையும் பயன்படுத்தி அவரை நகர்த்த

முடியவில்லை. இறுதியாக, ஆதிசேஷனுக்குக் கட்டப்பட்ட ஆனந்தாத்ரியை பூலோகத்தில் சுவர்ணமுகினேயின் வடகரையில் தள்ளினான். இதனால் ஆதிசேஷன் தவம் செய்து சேஷாசல பர்வதாவானார். அவரது தலையில் இருந்த ஆனந்த பர்வதம் ஆனந்த நிலைய விமானமாக மாறியது. இதுவே ஆனந்தநிலைய விமானத்தின் ரகசியம் என்றும்

புராணங்கள் கூறுகின்றன.
ஓம் ஶ்ரீ வேங்கடேசாய நமஹ
சர்வம் ஶ்ரீ கிருஷ்ணார்ப்பணம்🙏🏻