Thread by @none_but_Aarav

#साडेतीन_संख्येचे_महात्म्य

महाराष्ट्रात आदिमायाशक्तीची एकूण साडेतीन शक्तिपीठं आहेत.
कोल्हापूरची महालक्ष्मी माता एक शक्तिपीठ,
तुळजापूरची भवानी माता दुसरं तर,
माहूरची रेणुका माता तीसरं आणि,
नाशिक जिल्ह्यातील वणी-दिंडोरी येथील सप्तशृंगी माता हे अर्धं शक्तीपीठ...

तसेच, पेशवाईतील साडेतीन शहाणे ही महाराष्ट्राच्या इतिहासात तितकेच प्रसिद्ध आहेत...
सखारामपंत बोकील एक शहाणा, देवाजीपंत चोरघडे दुसरा तर,
विठ्ठल सुंदर हा तिसरा,
हे झाले पूर्ण शहाणे कारण हे मुत्सद्दी तसेच योद्धेही होते.
आणि उरलेला अर्धा शहाणा म्हणजे नाना फडणीस जो फक्त मुत्सद्दी होता.

आणि तिसरं सर्वात महत्वाचं म्हणजे महाराष्ट्रातील जनतेत साजऱ्या केल्या जाणाऱ्या सणांपैकी प्रचलित असलेले साडेतीन मुहूर्त...

मराठी नववर्षाचा पहिला दिवस म्हणून ज्याचं स्वागत गुढ्या व तोरणं उभारून केलं जातं तो गुढीपाडवा हा पहिला मुहूर्त...

देव आणि पितर यांना उद्देशून ज्या मुहूर्तावर अन्नदानाद्वारे जे पुण्यकर्म पदरात पडतं ते अक्षय्य राहतं म्हणून जो दिवस साजरा केला जातो तो अक्षय्य तृतीया हे दुसरं मुहूर्त...

प्रभु श्रीरामांच्या हातून ज्या तिथीस रावणाचा अंत झाला त्या तिथीस स्मरून साजरा केला जातो तो दसरा अर्थात विजयादशमी हा तिसरा मुहूर्त...

तर बलिप्रतिपदा अर्थात दिवाळी पाडवा हा अर्धा मुहूर्त म्हणून गणला जातो.
असे हे एकून साडेतीन मुहूर्त...

पैकी आज तिथीनुसार आलेला आहे तो दुसरा मुहूर्त अर्थात अक्षय्य तृतीया...

आजच्या या शुभदिनी, आपले आरोग्यम-धन-संपदा हे अक्षय्य टिकून राहोत या सदिच्छा देऊन अपणास अक्षय्य तृतीयेच्या हार्दिक शुभेच्छा देत आहोत...🙏🏻😊

#अक्षयतृतीया
#दुसरा_मुहुर्त