Thread by @anbezhil12

சில பெரியோர்களை, எளிய ஆனால் அரிய மனித தெய்வங்களை அவர்கள் மறைவுக்குப் பின் தான் தெரிந்து கொள்கிறோம். இவரை வாழுங்காலத்தே அறிந்து போற்றி வணங்குவோம்.
#பாலம்_கல்யாணசுந்தரம் (பிறப்பு: ஆகஸ்ட்1940) அமெரிக்க ஜனாதிபதி பில் கிளிண்டன் இந்தியா வந்தபோது அரசு சாரா இருவரை சந்திக்க விரும்பினார்.

ஒருவர் டாக்டர் ஏ.பி.ஜே. அப்துல்கலாம் இன்னொருவர் பாலம் கல்யாண சுந்தரம். 35 ஆண்டுகள் பேராசிரியர் பதவியில் பணிபுரிந்து, பெற்ற சம்பளம் அனைத்தையும் ஏழை மக்களின் நலனுக்காக செலவிட்டு, தமது சொந்தச் செலவிற்கு ஒரு உணவகத்தில் சர்வராக வேலை பார்த்தவர். இவ்வாறு 35 ஆண்டுகளாகத் தான் பெற்ற ஊதியம்

ரூபாய் முப்பது லட்சத்தையும் முழுமையாகக் கொடுத்து வரலாறு படைத்தார் பாலம் கல்யாண சுந்தரம் ஐயா. உலகில் எந்த நாட்டைச் சேர்ந்த மத்திய, மாநில அரசு ஊழியர்களோ, தனியார் நிறுவனத்தில் வேலை செய்பவர்களோ இவ்வாறு செய்ததில்லை என்பதால் அமெரிக்காவில் “ஆயிரம் ஆண்டுகளில் சிறந்த மனிதர்”

(Man of Millinium) என்ற விருதுக்கு தேர்ந்தெடுக்கப்பட்டு, 6.5 மில்லியன் டாலர் (30 கோடி) பரிசாகப் பெற்றார். அதையும் குழந்தைகள் நலனுக்காக அளித்து உலகில் கோடிக்கணக்கான மக்களை வியப்பில் ஆழ்த்தினார். தன் பங்கிற்குக் குடும்பத்தில் கிடைத்த ரூ.50 லட்சம் மதிப்புடைய சொத்தில் தனக்கென்று

எதுவும் வைத்துக் கொள்ளாமல் மக்களுக்கு அளித்து தனக்குப்போக தானம் என்பதை மாற்றிக் காட்டினர் பாலம் ஐயா. சூப்பர் ஸ்டார் ரஜினிகாந்த பாலம் ஐயாவை தனது தந்தையாக தத்தெடுத்துக் கொண்டார். ஓரிரு மாதத்தில் தனது பழைய வசிப்பிடத்துக்கே சூப்பர் ஸ்டாருக்கு நன்றி கூறிவிட்டு திரும்பினார். ஐயா

அவர்கள் தன் பேருக்குப் பின்னால் M.A(Litt)., M.S.(His)., M.A.(GT)., B.Lip.Sc., DCT, DRT, DMTI, FNCW, DS என 36 எழுத்துக்குச் சொந்தக்காரரான இவர் அனைத்திலும் பல்கலைகழகத்தில் முதலிடம் பெற்றார். ஏழைகளின் துயரினை நேரிடையாக அறிந்துகொள்ள 7
ஆண்டுகள் நடைபாதை வாடியாகவே

வாழ்ந்தார். 30 ஆண்டுகளுக்கு முன்பாகவே தன் உடல் உறுப்புகளை மருத்துவக் கல்லூரிகளுக்குத் தானமாக எழுதி வைத்துவிட்டார். வாழ்நாள் முழுவதும் ஒரு சென்ட் நிலம், ஒரு ஓலை குடிசை, ஒரு சல்லிக் காசு இல்லாமல் அனைத்தையும் நாட்டு மக்களுக்காக அர்ப்பணித்து திருமண வாழ்வையும் தியாகம் செய்தவர்.

கேம்பிரிட்ஜ் பல்கலைகழகம் ‘A Most Notable intellectual’ in the World என்ற பட்டத்தை வழங்கியதுடன் நூலகத்துறைக்கு நோபல் பரிசு இருந்தால், அதனைப் பெறத் தகுதி இவருக்கு உண்டு என்ற குறிப்பையும் வழங்கியது. பிரபல ரியல் எஸ்டேட் அதிபர் அரிமா லியோ முத்து அவர்கள் சென்னை மையப்பகுதியில் பல கோடி

மதிப்புள்ள வீட்டு மனையை ஐயாவிற்கு பரிசாக அளித்தார். ஆனால், அது தனது கொள்கைக்கு முரணானது என அப்பரிசை ஏற்றுக்கொள்ள பணிவுடன் மறுத்துவிட்டார்கள். 20-ம் நூற்றாண்டின் இணையற்ற சாதனையாளராக ஐ.நா சபை உலகெங்கிலும் தேர்ந்தெடுத்த 20 பேர்களில் ஐயாவும் ஒருவர். பாலம் ஐயாவைப் பற்றிய ஆவணப்படம்

நார்வேயில் நடைபெற்ற சர்வதேச திரைப்பட விழாவில் சிறப்பு பரிசு பெற்றது. பாலம் ஐயா மருத்துவமனையில் இருந்தபோது மருத்துவச் செலவிற்காக மக்களிடம் ஒரு ரூபாய் வேண்டினார். இவரது வேண்டுகோளை மதித்து மேயர், சபாநாயகர், கவர்னர் மட்டுமல்லாமல் அன்றைய குடியரசுத்தலைவர் டாக்டர் ஏ.பி.ஜே. அப்துல்கலாம்

அவர்களும் ஒரு ரூபாய் அனுப்பினர்.
கோடிக்கணக்கில் அள்ளிக் கொடுத்த இவர் ஏழைகளுக்குக் கிட்டாத உணவையோ, உடையையோ, இருப்பிடத்தையோ பயன்படுத்தாமல் எளிய வாழ்க்கை வாழ்ந்து வருபவர் என்பது குறிப்பிடத்தக்கது. பாலம் ஐயாவின் தந்தையார் பல்வண்ணநாதன், ஒரு கோவிலின் அறங்காவலாராக இருந்தபோது கோவில்

பணியாளர் கோவில் வளாகத்திலுள்ள பலா மரத்திலிருந்து ஒரு பலாப் பழத்தை எடுத்து வந்து வீட்டில் கொடுத்தார். அதில் சில சுளைகளை மனைவியும், குழந்தைகளும் சாப்பிட அதனை மாபெரும் குற்றமாகக் கருதி அதற்கு பிரயாச்சித்தமாக ஒரு வயலை கோவிலுக்கு எழுதி வைத்தார். அதன் இன்றைய மதிப்பு பல லட்சம்.

பாலம் ஐயாவின் அன்னையார் தாயம்மாள்.

1. எதற்காகவும் பேராசைப்படாதே.
2. ஏது கிடைத்தாலும் பத்தில் ஒன்றை தானம் செய்.
3. தினமும் ஓர் உயிருக்கு நல்லது செய்தால் வாழ்க்கையில் எப்பொழுதும் மகிழ்ச்சி நிலவும் என்று தாயார் வழங்கிய அறிவுரையே அவரது அனைத்து சேவைகளின் மையமாகத் திகழ்கிறது.

தினத்தந்தி (26.05.1995)
நல்ல காரியங்களுக்கு பொருளை வாரிவழங்குவது தான் நம் செல்வத்தை பாதுகாப்பதற்கு ஒரே வழி என்ற சான்றோர் வாக்கை கல்யாணசுந்தரம் போல் எல்லாரும் கடைபிடித்து வாழ வேண்டும்- #வாரியார்_சுவாமிகள் பத்மஸ்ரீ டாக்டர் நல்லி குப்புசாமி செட்டியார்-
தனது ஊதியம் முழுவதையும்

அளித்தது, கொடுப்பதற்காகவே திருமண வாழ்க்கை தியாகம் செய்தது. பரிபூரண எளிய வாழ்க்கை இவைகளை ஒப்பிடும்போது கடையேழு வள்ளல்களும், கர்ணனும் இவருக்கு ஈடாக முடியாது.
Nelson Mandala (10.05.1994 – Former Prime Minister of South Africa
The Progress of a country depends upon the children and

the students of that country. Indeed it is very great Mr. Kalyanasundaram has been doing yeoman services to this section of society for past 50 years and without any publicity.

பாரத ரத்னா காமராஜர் 01.05.1963 – முன்னாள் தமிழ்நாடு முதலமைச்சர்
நமது பாரத பிரதமரின் வேண்டுகோளுக்கு

இணங்க இந்தியாவிலேயே தேசிய பாதுகாப்பு நிதிக்கு நன்கொடை அளிக்க முதல் மாணவன் என்ற வகையிலும் நமது நாட்டின் பாதுகாப்பு நிதிக்கு தங்கம் வழங்கிய முதல் பிரஜை என்ற வகையிலும் மாணவர் கல்யாண சுந்தரம் தமிழ்நாட்டிற்கே பெருமை சேர்த்துள்ளார். அவர் எதிர்காலத்தில் மிகச் சிறந்த மனிதராக வருவார்

சர்வம் ஶ்ரீ கிருஷ்ணார்ப்பணம் என்கின்ற கோட்பாட்டிற்கு உண்மையான உதாரணம் திரு பாலம் ஐயா அவர்கள். இவரை விட உயர்ந்தவர் வேறொருவர் இருப்பரோ எனும் பிரமிப்பு ஏற்படுகிறது. வாழும் மகாத்மா. இவரை போற்றுவோம். அவர் வாழ்க்கையில் இருந்து சிலதையாவது பின்பற்றுவோம்.
சர்வம் ஶ்ரீ கிருஷ்ணார்ப்பணம்🙏🏻