Thread by @Raamraaj3

*சிக்கலான நோய் தீர்க்கும் சிந்தாமணி வைத்தீஸ்வரர் கோவில்*

பல்வேறு பெருமைகள் கொண்ட தலமாகத் திகழ்வது, விழுப்புரம் மாவட்டம், விக்கிர வாண்டி வட்டத்தினைச் சார்ந்த, சிந்தாமணி வைத்தீஸ் வரன் கோவில்.

1

அம்மனின் பாதங்கள் கொண்ட கோவில், சோழப் பேரரசியின் பெயரால் உருவான திருத்தலம், சித்தர் சமாதி கொண்ட கோவில் என பல்வேறு பெருமைகள் கொண்ட தலமாகத் திகழ்வது, விழுப்புரம் மாவட்டம், விக்கிர வாண்டி வட்டத்தினைச் சார்ந்த, சிந்தாமணி வைத்தீஸ்வரன் கோவில்.

2

இந்த இறைவன் முன்காலத்தில் குலோத்துங்கச்
சோழீஸ் வரமுடைய மகாதேவன் என்று அழைக்கப்பட்டதாக குறிப்புகள் சொல் கின்றன.
தின சிந்தாமணி என்ற பேரரசியின் பெயரால் அழைக்கப் பட்ட இவ்வூர், இன்று ‘சிந்தாமணி’ என்று வழங்கப்படுகிறது.

3

ஊரின் கடைக் கோடியில் வயல் வெளிகள் சூழ இயற்கையான சூழலில் ஆலயம் அமைந் துள்ளது. சுற்றுச் சுவர், ராஜகோபுரம் ஏதுமில்லை என்றாலும், விசாலமான இடத்தில் ஆலயம் உள்ளது. உள்ளே நுழைந்ததும் இடதுபுறம் வேம்பும், அரசும் காணப் படுகின்றன.

4

அருகே விஸ்வரூப அனுமன் வணங்கிய நிலையில் காட்சி தருகிறார். அருகே, நவக்கிரக சன்னிதி அமைந்துள்ளது. சற்று நடந்ததும், அம்மன் சன்னிதி தனிச் சன்னிதியாக கிழக்கு முகமாய்க் காட்சியளிக்கிறது. அன்னை தையல்நாயகி என அழைக்கப்படுகின்றாள்.

5

சன்னிதியின் எதிரில்
அம்பிகை யின் பாதக் கமலங்கள் தனி பீடத்தின் மீது அமைக் கப்பட்டுள்ளன.

இதனைக் கடந்த பின் சுவாமி சன்னிதி வருகிறது. பெரிய நந்திதேவர் இறைவனை நோக்குகிறது.

6

மகாமண்டபம் கடந்ததும், கருவறை முன்மண்டபம், கருவறையில் வட்ட வடிவ ஆவுடையாரில் நீண்ட லிங்கத் திருமேனியராக இறைவன் காட்சி தருகின்றார். குலோத்துங்கச் சோழீஸ்வரமுடைய மகாதேவரின் இன்றைய பெயர் வைத்தீஸ்வரர். இங்கு வரும் பக்தர்களின் பிணிகளைத் தீர்ப்பதால் இந்த திரு நாமத்தைப் பெற்றுள்ளார்.

7

இது தவிர விநாயகர், வள்ளி-தெய்வானை சமேத முருகப் பெருமான் சன்னதிகளும் அமைந்துள்ளன. இந்த முருகப் பெருமானை வழிபட்டால் செவ்வாய் தோஷம் விலகும்.

8

சித்திரகுப்தர், விசித்திரகுப்தர் சன்னிதி சிறிய அளவில் உள்ளது. இவர்கள் எமபயம் போக்கி, உடல்நலம், தருபவர்கள் என்பது பக்தர்களின் நம்பிக்கையாக உள்ளது.

9

ஆலயத்தின் தல விருட்சம் மகிழ மரம். ஆலய தீர்த்தம் திருக் கோவிலின் ஊறல் குளம். இத்தல இறைவனையும்,
இறைவியையும் வணங்கினால், சிக்கலான நோய்கள் கூட விலகி விடுவதாக பக்தர்கள் நம்பிக்கை.

10

இந்தக் கோவிலில் பிரதோஷம், பவுர்ணமி, ஞாயிற்றுக் கிழமை ராகுகால நேரங்களில் துர்க்கை பூஜை, கார்த்திகை சோமவாரம், மகா சிவராத்திரி, ஐப்பசியில் அன்னா பிஷேகம், தைப்பூசம், பங்குனி உத்திரம் பால்குட விழா என அனைத்து விழாக்களும் சிறப்புடன் நடத்தப்படுகின்றன.

11

சித்தர் பீடம் :-

ஆலயத்தின் ஈசான்ய மூலையில் பல ஆண்டுகளுக்கு முன்பு இங்கே ஐக்கியமான ஒரு சித்தரின் சமாதி அமைந்துள்ளது. இவரின் மீது பஞ்ச பூதேஸ்வரர் திருமேனியும், ஞான விநாயகர், நாகங்கள் திருமேனியும், அரசமரமும், வேப்பமரமும் அமைந்துள்ளன.

12

இவரை பவுர்ணமி தினத்தில் வழிபட்டால் பலன் கிடைக்கும் என்பது நம்பிக்கையாக உள்ளது. இவரை வணங்கும் போது பலவித வாசனைகள் வருவதைச் சிலரால் மட்டுமே உணர முடியும் என்று கூறுகிறார்கள்.

13

விழுப்புரம் - திண்டிவனம் தேசிய நெடுஞ்சாலையில், விழுப்புரத் திற்கு தெற்கே 6 கிலோமீட்டர் தொலைவில் சாலையோர ஊராக சிந்தாமணி
அமைந்துள்ளது. விழுப்புரம், திண்டிவனத்தில் இருந்து எண்ணற்ற பேருந்து வசதி உள்ளது.  🙏

#வாழ்க_பாரதம்
#வளர்க_பாரதம்