Thread by @anbezhil12

#திருநாராயணபுரம்
#மேலக்கோட்டை
கர்நாடக மாநிலத்தின் மாண்டியா மாவட்டத்தில் பாண்டவபுரா வருவாய் வட்டத்தில் மைசூரில் இருந்து 70 கி.மீ தூரத்தில் மேல்கோட்டை என்ற திருநாராயணபுரம் அமைந்துள்ளது. ஸ்ரீ ராமானுஜர் திருப்பணி செய்த தலம். அடிவாரத்தில் திருநாராயணரும் மலை மீது யோக நரசிம்மரும் காட்சி

தருகிறார்கள். உத்சவர் பெயர் செல்வநாராயணர் (செல்வபிள்ளை). ஸ்ரீதேவி பூதேவியுடன் காட்சித் தருகிறார். தாயார் பெயர் ஶ்ரீ யதுகிரி நாச்சியார். தல தீர்த்தம் கல்யாணி, தல மரம் இலந்தி. இங்குள்ள கல்யாணி தீர்த்தம், வராக அவதாரத்தின் போது உருவானது. மாசிமாதத்தில் கங்கை இந்தத் தீர்த்தத்துக்கு

வருவதாக ஐதீகம். மகா விஷ்ணுவிடம் இருந்து விஷ்ணு விக்ரகம் ஒன்றை பெற்றார் பிரம்மா. அதை தனது மகன் சனத்குமாரருக்கு கொடுத்தார். பூலோகம் வந்த சனத்குமாரர் திருநாராயணபுரத்தில் அதை பிரதிஷ்டை செய்தார். இங்கு வழிபட்டால் பத்ரிநாத்தை தரிசித்த பலன் கிடைக்கும். பெருமாளையே கணவராக எண்ணி வாழ்ந்த

வரத நந்தினி என்னும் பக்தை மூலவரின் திருவடியில் இருக்கிறாள். 12ம் நூற்றாண்டு முற்பகுதியில் சோழர்கள் ஆட்சியில் வைணவ மகாசாரியர் ஸ்ரீ இராமானுசர் இங்கு பன்னிரண்டு வருடம் தங்கியிருந்துள்ளார். அவரின் முயற்சியால் மண்ணில் புதையுண்ட செல்லப்பிள்ளை (கன்னடத்தில் செலுவ நாராயணா) கோயில் அடையாளங்

காணப்பட்டு ஹொய்சாள அரசன் விஷ்ணுவர்த்தன் என்பவன் உதவியோடு நிர்மாணம் செய்து #திருநாராயணபுரம் என அழைக்கும்படி அருளினார். ஆனால் இவர் இங்கு வரும் முன்பே, மலைமேல் பிரகலாதனால் பிரதிஷ்டை செய்ததாகப் புராணங்கள் சொல்லும் நரசிம்மர் கோயில் பிரபலமாகவே இருந்துவந்துள்ளது. 400 படிகள் மலை எறினால்

அங்கு #யோகநரசிம்மருக்கு கோயில் உள்ளது. இவரது சன்னதிக்குச் செல்ல மேலும் ஒன்பது படிகள் உள்ளன. இவரது சன்னதி முன் படிக்கட்டுகளாக நவக்கிரகங்கள் உள்ளன. இந்த படிகளில் கால் வைத்தாலே நமது கிரக தோஷங்கள் நீங்கும். விஷ்ணு பிரகலாதனுக்காக நரசிம்ம அவதாரத்தில் இரணியனைக் கொன்றார். தன் தந்தை இறக்க

காரணமாக இருந்த பிரகலாதனுக்கு பிதுர் ஹத்ய தோஷம் ஏற்பட்டது. இதைப்போக்க பிரகலாதன் இங்கே தவம் புரிந்தார். யோகநிலையில் நரசிம்மர் காட்சி அளித்து தோஷத்தை போக்கினார். அவரே இங்கு எழுந்தருளி இருக்கிறார். மலையில் இராமானுசரின் பாதம் உள்ளது.

இராமானுசர் தாம் தங்கியிருந்த காலத்தில் நியமித்த

தினசரி, வாராந்திர, மாதந்திர, வருடாந்திர வழிபாட்டு நியமங்களையே இன்றும் இக்கோயிலில் பின்பற்றப்படுகிறது. நரசிம்ம ஜெயந்தி, ராமானுஜர் ஜெயந்தி, கிருஷ்ண ஜெயந்தி,ராம நவமி, வைகுண்ட ஏகாதசி, பங்குனி உத்திரம் இந்த நாட்களில் தரிசனம் செய்வது மிகவும் விசேஷம். பங்குனி மாதப் பூச நட்சத்திரத்தில்

நடைபெறும் #வைரமுடிச்_சேவை விழாவில், இராமானுஜர் சந்நிதிக்கு முன்னால் உத்சவ மூர்த்தியை நாச்சியாருடன் எழுந்தருளச் செய்து வைரமுடி அணிவித்து வைரமுடிச் சேவை கொண்டாடுகின்றனர். இராமன் முடிசூட்டு விழாவைக் காண தசரதருக்குக்கிடைக்காத பேறு இராமானுஜருக்கு கிடைத்தது. முதலில் கருடாழ்வார் கோயிலை

சுற்றி வலம் வருகிறார். பிறகு வைரமுடி பல்லக்கில்   ஏற்றப்பட்டு கோயிலைச் சுற்றிவருகின்றது. இந்த வைரமுடி கிரீடத்தை மாண்டயா கஜானாவிலிருந்து சகல மரியாதையுடன் கலெக்டர் கொண்டு வருவார். வருடத்துக்கு ஒரு முறை மட்டுமே இந்த கிரீடம் பெருமாளுக்கு அணிவிக்கப் படுகிறது பின் தங்கத்தாலான கருட

வாகனத்தின் மீது நான்கு மாடவீதிகளில் உபய நாச்சிமார்களுடன் எழுந்தருளச் செய்யப் படுகிறது. கருடன் கொண்டு வந்த அற்புத வைரமுடியை அணிந்து கொண்டு   பல்லக்கில் வெளியே வருகிறார் சம்பத் குமாரர். இவ்வைரமுடிச் சேவை இப்போதும் இரவுப்பொழுதிலே தொடங்கி விடியும் முன் முடிக்கப்பட்டு விடுகிறது.

கருடனுக்கு வைநதேயன் என்ற பெயரும் உண்டு. எனவே கருடனால் கொணரப்பட்டது 'வைநதேய முடி' என்றழைக்கப்பட்டு, 'வைநமுடி' என சுருங்கி பின்னர் #வைரமுடி என மருவியுள்ளது.
சாதிபேதங்களை எதிர்த்த ஸ்ரீ இராமானுஜர் சமூகத்தில் ஒடுக்கப்பட்ட தாழ்த்தப்பட்ட மக்களை திருக்குலத்தார் (திருமகளின் பிள்ளைகள்) என

அழைத்தத்தோடு அவர்களுக்கு வழிபாட்டிலும் சமூகத்திலும் சமமான இடமளித்தார். ஒருமுறை உத்சவ மூர்த்தியான செல்லப்பிள்ளையை தில்லி முகலாய மன்னனிடமிருந்து ஸ்ரீ இராமானுஜர் மீட்டுக் கொண்டு வரும் வழியில் எதிர்ப்பட்ட கள்ளர் கூட்டத்திடம் இருந்து இப்பகுதியை சேர்ந்த தாழ்த்தப்பட்ட மக்கள் போராடி

உத்சவ மூர்த்தியையும் ஸ்ரீ இராமானுஜரையும் காத்தனர். இதற்கு நன்றி நவிலும் வண்ணம் இராமானுசரின் ஆணைக்கிணங்க, இன்றும் தேர்த் திருவிழாவின் அடுத்த நாளிலிருந்து மூன்று நாட்கள் #திருக்குலத்தார்_உத்சவம் மிகப் பிரம்மாண்டமாய் கொண்டாடப்பட்டு வருகிறது. ஸ்ரீ இராமானுஜர் தன் 80 ஆவது வயதில்

திருநாராயணபுரத்திலிருந்து ஸ்ரீரங்கம் செல்வதற்காக அங்கிருந்த சீடர்களிடம் விடைபெற முயன்றார். அவரது சீடர்கள் அவரைப் பிரிந்து வாழ வேண்டுமே எனத் தவித்தார்கள். இது கண்டு துயருற்ற இராமானுஜர் ஒரு சிற்பியைக் கொண்டு தன் உருவத்தை வடிக்கச் செய்தார். இந்த விக்ரகம் இராமானுஜர் கைகூப்பி வணங்கி

விடைபெறும் கோலத்தில் அமைந்துள்ளது. இதில் தம் தெய்வீக சக்திகளைப் பாயச் செய்தார். பின்பு சக்தியூட்டிய விக்ரகத்தை தன் சீடர்களிடம் ஒப்படைத்தார். விடைபெறும்போது ‘நான் உங்களுடனேயே தங்கி இருப்பதாக எண்ணி இந்தச் சிலையை கண்டு மகிழ்ந்து அமைதி பெறுங்கள்.’ என்று அவர்களை அமைதிப்படுத்தினார்.

இதுவே #தமர்_உகந்த_திருமேனி என்று அழைக்கப் படுகிறது. இங்கு ஸ்ரீராமானுஜர் பக்தர்களின் குறை கேட்டு நிவர்த்தி செய்யும் பாவனையில் இருப்பதால் பேசும்  யதிராஜர் எனப்படுகிறார். இங்குள்ள இசை தூண் கலை நுட்பத்துடன்  செதுக்கப்பட்டுள்ளது. அருகிலுள்ள கல்யாணி தீர்த்தங்கரையில் பிந்துமாதவன்,

நாராயணன், லட்சுமி நரசிம்மர், மாருதி சன்னதிகள் உள்ளன. நிச்சயம் தரிசிக்க வேண்டிய தலம்.
தொடர்புக்கு தொலைபேசி எண்
08236- 299839.
ஸ்ரீ யோக நரசிம்மர் திருவடிகளே சரணம்
திருநாராயணர் பொற்பாதம் பணிவோம்
சர்வம் ஸ்ரீ கிருஷ்ணார்ப்பணம்🙏