Read on Twitter
#ஜகத்குரு_ஆதிசங்கரர்
ஆதி சங்கர பகவத் பாதாள் மிகவும் நலிவுற்று இருந்த இந்து மதத்தையும் வேதங்களையும் காத்து அருளினார். பல ஸ்லோகங்களை இயற்றி, வேத வேதாந்த நூல்களுக்கு விளக்கவுரை எழுதினார். நம் அகண்ட பாரத தேசத்தின் நான்கு திசைகளிலும் அத்வைத மடங்களை நிறுவி இந்து மதத்தை பரப்பினார்.
ஆதி சங்கர பகவத் பாதாள் மிகவும் நலிவுற்று இருந்த இந்து மதத்தையும் வேதங்களையும் காத்து அருளினார். பல ஸ்லோகங்களை இயற்றி, வேத வேதாந்த நூல்களுக்கு விளக்கவுரை எழுதினார். நம் அகண்ட பாரத தேசத்தின் நான்கு திசைகளிலும் அத்வைத மடங்களை நிறுவி இந்து மதத்தை பரப்பினார்.
அவரின் வரலாறு நாம் தெரிந்து கொள்ள வேண்டிய ஒன்று. பொ.யு 7ம் நூற்றாண்டில், (அவர் பிறந்த காலம் பற்றி இரு வேறு கருத்துகள் நிலவுகின்றன) கேரள மாநிலம் எர்ணாகுளம் அருகே உள்ள காலடியில், சிறந்த இறை பக்தி கொண்ட சிவகுரு, ஆர்யாம்பாள் என்ற அந்தண தம்பதியினர் வசித்து வந்தனர். அவர்கள் இறைவன் மீது
இருந்த மிகுந்த பக்தியால், ஏழை எளிய மக்களுக்கு முடிந்த உதவிகளை செய்து வந்தனர். ஆனால் தங்களுக்கு குழந்தை இல்லை என்ற மனக்குறை இருந்து வந்தது. இதை பார்த்த பெரியோர்கள் அவர்களுக்கு ஓர் ஆலோசனை கூறினர். திருச்சூரில் வடக்குநாதன் என்ற பெயருடன் எழுந்தருளியுள்ள சிவபெருமானை தொடர்ந்து ஒரு
மண்டலம் பூஜை செய்யுமாறு அறிவுறுத்தினர். ஆகவே சிவகுரு ஆர்யாம்பாள் தம்பதியினரும் பெரியோர்கள் அறிவுரைப்படி மிகுந்த பக்தியுடன், தங்களுக்கு புத்திர பாக்கியம் வேண்டும் எனபதற்காக திருச்சூர் வடக்குநாதரை வேண்டி மிகவும் கடுமையான விரதங்களை அவர்கள் இருவரும் மேற்கொண்டனர். அவர்களின்
தூய்மையான பக்தியை கண்டு மகிழ்ந்தார் வடக்குநாதர். சிவகுருவின் கனவில் தோன்றி உங்களுக்கு புத்திர பாக்கியம் உண்டாகும். ஆனால் ஒரு நிபந்தனை. குறைந்த ஆயுளுடன் எல்லா நற்குணங்களும், ஞானமும் அறிவும் மற்றும் ஒழுக்கமும் கொண்ட புத்திசாலிப் பிள்ளை வேண்டுமா அல்லது அறிவற்ற நீண்ட ஆயுளை உடைய
சாதாரண மகன் வேண்டுமா என்று கேட்டார். இந்த இரண்டு வரங்களில் ஏதேனும் ஒன்றை தேர்ந்து எடுக்க வேண்டும் என்றார். ஆனால் பக்தியில் சிறந்த சிவகுரு, எதை கொடுக்க வேண்டும் என்று தங்களுக்கு தெரியும். தாங்கள் எதை குடுத்தாலும் நாங்கள் மிகவும் மகிழ்ச்சியோடு அதை ஏற்று கொள்வோம் என்றார். இந்த
பதிலால் உள்ளம் மகிழ்ந்த ஈசன், நானே உங்களுக்கு மகனாக பிறப்பேன் என்று ஆசி கூறினார். சிவகுருவின் கனவைக் கேட்ட ஆர்யாம்பாள் மனமகிழ்ந்து தங்களுக்கு ஒரு ஞானக்குழந்தை மகனாகப் பிறப்பான் என்று அறிந்து ஆனந்தம் அடைந்தாள். உள்ளம் மகிழ்ந்த தம்பதியினர் தங்கள் ஊரான காலடிக்கு திரும்பினர். இறைவன்
அளித்த வரத்தின் படி காலடியில் வைகாசி மாதம், வளர்பிறை பஞ்சமியன்று சூரியன், செவ்வாய், சனி, குரு ஆகிய நான்கு கிரஹங்கள் உச்சத்தில் இருக்கும் சுபவேளையில் திருவாதிரை நட்சத்திரத்தில் இறைவனின் அருளால் தெய்வீகக் குழந்தை இந்த பூமியில் அவதரித்தது. சிவபெருமானே தெய்வத்தாய் ஆர்யாம்பாளுக்கு
மகனாகப் பிறந்தார். பிள்ளையில்லா தசரதனுக்கு மகாவிஷ்ணுவே ராமராக அவதரித்தது போல, சிவகுரு-ஆர்யாம்பாள் தம்பதியினருக்கு ஈசுவரனே குழந்தையாகப் பிறந்தது பெரும் பாக்கியமே. பிள்ளை பிறந்த மகிழ்ச்சியில் சிவகுரு தான தருமங்கள் செய்து சான்றோர்களுக்கு விருந்து அளித்து கொண்டாடினார். ஜோதிடர்கள்
இவன் ஒரு பெரிய ஞானியாவான் என்று கணித்து கூறினார்கள். அந்த இளம் குழந்தையைச் சுற்றி நாகம் ஒன்று சிறிதுநேரம் விளையாடி அதன் பின்னர், விபூதியாகவும் மறறும் ருத்ராட்சமாகவும் மாறியது கண்டும், உடலில் சிவச் சின்னங்கள் இருந்ததாலும் குழந்தைக்கு சங்கரன் என்று பெயர் சூட்டப்பட்டது. அந்தக்
குழந்தையின் தெய்வீக அழகை கண்ட மக்கள் இது சாதாரண குழந்தை இல்லை. இது தெய்வீக குழந்தை என்பதை உணர்ந்தனர். குறும்புக் கண்ணனைப் போலவே, குட்டிச் சங்கரனும் குழந்தை பருவத்தில் நிகழ்த்திய அற்புதங்கள் ஏராளம்.
சர்வம் ஶ்ரீ கிருஷ்ணார்ப்பணம்
சர்வம் ஶ்ரீ கிருஷ்ணார்ப்பணம்
• • •
Missing some Tweet in this thread? You can try to
force a refresh
