Read on Twitter
#கணுவாய்_சீதாராமர்_கோவில் மூலவர்களாக ராமர், சீதை மற்றும் லட்சுமணன், தும்பிக்கை ஆழ்வார். கோவை மாவட்டத்தில் கணுவாய் என்னும் ஊரில் அருள்மிகு சீதா ராமர் திருக்கோயில் அமைந்துள்ளது. கருவறையில் லட்சுமணன், ராமர் மற்றும் சீதா ஆகிய மூவரும் நின்ற கோலத்தில் அருள்பாலிக்கின்றனர். மூலவர்கள் 
கனிவான பார்வையில் புன்னகை ததும்பும் முகத்துடன் மலர் அலங்காரத்தில் அழகாக காட்சி அளிக்கின்றனர். மூலவர் அருகே பல நூறு வருடங்களாக பூஜிக்கப்பட்ட உற்சவ திருமேனிகள் சேவை சாதிக்கின்றனர். மூலவரின் எதிரே இருகரங்களை கூப்பிய நிலையில் நின்ற கோலத்தில் அனுமன் காட்சியளிக்கிறார்.கருவறையின் மீது
நரசிம்மர், பெருமாள் மற்றும் சுதைச் சிற்பங்களுடன் கூடிய விமானம் அமைந்துள்ளது. இத்தல விநாயகர் தனிச்சன்னதியில் அழகாக காட்சியளிக்கிறார். இத்திருக்கோயில் கிழக்கு முகமாக காட்சியளிக்கிறது. இக்கோயிலில் முன்மண்டபம், மகா மண்டபம் மற்றும் அர்த்த மண்டபம் உள்ளன. மகாமண்டபத்தின் மேல் உள்ள 4
மூலைகளிலும் ஆஞ்சநேயரின் சுதைச் சிற்பங்கள் மண்டபத்தை அலங்கரிக்கின்றன. மகாமண்டப தென்மேற்கு பகுதியில் தும்பிக்கை ஆழ்வார் அருள்புரிகின்றார். அர்த்தமண்டப நுழைவாயிலின் முன் ஜெயன் மற்றும் விஜயன் ஆகியோர் கம்பீரமாக நின்ற கோலத்தில் காவல் புரிகின்றனர். புரட்டாசி சனிக்கிழமை, நவராத்திரி,
ராமநவமி ஆகியவை இக்கோயிலில் மிக விமர்சையாக கொண்டாடப்படுகிறது. மேலும், மார்கழி மாதம் முழுவதும் சிறப்பு பூஜைகள் நடைபெறும். திருமணத்தடை நீங்க மற்றும் குழந்தைப்பேறு கிடைக்க இத்தலத்தில் பிரார்த்தனை செய்கின்றனர். இக்கோயிலில் வேண்டுதல்கள் நிறைவேறியவுடன் சீதா ராமருக்கு திருமஞ்சனம் செய்து
நேர்த்திக்கடனை செலுத்துகின்றனர்.
ஜெய் சீதா ராம்.
ஜெய் ஆஞ்சநேயா
சர்வம் ஸ்ரீ கிருஷ்ணார்ப்பணம்🙏
ஜெய் சீதா ராம்.
ஜெய் ஆஞ்சநேயா
சர்வம் ஸ்ரீ கிருஷ்ணார்ப்பணம்🙏
• • •
Missing some Tweet in this thread? You can try to
force a refresh
