Thread by @SSR_Sivaraj

#அரிக்கொம்பன் - பகுதி 1

கேரள - தமிழகத்தை கலக்கி கொண்டிருக்கும் ஒரு யானை பற்றிய திரேட்,

முன்பே யானை பற்றிய 2, 3 திரேட் போட்டிருக்கேன், அப்பேல்லாம் இந்த மாதிரி ஒரு உணர்வு வந்ததில்லை,

இந்த திரேட் மிகவும் கடினமான மனநிலையில் தான் எழுதுகிறேன்.

#யானைக்காதலன்_SSR
#SSRThreads

1/25

பொதுவாக காட்டு யானைகள் மிகவும் அறிவுத்திறன் கொண்டவை,

வளர்ப்பு யானைகளுக்கு சொல்புத்தி மட்டுமே இருக்கும். பாகன்கள் சொல்றத மட்டுமே செய்யும் சில நேரம் மீறும்,

ஆனால், காட்டு யானைகள் தானே சிந்தித்து முடிவெடுக்கும் அறிவு கொண்டது.

அவைகளது புத்திசாலி தனத்துக்கு ஒரு சின்ன உதாரணம்

2/25

வனப்பகுதிகளை ஒட்டிய விளைநிலங்களைச் சுற்றி,

'மெக்கர்' ன்னு சொல்லப்படும் மின்சாரவேலி போட்டிருப்பாங்க,
சூரியஒளி மின்சார பேட்டரியில் இணைப்பு கொடுத்திருப்பார்கள்,
'கட் அவுட்' வெச்சு, சுழற்சி முறைல, மூனு நொடிக்கு Current Supply இருக்கும், அடுத்த ஐந்து நொடிக்கு சப்ளை வராது.
3/25

லைன் சப்ளை வர்ற அந்த 3 நொடி மட்டும் மெல்லிசா, ஸ்ஸ்ஸ்... ன்னு ஒரு சத்தம் வரும்.

இப்போ, இந்த மெக்கர் லைன காட்டு யானைகள் எப்படி டீல் பண்ணும் தெரியுமா ?

முன்காலை தூக்கி தயாரா மெக்கர் போடப்பட்டிருக்குற இரும்பு போஸ்ட்டுக்கு முன்னாடி நிக்கும்.

4/25

கரன்ட் சப்ளை இருக்குற அந்த மூனு நொடி ஸ்ஸ்ஸ்... சத்தத்த விட்டுட்டு,

அந்த சத்தம் நிக்கும்போது சப்ளை வராத அந்த ஐந்து நொடிய மட்டும் கரெக்ட்டா பயன்படுத்தி, போஸ்ட்டை ஒரே மிதிமிதிச்சு தாண்டி போயிடும்.

இல்லேன்னா காய்ஞ்ச மரங்களை தூக்கி மெக்கர் மேலபோட்டு ஒடைச்சு, ஏறிமிதிச்சு,

5/25

தாண்டி போயிடும் வனத்துறை பல டெக்னாலஜிகளை கையாண்டும் கூட, காட்டு யானைங்க கிட்ட ஒன்னும் செல்லுபடியாகல.

தோண்டி வெக்குற அகழியை எல்லாம் சர்வ சாதாரணமா மூடிட்டு, தாண்டி வந்துடும் அவ்வளவு அறிவு,

இதெல்லாம் இங்க நாட்டுல வளக்குற யானைக்கு தெரியாது இந்த அறிவு எல்லாம் வரவும் வராது,

6/25

ஓரளவுக்கு கை கொடுக்குறது வேலியோர தேனி வளர்ப்பு & சுரைமுள் வேலி மட்டும்தான்.

யானைகள், உணவு தேடலுக்காக ஒருநாளைக்கு 30 to 50 கி.மீ நடக்கும்.

அப்படி போகும்போது வனப்பகுதிகளில் போடப்பட்டிருக்கும், வாகன போக்குவரத்துகள் இருக்கும் சாலைகள கடக்கும் சூழ்நிலை ஏற்படும்போது,

7/25

அப்போ, கண்ட மேனிக்கு அது இஷ்டம் போல ஓடிப்போய் ரோட்டை கடக்காது நின்னு நிதானமா ரோட்டை பார்த்து தான் கடக்கும் மனிதன் அதாற்க்கு இடைஞ்சல் பண்ணாம இருந்தா.

சரி இப்ப கொம்பன்களை பற்றி தெரிந்து கொள்ளுவோம்,

கொம்பன் என்ற யானையின் அடையாளம் கண்டுபிடிப்பது கூட்டத்தில் எளிது.

8/25

காட்டு யானைகளுக்கு தலைமை தாங்குறது, வயதான பெண் யானைதான்.

கூட்டத்துல இருக்குற, ஒவ்வொரு யானைக்கும் ஒவ்வொரு வேலைகளை ஒதுக்கி கொடுக்கும்.

ஆபத்துன்னு சின்ன பொறி தட்டினாலும், குட்டிங்கள பூரா நடுவுலவிட்டு, அத்தனை பெண் யானைகளும் சுத்தி அரண்அமைச்சு நிக்கும்.

9/25

அதே போல அங்க இங்க ஓடுற குட்டிகளை, அடிச்சு மிரட்டி கூட்டத்துக்குள்ள கொண்டு வர வேண்டியது, கொஞ்சம் வளர்ந்த குட்டிகளோட வேலை,

யானைகளோட 'டேஞ்சர் சோன்' 30 மீட்டர்.

மற்ற விலங்குகளோ, மனிதர்களோ அதோட எல்லைக்குள்ள வர்றத யானைகள் எப்பொழுதும் அனுமதிக்காது.

10/25

உடனே முன்னெறி வந்து, "நெருங்கி வராத" ன்னு, மிகக் கடுமையான எச்சரிக்கை கொடுக்கும்.

மீறினால் அவ்வளவுதான் ஒரே அடி,

கூட்டமா ரோட்டை கடக்கும் போது

முதல்ல வருவது ‘செக்யூரிட்டி’ அவன் தான் கொம்பன்,

காட்டைவிட்டு வெளியவந்து, ரோட்டில் நின்னு தும்பிக்கைய தூக்கி சத்தம்போடுவான்,

11/25

வாகனங்களுக்கு எச்சரிக்கை செஞ்சு நிறுத்துவான்,

ரெண்டு பக்கமும் வாகனங்கள் நின்னு, அமைதியானவுடன்,

தன் கூட்டத்தை பார்த்து ஒரு சத்தம் வரலாம் வா...ன்னு,

சிக்னல் கொடுப்பான்,அதுக்கு அப்புறம்தான் ஒன்னொன்னா வெளியவரும் நாம வரிசைல போம்போது எண்ணினா கூட ரெண்டுமூணு பேர மறந்துடுவோம்.

12/25

ஆனா அது, ரோட்டை மட்டுமே ரெண்டு பக்கமும் பாத்துட்டு நிக்கும். ஆனா சரியா கடைசி யானை ரோட்டை தாண்டினதும் யோசிக்காம சடார்னு அதுக்கு பின்னாடி போயிடும்.

அதே போல ஏதாவது ஒன்னு வராலனா கூட காட்டை பார்த்து சத்தம் குடுத்து சீக்கிரமா வர சொல்லி சிக்னல் தரும் வரும்வரை ரோட்டில் நிக்கும்,

13/25

இந்த ரெண்டு பொறுப்பும், ஓரளவுக்கு வளர்ந்த ஆண் யானைகள் கிட்ட கொடுக்கப் பட்டிருக்கும்.

ஒரு கட்டத்துக்கு மேல வளர்ந்த கொம்பன்கள்,

தலைமையான பெண் யானைக்கு கட்டுப்படாம அடாவடி செய்ய ஆரம்பிக்கும்,

அப்போ, இந்த வளர்ந்த அடாவடியான ஆண் யானைகள் கூட்டத்தவிட்டு, விலக்கப்படும்.

14/25

ஆனாலும், பாசத்துக்கு ஏங்கி, கிட்டத்தட்ட 48 நாட்கள் கூட்டத்த விட்டுப் போகாது.

கூட்டம் எங்கெல்லாம் போகுதோ இதுவும் கொஞ்சதூர இடைவெளியில,

பின் தொடர்ந்து போகும் கூட்டத்தின் மேலான பாசம் வடிஞ்சு,

ஒரு கட்டத்துக்கு மேல பிரிஞ்சு போயிடும். இதுதான் ஆக்ரோஷமா சுத்துற ஒற்றை கொம்பன்கள்.

15/25

கூட்டத்தைப் பிரிஞ்சி பாசத்துக்காக ஏங்கி, தனியா துரத்திவிடபட்டு கடைசியில கோவம் மண்டைக்கு ஏறி,
வெறிபிடிச்ச சுத்துற யானைக்கு பேர் தான் கொம்பன்'

ஒரு கொம்பன் ஒரு மனிதனை விரட்டி பிடிக்கணும்னு முடிவு பண்ணிட்டா. நீங்க 'உசைன் போல்ட்டா இருந்தாலும், தப்பிக்க முடியாது.

16/25

உங்க வேகத்தை எட்டிப் பிடிக்க உங்களுக்கு 8 நொடிதேவை.
ஆனா,

யானை நாலே நொடில, உங்கள பிடிச்சிடும்.

அவ்ளோ பெரிய உருவம் உங்கள ஆக்ரோஷமா விரட்டுதுன்ற உணர்வே உங்கள மிரட்டி, ஓடவிடாம செஞ்சுரும்.

அதனால காட்டில் இருந்து ஊருக்குள் வரும் யானைகள் பொதுவாக தனித்து விடபட்ட கொம்பன்கள் தான்

17/25

கூட்டத்தை விட்டு வெளியேறி தனது இருப்பிடத்தை விட்டு ஏன் நாட்டுக்குள் வந்து மனிதர்களை கஷ்ட படுத்தி தானும் கஷ்டபடுகிறது என நீங்கள் கேட்பது புரிகிறது,

எல்லாம் உணவுக்காக தான்.

ஒரு நன்கு வளர்ந்த யானை ஒரு நாளைக்கு 200-250 கிலோ உணவு சாப்பிடும் 100-150 லிட்டர் தண்ணீர் குடிக்கும்,

18/25

யானைகளுக்கு புளிப்பு, உப்பு, மஞ்சள், சுண்ணாம்பு, எலும்புகளுக்கு தேவையான கால்ஸியம் சத்துக்கள் அவசியமானது.

வளர்ப்பு யானைகளுக்கு அடிக்கடி உணவுல வெச்சு குடுப்பாங்க.

ஆனா காட்டு யானைகளுக்கு ?

புளிப்பு சத்துள்ள விளாம் பழங்கள், காட்டுப் புளி எங்க கிடைக்கும்,

19/25

சுண்ணாம்பு, உப்பு மண் எங்க கிடைக்கும், மஞ்சளுக்கு இணையான மூலிகை வேர்கள் எங்க கிடைக்கும், கால்ஸியத்துக்கு தேவையான நெல்லிக்காய் எங்க கிடைக்கும் ?

கோடைல வழக்கமான நீரோடைகள், குட்டைகள் வற்றி வறண்டபிறகு மான்,காட்டெருமை போன்ற மற்ற விலங்குகள் நீருக்கு அலைமோதி இறக்க ஆரம்பிக்கும்

20/25

தப்பி பிழைத்த விலங்குகள் மட்டும் நீருக்காக யானைகளை பின்தொடரும்.

யானைகள் பெருசா அலட்டிக்காது. தலைமை பெண் யானை தன்கூட்டத்த கூட்டிட்டு அதுவரைக்கும் போகாத ஒரு திசையில பயணிக்கும்.

அங்க போய் ஒரு குறிப்பிட்ட மணல் பாங்கான இடத்துல உதைச்சு தோண்டும். மற்ற யானைகளையும் தோண்ட சொல்லும்

21/25

நாலஞ்சு அடில, தண்ணீர் ஊற்று பெருக்கெடுக்கும். வேண்டிய மட்டும் குடிக்கும்.

இதுபோல தன்னோட வழித்தடங்கள்ல, பத்துக்கும் மேற்பட்ட ரகசிய இடங்கள வெச்சிருக்கும். இந்த ரகசியங்கள் தலைமை பெண் யானைக்கு மட்டுமே தெரியும்.

அதோட மூதாதையர்கள் அதுக்கு சொல்லி குடுத்திருக்கும்.

22/25

எத்தனை காலங்கள் ஆனாலும் மறக்காது.

அதேபோல யானையின் பிரசவ காலங்களில், வயிற்றுப்புண் ஆற... பல கி.மீட்டர்கள் பயணித்து, ஒருவித விசேஷமான புற்கள், தாவரங்களை உண்ணும்.

இதுவும் தலைமுறை தலைமுறையா சொல்லி கொடுக்கப்பட்டிருக்கும்.

வயது முதிர்ச்சியின் காரணமா, ஒரு கட்டத்திற்கு மேல,

23/25

தலைமை பதவியை திறமையான இன்னொரு வயதும், அனுபவமும் முதிர்ந்த பெண்யானைக்கு மாற்றிக் கொடுத்துடும்.

தானை தலைவரை போல தான் ஈன்ற குட்டிக்கு மட்டுமே கொடுக்கணும்னு நினைக்காது. திறமையுள்ள யானைக்கு மட்டுமே கொடுக்கும்.

அப்படி தலைமை மாறினால், முன்பு தலைமை பதவியில் இருந்த யானைகூட,

24/25

புதிய தலைவிக்கு கட்டுப்பட்டே நடக்கும்.

கடைசி வரை வளர்ந்த ஆண் யானைகளும் அதாவது கொம்பனும் தன் சந்ததி வாழனும்னா அதுவும் வாழனும்னா பெண் யானையை ஃபாலோ பண்ணி தான் ஆகணும்,

இல்ல கூட்டத்தை விட்டு பிரிஞ்சி தான் போகனும்.

தொடரும்.......!

25/25