Thread by @TanzaniaOneJezi

BANDARI IMEUZWA au IMEKODISHWA?
#AskofuBagonza ( PhD )
Suala la Bandari limekuwa gumzoHata Bubu wanaongea na woga unajaa ujasiri. Waliozoea kuongea wamekuwa bubu. Kwa nini?

1. Je imeuzwa au imekodishwa?

2. Je imeuzwa au tumekodi mwendeshaji?

3. Je ni kweli tayari imeuzwa, imekodishwa au kuajiri hiyo menejimenti?

4. Kuna wanaosemea chini chini kuwa mchakato bado haujakamilika bali ni mazungumzo; je ni mazungumzo ya nini? Kuuza? Kukodisha? Kukodi mwendeshaji?

5.Nani anafurahia hali ya sasa ya bandari yetu ya DSM na nyinginezo nchini?

6. Asilimia 70 ya pato la Taifa inategemea bandari yetu. Tukikiri kuwa imetushinda na kwa hiyo tuiuze, tuikodishe au tukodi/ kuajiri mwendeshaji - tunawezaje kuendesha nchi?

7. Kwa "bahati njema" bunge letu na serikali yetu ni kitu kimoja. Bunge linaisimamia serikali na serikali inaliendesha bunge! Ili umma upate nafuu, unahitaji kutoa kafara au mtu wa kumlaumu (Bangusilo concept). Nani Bangusilo wetu ktk hili?

8. Hili suala la bandari linaigawa nchi. Mpaka sasa Kuna mgawanyiko huu miongoni wa waombolezaji: Utanganyika na uzanzibari Udini wa Jpili na Ijumaa
Awamu ya tano na sita
Upinzani rasmi na usio rasmi Uchawa na ukiroboto
Uzalendo/Unyerere na umamluki Ufisadi Papa na Ufisadi

uchwara

Wapotoshaji na wapotoshwaji

Mgawanyiko huu hauwezi kwisha wenyewe. Kimya hakiupunguzi kinauongeza. Hata walio kimya watagawanyika! Tunaopayuka tutagawanyika zaidi! Hata wasiojua kinachoendelea watagawanyika.

Nilipokuwa shule ya msingi nilifundishwa bandari ni baraka kwa nchi na kwa hiyo nchi zisizo na bandari (Land Locked), "mungu" hazipendi kama anavyotupenda sisi! Imekuwaje tena?

Apatikane asiye Msigwa, atueleze tuelewe. Na huyo mtu awe na uvumilivu usiohojiwa. Awatetee anbao hawajazaliwa maana sisi tunaouza hatufai tena na hatutakuwepo kulipia maamuzi yetu