Thread by @anbezhil12

இன்று #வியாழக்கிழமை_பிரதோஷம்
குறைகள் தீர்க்கும் குருவார பிரதோஷம்!
காலை மற்றும் சந்தியாக் காலங்கள் இறை வழிபாட்டுக் குரிய சிறந்த நேரமாகும். மாலை - இரவு என இரண்டிற்கும் இடைப்பட்ட நேரத்தில் வருவது #நந்திபகவான் சிவ வழிபாடு செய்யும் #பிரதோஷ_காலம் என்பதாகும். பிரதோஷங்கள் வாரத்தின்

அனைத்து கிழமைகளிலும் வருகின்றன. மற்ற நாட்களிலும், நேரங்களிலும் சிவபெருமானை வழிபடுவதற்கும் பிரதோஷ நேரம் மற்றும் அது வரக்கூடிய கிழமைகளில் வழிபடுவதற்கும் வித்தியாசம் உள்ளது. பிரதோஷங்கள் எந்தெந்த கிழமைகளில் வருகிறதோ அந்த கிழமைகளுக்குரிய நவகிரக நாயகர்களின் அருளும் நமக்கு கிடைக்கிறது.

வியாழக்கிழமைகளில் வரும் பிரதோஷம் #குருவார_பிரதோஷம். இக்கிழமையில் வரும் பிரதோஷத்தில் சிவ பெருமானை கோவிலுக்கு சென்று வணங்குவதால் நவகிரகங்களில் முழு சுபகிரகமான குரு பகவானின் அருளும் சேர்த்து நமக்குக் கிடைக்கிறது. வியாழன் பிரதோஷங்கள் வருகிற போது ஜாதகத்தில் குரு பகவானின் கோச்சாரம்

சரியில்லாமல் இருப்பவர்கள், குரு பகவான் ஆதிக்கம் கொண்ட நட்சத்திரங்களில் பிறந்தவர்கள் பிரதோஷ நேரமான மாலை 4.30 மணியிலிருந்து 6.00 மணிக்குள்ளாக சிவன் கோவிலில் கொண்டைக் கடலைகளை நிவேதித்து வணங்க வேண்டும். பின்பு நந்தி பகவானை வணங்க பொருளாதார பிரச்சனைகள், திருமண தடை, புத்திர பேறு இல்லாமை

போன்ற பிரச்சனைகள் நீங்க சிவ பெருமான் அருள் புரிவர். குரு அருள் கிடைக்கும். குரு திசை நடப்பவர்கள், குரு புத்தி, குருவை லக்னாதிபதியாக கொண்டவர்கள் மற்றும் புனர்பூசம், விசாகம், பூரட்டாதி நட்சத்திரகாரர்களும் தனுசு மற்றும் மீன ராசிக்காரர்களும் சிவாலயங்களில் வியாழக்கிழமைகளில் நடைபெறும்

பிரதோஷ வழிபாட்டில் கலந்து கொண்டு சிவனை வழிபாடு செய்வதால் அவர்களது வாழ்வில் ஏற்படும் அனைத்து விதமான பிரச்சனைகளும் நீங்கும் என்று பல்வேறு ஜோதிட நூல்களில் குறிப்பிட்டுள்ளன. தைரியம் தன்னம்பிக்கை கூடும். தோஷங்களும் தீரும். தயிர்சாதம் தானம் செய்தால் வாழ்க்கையில் ஏற்பட்ட சங்கடங்கள்

நீங்கி மகிழ்ச்சி அதிகரிக்கும். இறைவனுடன் கூடவே அவருடைய வாகனமான நந்தி தேவருக்கும் அபிஷேகம் நடைபெறும். நந்தி தேவரது தீபாராதனைக்குப் பின் மூலவரான லிங்கத்திற்கு நடக்கும் தீபாராதனையை நந்தியின் இரண்டு கொம்புகளுக்கிடையே பார்த்து தரிசிக்க நம் தோஷங்கள் நீங்கி நன்மையுண்டாகும் என்பது நம்

முன்னோர்கள் நம்பிக்கை. சிவனுக்குப் பால், தேன், தயிர், சந்தனம், பன்னீர், திருநீறு, பஞ்சாமிர்தத்தால் அபிஷேகம் செய்து வில்வம், அரளி, தாமரை, மல்லிகை மலர்களால் அர்ச்சனை செய்த பின் தீபாராதனை நடைபெறும். குரு பார்க்க கோடி நன்மை என்பது ஜோதிட பழமொழி ஆகும். தும்பைப் பூ மாலை அணிவித்து பிரதோஷ

தினத்தன்று சிவனை வணங்கினால் சகல தோஷங்களும், 7 ஜென்மத்திலும் இருக்கக் கூடிய தோஷங்கள், பிரம்மஹத்தி தோஷம் விலகும். குடும்பத்துடன் கலந்து கொண்டு அருள் நிறை சிவனருளைப் பெறுவோம். ஏழேழு ஜென்ம பாவங்களும் தோஷங்களும் நீங்கி புண்ணியம் பெறுவோம்.
ஓம் நமசிவாய
சர்வம் ஸ்ரீ கிருஷ்ணார்ப்பணம்🙏