Thread by @anbezhil12

#கிருஷ்ணா_முகுந்தா_முராரே
கம்சனின் கொடுமை காரணமாக கிருஷ்ணருடைய பெற்றோர் சிறையில் வாடநேரிட்டது. தங்கத்தொட்டிலில் இட்டு சீராட்டப்பட வேண்டிய குழந்தை மூங்கில் கூடையில் கிடத்தப்பட்டு கோகுலத்திற்கு எடுத்துச் செல்லப் படுகிறான். இதனால் ஆயர்பாடி புழுதியில் விளையாடும் சிறுவன் ஆகிறான்.

ஆனால் ராஜலட்சணம் பொருந்திய அவனது முகம் பார்ப்போரையெல்லாம் வசீகரித்தது. அவன் புதுப்புது உத்திகளைக் கையாண்டு சின்னச்சின்ன பிரச்சினைகளுக்குத் தீர்வு கண்டான். இதனால் கண்ணனை கௌரவிக்க விரும்பினார்கள் ஆயர்பாடி சிறுவர்கள். அங்கே சுற்றித் திரிந்த மயிலைப் பிடித்தார்கள். அதனிடம் இருந்து ஓர்

இறகை எடுத்து கிருஷ்ணனின் தலையில் கிரீடம் போல் செருகினார்கள். அன்று முதல் கிருஷ்ணனின் தலைமுடியில் மயிலிறகு நீங்காத இடம் பிடித்தது. “கண்ணனின் தலையில் உள்ள மயில் இறகு சக்தி தத்துவத்தைக் குறிக்கின்றது”
என்கிறார் ஸ்ரீராமகிருஷ்ண பரமஹம்ஸர். கண்ணனின் சக்தியே #ராதை ஆவாள். அவளைத் தலை மீது

வைத்துத் தான் கொண்டாடுவதையே மயில் இறகு மூலமாக அறிவிக்கின்றான் மாதவன்.
#மு என்றால் முக்தியை அருள்வது என்று பொருள்.
#கு என்றால் இவ்வுலக இன்பங்களை அருள்வது. இவ்வூலகில் வாழ்வதற்கும், முக்தியை பெறுவதற்கும் கிருஷ்ணரே மூலவர் என்ற பொருளின் அடிப்படையில் தான் #முகுந்தா என்று அழைக்கிறோம்.

பெருமாள் திருவுருவை #திவ்யமங்கள_விக்ரகம் என்கிறோம். திருமுடியில் அணியும் ஆபரணத்தின் பெயர் #திருவபிடேகம் எனப்படும். திருப்பாதத்தில் அணியும் ஆபரணம் #நூபுரம் பெருமாளை முதலில் திருவடியை தரிசித்த பின் திருமுகத்தை தரிசனம் செய்ய
வேண்டும்.
சர்வம் ஶ்ரீ கிருஷ்ணார்ப்பணம்🙏🏻