,
8 tweets,
3 min read
Read on Twitter
الجيش ما مهمتو زيادة (الانتاج).. ولا مهمتو يزرع قمح ولا يخش في اي عمليات (تجارية) ربحية او خدمية من أي نوع. كل مرة الجيش بنغمس أكتر في ادوار ما حقتو ودا بزيد من سوء وضع مؤسسات البلد اكتر.
لو الدولة السودانية ما منعت الاجهزة الأمنية تعمل شركات خاصة تتغول على الاقتصاد وموارد البلد؛ مافي فايدة على (المدى الطويل) من اي تغيير يحصل.
الدعم السريع بمتلك شركات تعدين للذهب ما بتمر بموازنة البلد (وكل الاجهزة الباقية برضو). دا أُس الفساد البالعنا.
3ayin.com/%d9%83%d9%8a%d…
الدعم السريع بمتلك شركات تعدين للذهب ما بتمر بموازنة البلد (وكل الاجهزة الباقية برضو). دا أُس الفساد البالعنا.
3ayin.com/%d9%83%d9%8a%d…
المصالح الاقتصادية بتحكم معظم العلاقات وتحركات الناس. البحتكر العنف لو سمحتا ليهو يحتكر المال كمان فانتا ببساطة حتتحول لعبد عندو حتى لو ما اتسميت كده. دا موضوع في غاية الخطورة ومنو حتؤكل كل ثمرات الحراك. قائمة بكل شركات الاجهزة الامنية وضمها للدولة اولوية.
البحرك قادة النظام القديم هو الاموال السائبة البلعبو فيها زي ما عايزين بدون اي رقابة. ما بهمهم لا شريعة لا البلد تتفرزع قدر كيف. تفكيك المصالح دي حيكون من الانتصارات الكبيرة. الموضوع عايز تأني وحنكة والتفاف الشعب على استعادة حقو كامل غير منقوص.
دي ما شغلة المجلس العسكري يرعى توزيع مواد غذائية او يشارك في اعمال دعائية زي دي ولا مهمتو يخفف الفقر. الجيش مهمتو يرعى الأمن ما حاجة تانية. منظمة (الدعوة الاسلامية) استبدلوا تحت رعاية البشير بالمجلس العسكري بكل سرعة الدنيا.
