Thread by @FrehmanD

تھریڈ:
واوڈا کی خفیہ جائیدادوں، منی لانڈرنگ، ٹیکس چوری اور آمدن سے زائد اثاثوں کے بعد بہت سے لوگوں نے سوال اٹھایا کہ انکے پاس کوئی عوامی عہدہ نہیں تھا جس سے وہ کرپشن کر کے یہ جائیدادیں بناتے۔ اس لیے ان سے کوئی پوچھ گچھ نہیں ہو سکتی۔
dailytaqat.com/national/the-f…

اسلیےان سے کوئی پوچھ گچھ نہیں ہو سکتی۔انکے لیےعرض ہےمنی لانڈرنگ اور ٹیکس چوری سنگین جرم ہےاور یہ جرم کرنے والاچاہےکوئی پرائیویٹ شخص ہو یاعوامی عہدہ رکھنے والا سزا کا مستحق ہے۔آئیےآپ کو بتاتے ہیں کہ کسطرح ثابت ہوتا ہےکہ واوڈا نے منی لانڈرنگ، ٹیکس چوری کی اور آمدن سےزائداثاثےبنائے۔

فیصل واوڈا بطور ٹیکس پئیر 2004 میں رجسٹر ہوا۔ ہم نے جب انکا 2004 سے 2018 تک کا تمام ٹیکس ریکارڈ نکلوایا تو پتہ چلا کہ 2004 سے 2013 تک انکا کوئی آن لائن ٹیکس ریکارڈ ہی موجود نہیں۔ واضح رہے کہ  2007 اور 2008 میں انہوں نے اربوں روپے کی لندن میں جائیدادیں خریدی۔

اگر انہوں نے قانونی طریقے اور بینکنگ چینل کے ذریعے سے پیسہ باہر بھیجا ہوتا تو ایک ایک روپے کا حساب انکے ٹیکس ریکارڈ میں آ جاتا۔ لیکن انہوں نے کیونکہ پیسہ منی لانڈرنگ کے ذریعے بھیجا اسلیے نہ کوئی ٹیکس ادا کیا نہ اسکی انکے پاس منی ٹریل ہے کہ پیسہ آیا کس ذریعے سے ہے۔

اب آتے ہیں واوڈا کے ٹیکس ریکارڈ کیطرف۔ آن لائن ریکارڈ جسکی کاپی میرے پاس موجود ہے۔ واوڈا کے 2014-15 کے ٹیکس ریکارڈ کے مطابق انکے کل اثاثے 13 کروڑ 64 لاکھ کے تھے۔ جبکہ 1 کروڑ روپے انہیں بیرون ملک سے ترسیلات زر کے ذریعے موصول ہوئے۔

جبکہ انکے گھر کا سالانہ خرچہ 65 لاکھ روپے تھا۔ اس سال انکی آمدنی اتنی نہیں تھی کہ اس پر ٹیکس ادا کیا جاتا اس لیے ٹیکس ریکارڈ میں زیرو ٹیکس ظاہر ہو رہا۔ اس مالی سال میں بھی انکی اربوں روپے کی لندن کی جائیدادیں انکے پاس تھی لیکن انہوں نے ڈکلئیر نہیں کی بلکہ خفیہ رکھی۔

مالی سال 2016-17 کے ٹیکس ریکارڈ کے مطابق واوڈا نے سالانہ آمدن 2 کروڑ 73 لاکھ ظاہر کی اورآمدن کا ذریعہ انہوں نےسٹاک ایکسچینج بتایا۔اس سال واوڈا نےاپنےکل اثاثے 14کروڑ 98 لاکھ کےظاہر کیے۔اس سال میں بھی انکی لندن کی جائیدادیں انکے پاس تھی لیکن انہوں نے ڈکلئیر نہیں کی بلکہ خفیہ رکھی۔

مالی سال 2017-18 میں واوڈا نے پہلی بار اپنے ٹیکس ریکارڈ میں 18 کروڑ کے بیرونی اثاثے ظاہر کیے۔ واوڈا کے ٹیکس ریکارڈ کے مطابق 2018 میں انکے مجموعی اثاثے 14 کروڑ سے بڑھ کر 31 کروڑ کے ہوگئے۔ جس میں 18 کروڑ بیرونی اثاثے شامل ہی۔ اور پہلی بار انہوں نے 40 لاکھ روپے کا ٹیکس ادا کیا۔

ٹیکس ریکارڈ سے ظاہر ہو رہا ہے پچھلے 15 سالوں میں اربوں روپے کی خفیہ جائیدادیں رکھنے کے باوجود واوڈا نے 15 سالوں میں صرف 40 سے 45 لاکھ روپے ٹیکس ادا کیا۔ انکے ٹیکس ریکارڈ سے واضح ہو رہا ہے کہ واوڈا نہ صرف منی لانڈرنگ میں ملوث رہے بلکہ پچھلے 15 سالوں سے ٹیکس چوری کرتے آئے ہیں

جبکہ انکی آمدن جو کہ سالانہ چند کروڑ ظاہر کی گئی ہےاس سےکیسےانہوں نے اربوں روپے کی جائیدادیں بنائی۔یا تو وہ واضح کریں کہ یہ تمام جائیدادیں انکی اپنی نہیں بلکہ وہ کسی اور کے فرنٹ مین تھے۔اگر انکی اپنی ہیں تو انکی منی ٹریل دیں کیونکہ یہ تمام جایئدادیں انکی آمدن سےمطابقت نہیں رکھتی۔

تین دن گزر چکے اس خبر کو چھپے ہوئے جس میں واوڈا پر منی لانڈرنگ، ٹیکس چوری اور آمدن سے زائد اثاثے رکھنے جیسے سنگین الزامات لگائے گئے ہیں لیکن وہ ابھی تک خاموش ہیں اور کوئی تردید نہیں کی۔واوڈاصاحب جس ٹی وی چینل پر چاہیں ان الزامات کو چیلنج کر سکتے ہیں۔کیا وہ یہ چیلنج قبول کرتے ہیں؟

حیرت کی بات ہے تمام ٹی وی چینلز پر اس خبر کے حوالے سے موت کا سا سکوت طاری ہے۔ میڈیا میں اسقدر خوف کسی بھی معاشرے کے لیے نیک شگون نہیں۔ اسی میڈیا نے عمران خان نواز شریف اور آصف زرداری کے خلاف بڑی بڑی خبریں کی ہیں۔ واوڈا کیا ان سب سے بڑا ہے جس پر ہاتھ نہیں ڈالا جا سکتا؟

واضح رہے واوڈا کے حوالے سے یہ پہلی خبر ہے۔ابھی مزید تین خبریں اور آنی ہیں جو کہ اس سےبھی زیادہ بڑی ہیں۔اور وہ یہ جانتےہیں کہ آنے والےدنوں میں جو خبریں آنی ہیں انکاکیا Impact ہوگا انکے مستقبل پر۔اور تمام خبریں ثبوتوں کےساتھ چھاپی جائیں گی۔پاکستانی عوام غلام میڈیا سےامیدیں چھوڑ دے۔