Thread by @ThanjaiMadhavan

#நீள்பதிவு!

வங்காள விரிகுடா என்ற பெயர் தவறானது... சோழ மண்டல கடல் என்பதே சரியானது! - அமெரிக்க சிகாகோ பல்கலைக்கழக பேராசிரியர்கள்!

உலகில் உள்ள கடல்களில் தனிச்சிறப்புடைய இயற்கை தகவமைப்பினை கொண்டது இந்தியப் பெருங்கடல் மட்டும்தான்.

பல சிறு கடல்களின் பெயர்களை ஒருங்கிணைத்தே பெருங்கடல் என சொல்கிறோம். அதன்படி அரபிக் கடல் மற்றும் வங்காள விரிகுடா ஆகிய கடல்களும் இந்தியப் பெருங்கடலில்தான் அடங்கும்!

இந்தியப் பெருங்கடல் என்பது #குமரி கடலையே குறிக்கிறது. கடல் பற்றிய பெரும் அறிவு கொண்டவர்கள், தமிழ் மக்கள் தான்.

#கடல் என்ற சொல்லாட்சி சங்க இலக்கியத்தில் நூற்றுக்கணக்கில் பரவி கிடக்கிறது. #ஆழி என்ற கடல் குறித்த சொல் சங்க இலக்கியத்தில் 43 இடங்களில் வருகிறது!

கடல் சார்ந்த நிலத்தை #நெய்தல் என வரையறுத்து, அந்த மக்கள் குறித்து ஏராளமான செய்திகள் தமிழில் விரவிக்கிடக்கின்றன!

அப்படிப்பட்ட இந்திய பெருங்கடலை கட்டியாண்ட பெருமை தமிழகத்தின் மூவேந்தர்களையே சாரும்!

அதில் சோழர்களின் பெரும் ஆற்றல், புகழ் குறித்து தெரிந்து கொண்ட #ஐரோப்பியர்கள், நமது கடல் பகுதியை "சோழ மண்டல கடல்" என்றுதான் அழைத்தனர்!

சோழர்களின் பெருமையும், அவர்களது கடல் ஆளுமையும் உலகம் அறிந்தது தான்!

சுமார் 2,172,000 சதுர கி.மீ கொண்ட தற்போதைய வங்காள விரிகுடா என்ற பரப்பு சோழமண்டல கடலையும் அதற்குள் அடக்கிக் கொள்கின்றது!

சோழமண்டல கடலுக்கும் வங்காள விரிகுடாவுக்கும் எவ்வித தொடர்பும் இல்லை!

வங்க மொழி என்ற சொல் 19ம் நூற்றாண்டின் துவக்கத்தில் இடியமா பெங்கல்லா என்ற போர்த்துகீசியர்கள் அவ்வாறு அழைத்தனர்.

இச்சொல் முகமதிய ஆட்சியின் பொழுதுதான் முதன்முதலாக வருகிறது. வங்கதேசப் பகுதியில் தொடங்கி இந்தியாவின் மேற்கு வங்க பகுதி வரையில் பரந்த குடாப்பகுதியே விரிகுடா எனப்படுகிறது!

இப்பகுதியில்தான் பெரிய ஆறுகளான கங்கை, பிரம்மபுத்திரா, ஐராவதி, மகாநதி போன்ற ஆறுகள் கலக்கின்றன. இதனையே வங்காள விரிகுடா என சொல்வது முறையாகும்.

ஆனால் நமது கடல் சோழமண்டலக் கடல், இதனை ஐரோப்பியர்களின் ஒலிப்பில் வேறாக விளங்கியது. சோழமண்டலத்தை #கோரமண்டல் என்று அழைத்தார்கள்!

உலகக் கடல்களில் 29 கடல்களையும், 4 பெருங்கடல்களையும் கொண்ட இவ்வுலகில் சோழமண்டலக் கடலுக்கென ஒரு மிகப்பெரிய வரலாறும் உண்டு. சோழமண்டலக் கடலுக்கான வரலாற்றைப் போலவே, இந்தியாவின் மேற்கிலும் மலையாளக்கரை (அ) மலைவாரக்கடல் என்ற சொற்கள் எப்படி அரபிக்கடல் ஆனது என கேள்வியினை எண்ணிப்பார்க்கவும்

கோதாவரி ஆறு கலக்கும் இடம் துவங்கி இலங்கையின் மன்னார் வரையுள்ள கடல் பரப்பு சோழமண்டலக் கடலுக்கான பெயருக்குரியது!

மத்திய மாநில அரசுகள் இப்பெயரை மரபு அடிப்படையில் நிறுவிட அமெரிக்க சிகாகோ பல்கலைக்கழக பேராசிரியர்கள் கோரிக்கை விடுத்துள்ளனர்!