Thread by @MuftiMufta

بجٹ کہانی

ملک بکوستا پر ایک بادشاہ تھا، اسنے اپنے وزیراعظم کو طلب کیا اور کہا، مابدولت ایک بڑا جنگی قلعہ بنانا چاہتے ہیں، مگر وزیر خزانہ کہتا ہے کہ آئی ایم ایف کا بڑا پریشر ہے اور خزانے میں پیسہ نہیں
اس پر وزیر اعظم بولا جہاں پناہ کا اقبال بلند ہو اور آپ کا سایہ رہتی دنیا تک

ہمارے سروں پر رہے، ملکی دفاع پر آنچ نہیں آنے دی جاویگی، اور میں آپ کو شاہی جنگی قلعے اور دیگر دفاعی اخراجات کے لیے فنڈ جمع کرکے دکھلاؤں گا۔

بادشاہ بولا اے وزیر با تدبیر، ملک میں پہلے ہی غربت ہے اور ترقیاتی انفراسٹرکچر کمزور ہے، زیادہ تر ملکی وسائل جنرلوں کی مراعات اور

تنخواہوں پر صرف ہورہے ہیں، آخر تم پیسہ کہاں سے لاؤگے؟
وزیر اعظم بولا وہ مجھ پر چھوڑ دیں۔۔ وزیر اعظم قومی ٹی وی اور ریڈیو پر جلوہ افروز ہوا اور فرمایا، اے ہموطنو، بادشای ایک جنگی قلعہ بنانا چاہوے ہے تاکہ ملکی دفاع ناقابل تسخیر ہوجاوے۔۔

ہم کو پتہ ہے تم لوگ دو دو روٹی کھاتے ہو

آج سے ہر بندہ ایک روٹی کھاویگا اور ایک روٹی کے برابر پیسہ قومی خزانے میں جمع کراویگا، عوام نے چپ چاپ ایک روٹی کم کردی اور قلعے کی تعمیر شروع ہوئی، مگر پراجیکٹ بہت بڑا تھا، مزید پیسے کی ضرورت ہوئی

وزیر اعظم نے بادشاہ سے مشورہ کیا اور کہا کہ اعلان کردیتے ہیں کہ عوام ایک وقت

کھانا کھاوے، اس پر بادشاہ بولا کہیں ایسا نہ ہو کہ بغاوت ہوجاوے، وزیراعظم بولا حضور یہ بکوستا کی عوام ہے، یہ بہت مردار ہے کچھ نہ ہوگا ۔۔ منادی کرادی گئی کہ عوام ایک وقت کی صرف ایک روٹی کھاویں اور خزانے میں پیسہ جمع کرادیں، عوام نے خاموشی سے حکم کی تعمیل کی، بادشاہ بڑا حیران ہوا

اور وزیراعظم سے بولا ہم سمجھے کہ بغاوت ہوئی کہ ہوئی مگر یہ تو بہت مری ہوئی رعایا ہے، وزیر اعظم بولا حضور کے بوٹ چاٹوں، یہ مریل عوام ہے، کل دیکھیے میں انکو رلاؤنگا، انکی چیخیں نکلینگی

دوسرے دن بادشاہ محل کی بالکونی میں گیا ۔۔۔ کیا دیکھتا ہے کہ دریا پر بنے پل پر لوگوں کی

قطار لگی ہے اور سرکاری اہلکار ایک آدمی کو ایک ایک آدمی سے پل پار کرنے کا سو سو روپیہ ٹیکس طلب کررہے تھے، بادشاہ کو لگا کہ اب تو بغاوت ہوئی ۔۔۔ وزیر اعظم کو طلب کیا، وہ مسکرایا اور کہا حضور یہ عوام مردار ہے، یہ سو روپیہ بھی دیگی اور کل دیکھیے کا میں ٹیکس بڑھاتا ہوں

دوسری صبح بادشاہ بالکونی سے کیا دیکھتا ہے کہ پل پر اہلکار سو سو روپے کی بجائے ہر ایک شخص سے پانچ پانچ سو روپے ٹیکس لے رہے ہیں اور لوگ چپ چاپ پیسہ دیکر پل پار کررہے ہیں، بادشاہ حیران ہوا مگر صدمہ بھی ہوا کہ اتنی مردار رعایا ہے، اگر کسی دشمن نے حملہ کردیا تو یہ لوگ کیسے

دشمن کی مزاحمت کرینگے؟ بادشاہ نے پرائم منسٹر کو بلایا اور کہا تم نے ظلم کی انتہا کردی ہے، ایک وقت کی روٹی اور پانچ سو روپیہ فی بندہ ٹیکس، بغاوت ہوجاوے گی، وزیراعظم بولا کل ملاحظہ فرمائیے گا کہ کیا ہوتا ہے۔

اگلے دن بادشاہ دیکھتا ہے کہ وزیر اعظم نے پل پار کرنے کا ایک ہزار روپیہ

فی کس کے ساتھ ایک ایک چھتر لگانے کا حکم دے رکھا تھا، لوگ خاموشی سے آتے، ہزار روپیہ دیتے اور ایک چھتر سر پہ کھا کر پل پار کرتے۔۔ بادشاہ کو دلی صدمہ ہوا رعایا کی اس خاموشی اور وزیراعظم کے ظلم پر

اگلے دن بادشاہ نے بالکونی سے خطاب کیا اور عوام سے مخاطب ہوکر پوچھا، حکومت نے تم پر ظلم کے پہاڑ توڑ دیے مگر تم اب تک کیوں خاموش رہے، آخر بغاوت کیوں نہیں کرتے؟ کل کو دشمن ملک انڈوستا نے حملہ کیا تو تم مزاحمت بھی نہیں کروگے۔

اس پر ایک بوڑھا کپکپاتے ہوئے آگے بڑھا اور یوں گویا ہوا

حضور جان کی امان پاؤں تو کچھ عرض کروں؟ بادشاہ دل ہی دل میں خوش ہوا کہ چلو عوام میں مزاحمت کی ہلکی سہ رمق تو ملی

"کہو بابا جی کیا کہتے ہو؟"

بابا جی کپکپاتی آواز میں بولے حضور بھلے ٹیکس دس ہزار کردیں، مگر سویرے پل پر رش بہت ہوجاتا ہے لہذا چھتر مارنے والوں کی تعداد بڑھادی جاوے!