Thread by @manin_kaavi

பட்ஜெட் பற்றி நிறைகுறைகள் ஆயிரம் இருந்தாலும், பதவியேற்று ஒன்றரை மாதத்திலேயே மிகக்கடுமையான பொருளாதார சீர்திருத்த நடவடிக்கைகள், திட்டங்கள், வரிகள் கொண்ட, மேலோட்டமான வார்த்தை ஜாலங்கள் இன்றி, ஆழ்ந்து ஆராய்ந்து, தைரியமான முடிவுகளை சமர்ப்பிர்த்தற்கு முதற்கண் பாராட்டுக்கள் @nsitharaman

மேடம், தாங்கள் மேற்கோள் காட்டிய புறநானூறு பாடல் உங்கள் பட்ஜெட் பற்றிய விவாதத்தை புறந்தள்ளி விட்டது என்றால் மிகையில்லை. அது உவகையை தந்தாலும் ஒரு தமிழராக அது உங்கள் கடமையே. தமிழர் தமிழில் பேசுவதையே பாராட்டும் நிலையில் இருப்பது தான் வேதனை. அது உங்கள் தவறும் இல்லை. (2)

பிசிராந்தையாருக்கு தலை வணங்குகிறேன்.

இந்த பட்ஜெட்டில் ஒரு சாமானியனாக எனக்கு சில மாறுபட்ட கருத்துக்கள் இருக்கிறன. பொதுவாக பணக்காரர்களுக்கு கசப்பை தரும் பட்ஜெட்டாக தோன்றினாலும், நடுத்தர வகுப்பினர்க்கு ஒன்றும் பெரிதாக நம்பிக்கை அளிக்கவில்லை. (3)

GST மிகஅருமையான வரிவிதிப்பு முறை என்பதில் மாற்றுகருத்தில்லை. ஆனால் அதில் கடைசிவருவாய் பங்களிக்கும் கடைநிலை குடிமகனுக்கு என்ன வரிகழிப்பு (Input Credit) செய்கிறது இந்த அரசு என்பதே கேள்வி. பெரும்பாலும் நடுத்தர வர்க்கத்தினர் மறைமுகமாகவோ அல்லது நேரடியாகவோ வருடத்திற்க்கு 1 லட்சம் (4)

வாங்கும் வீட்டு உபயோக பொருட்கள், காப்பீடு ஆகியவற்றுக்கு சராசரியாக தலா 18000 ருபாய் வரி செலுத்துகின்றனர். அவர்கள் முன்பும் செலுத்தி கொண்டு தானே இருந்தனர் என்று கூறுவது சரியே. ஆனால் முன்பு மறைமுகமாக இருந்த வரி இன்று கண்ணில் உறுத்தும் கரடு போல உள்ளது. இந்த வரிக்கு அவர்கள் (5)

செலுத்தும் வருமான வரியில் கழிவுக்கு வழியிருந்தால் தானே அதை ஊக்குவிக்கும். அதே போல பில்லில் 9000+9000 என்று மொத்தமாக தெரிந்தால் எப்படி வாங்கும் சக்தி பெருகும்.

இது முறையாக தொழில் செய்பவர்கள் வாடிக்கையாளர்களிடம் நேரடியாக நெருங்க தடையாக உள்ளது. அமைப்பு சாரா, GST வரம்பிற்க்குள்
6

வராத துறையினர் மட்டுமே இதன் மூலம் ஊக்குவிக்கபடிகின்றனர்.

அதே போல நெடுங்காலமாக கோரிக்கை வைக்கப்படும் லேபர் இன்வாய்ஸ்க்கு 18% வரி எங்களை போன்றோர் பிழைப்பில் மண்ணை போடுகிறது. எங்கள் வியர்வையை சிந்தி உழைக்கும் காசுக்கு அரசுக்கு 18% செலுத்துவது முரணாக தோன்றுகிறது. முன்னர் போல

10லட்சம் வரையேனும் அதை தளர்த்தி இருந்தால் வரவேற்கலாம். இவை எல்லாம் GST கவுன்சில் தீர்மானிக்க வேண்டியவை என்பது புரிகிறது. ஆனால் எலெக்ட்ரிக் வாகனங்கள்க்கு வரியை குறைக்க சொல்லும் அரசுக்கு இதையும் கருத்தில் கொள்ளலாமே என்ற ஆதங்கம் தான். இதை போல மருத்துவ பொருட்களுக்கு வரியை குறைக்கும்

அரசு, பாரம்பரிய மருத்துவ முறையான ஆயுர்வேத மருந்துகளுக்கு 12 சதவிகித வரியை நிர்ணயித்தது அலோபதி மருந்துகளுக்கு முக்கியத்துவம் கொடுப்பது போன்ற தோற்றத்தை தருகிறது. இரு முறைகளும் நாட்டுக்கு தேவை எனில், ஒரே சீராக வரியை நிர்ணயிப்பது தானே முறை.

ஸ்டார்ட்அப்களுக்கு ஆயிரம் சலுகைகள்

கொடுங்கள், ஆனால் முன்னரே முறையாக தொழில் செய்து வரும் மக்களுக்கு ஏன் பாரபட்சம்?

உங்கள் e-இன்வாய்ஸ் முறை வரவேற்கதக்கது. ஆனால் கம்பியூட்டர் இல்லாத சிறுதொழில் செய்பவர்கள் யாரும் வாழ வேண்டியதில்லையா.

நீங்கள் சொன்ன புறநானூற்று கூற்று உங்களுக்கே பொருந்தும் என நினைக்கிறேன்

ஒரு சிலர் செய்யும் தவறுக்கு நீங்கள் ஒட்டுமொத்த தொழில்துறையினரையும் கபளீகரம் செய்கின்றீர் என்பதே என் எண்ணம்.

சரி அடுத்து பெட்ரோல் மற்றும் தங்கம் விலை உயர்வு. நீங்கள் அறிவித்த அனைத்து நல்ல திட்டங்களையும் இவை இரண்டும் பின் தள்ளிவிட்டது என்றால் மிகையில்லை.

பெட்ரோல் டீசல்க்கு ஒரு ரூபாய் செஸ் வரிவிதிப்பு என்கிறீர். ஆனால் இயல்பில் 2.5 காசுகள் விலை ஏறியுள்ளது. இது என்ன கணக்கு என்று புரியவில்லை. இந்த ஒரு ரூபாய்க்கும் மாநில வரி, மற்றும் எக்ஸைஸ் வரி மற்றும் டீலர் கமிஷன் ஆகியவை தரவேண்டுமா? நாட்டுக்கு பயன் அளிக்க மக்களிடம் வாங்கலாம்

ஆனால் பிடுங்க கூடாது. ஒரு ரூபாய்க்கு ஆதரவு தரும் என்னால், 2.5 ரூபாயை ஏற்றுக்கொள்ள முடியவில்லை. முன்னரே மறைமுகமாக GST மூலம் வருடத்திற்க்கு 12 லட்சம் கோடி ரூபாய் ஈட்டும் அரசு, இனி இதன் மூலம் தினம்தோறும் குவிக்க போகும் வருவாய் மலையளவு என்றே தோன்றுகிறது. பெட்ரோல்

பயன்பாட்டை குறைக்க தான் இந்த நடவடிக்கை எனில், எலெக்ட்ரிக் வாகனங்கள் சந்தையில் உள்ளது என்பது கேள்விக்குறியே. 30 லட்சம் குடுத்து மின்-கார் வாங்குபவர்க்கு வேண்டுமானால் இது பயன்படும். ஆனால் தினம் 100 ரூபாய்க்கு பெட்ரோல் வாங்கி பைக்கில் பயணம் செய்யும் சாமானியனுக்கு மாற்று ஏற்பாடு

செய்த பிறகு இதை போல நடைமுறைப்படுத்துங்கள்.

எல்லா வரியும் எங்களிடமே வாங்கி விட்டு எங்களை ஒட்டாண்டி ஆக்கிவிட்டால் நீங்கள் கட்டிய சாலையில் நாங்கள் நடந்து தான் போக வேண்டி வரும்.

தங்கம் - 2.5 சதவிகித அதிகரிப்பு சராசரியாக பவுனுக்கு 700 வரை அதிகரிக்கின்றது. சராசரியாக 3 பவுன் நகை

வாங்கும் மக்கள், GST வரி அனைத்தையும் சேர்த்து 3000 ரூபாய் செலுத்த வேண்டியிருக்கும்.. இது சாதாரண மக்களுக்கு ஒரு பெரிய அழுத்ததை தரும்.

மேல்நோட்டமாக பார்க்கும் பொழுது, இந்த அரசு வாங்கும் சக்தியை ஊக்குவிக்கவில்லை என்றே தோன்றுகிறது. அதே போல தொழில்துறையினரையும் கடுமையான

கட்டுப்பாடுகள் மூலம் பயமுறுத்துகின்றது. பெரும் பணக்காரர்கள்க்கு எதிரான பட்ஜெட் என்று முகமூடி அணிந்து கொண்டு சாதாரண மக்களை பணக்காரர்கள் ஆக விடாமல் பயமுறுத்துகின்றது. இயல்பில் 250 கோடி வரை இருந்த 25% கார்பரேட் வரி 400 கோடி வரை நீட்டிக்கபட்டு இருக்கின்றது. இது அவர்களுக்கு சலுகையே

மொத்தத்தில், உங்களை நம்பி மக்கள் உள்ளார்கள், மக்களை நீங்கள் நம்புங்கள், மக்கள் மனதில் குடியேற பாருங்கள். ஓரளவு சீர்திருந்தங்களை வாழைப்பழத்தில் ஊசி போல அமல்படுத்துங்கள். ஒரேடியாக மக்களை வெறுப்பில் ஆழ்த்த வேண்டாம். வேறு ஒரு நல்ல அரசியல்வாதி -

மேல் எழுந்தால், மக்கள் நம்மை புறக்கணிக்க தயாராகுவர் என்பதில் எள்ளளவும் மாற்றமில்லை. ஒரு பாஜக அனுதாபியாக ஊடகத்தில் இதை சொல்ல வருத்தமே, ஆனால் இதை சொல்லாவிட்டால் அதனினும் மேலான வருத்தம் உண்டாகும் என்றே தோன்றுகிறது. இது ஒரு சற்றே அதிகப்படியான உள்ளகுமறல், அவ்வளவே.