Thread by @wolf_twits

தமிழக பெண்களின் தனி அடையாளம் அவர்,இன்றும் அவரே தமிழக பெண்களுக்கு மாபெரும் உத்வேகமும் வழிகாட்டியுமானவர்

அந்த முத்துலெட்சுமி பிராமண பிறப்பு ஆனால் பிராமண கட்டுபாடுகளுக்கு அவர் கட்டுபடவில்லை,கல்வி கற்பேன் என போராடினார்

1900களில் பெண்களுக்கு கல்வி இல்லை,வெள்ளையன் ஆட்சி என்றபொழுதும்

அவன் இங்குள்ள சம்பிரதாயங்களில் கைவைக்கவில்லை,ஐடா ஸ்கேடர் பொன்ற ஐரோப்பிய பெண் மருத்துவர்கள் வந்தபொழுதும் இங்கே மருத்துவம் பயின்ற பெண்கள் இல்லை

இவ்வளவுக்கும் மருத்துவச்சி என பெண்களுக்கு நாட்டு மருத்துவம் சொல்லிகொடுத்து உருவாக்கிய் தமிழகம்தான்,ஆனால் நவீன கல்வி பக்கம் விடவில்லை

அன்றைய மருத்துவ கல்வி வித்தியாசமானது சம்ஸ்கிருதமும் லத்தீனும் படிக்க வேண்டும் இன்னும் என்னவெல்லாமொ உண்டு,பெண்களுக்கு அது சாத்தியமில்லை

ஆனால் முத்துலெட்சுமி போராடினார்,தனியாக போராடினார் அவரின் உறுதியினை கண்ட புதுக்கோட்டை மன்னரே அவர் படிக்க வழிசெய்தார்

இந்தியாவின் முதல் பெண் மருத்துவர் முத்துலெட்சுமியே, தனி ஒருத்தியாக ஆண்களுக்கு நிகராக நின்று அவர் மருத்துவம் படித்ததெல்லாம் மன உறுதியின் உச்சம்

மருத்துவர் ஆயினாலும் மணவாழ்வில் விருப்பமில்லை ஒரு மெழுகின் வாழ்வுபலன் ஆயிரம் மெழுகினை ஏற்றிவைப்பதே என பெண்களுக்காக போராடினார்

பாரீசில் நடந்த மாநாட்டில் இந்திய பெண்களின் அடிமை நிலையினை 1926ல் முழங்கிய முதல் பெண் அவரே

1925 வாக்கில் வெள்ளை அரசுகுட்பட்ட உள்ளாட்சி அமைப்பு சென்னை ராஜ்தானியின் தேர்தலில் சட்டமன்ற உறுப்பினருமானார்

சென்னை கோட்டையில் மக்கள் பிரதிநிதியாய் கால்வைத்த முதல் பெண் அவரே,அவரின் கல்வி

அவரை அங்கு அமர்த்தியது

அப்பொழுதுதான் திசைமாறி திரிந்த தேவதாசி ஒழிப்பு சட்டம் அவரால் கொண்டுவரபட்டது, சத்யமுர்த்தி போன்றவர்கள் எதிர்த்தும் அதை கொண்டு வந்தார் முத்துலெட்சுமி

பெண்களுக்கு சொத்துரிமை வேண்டும் என்ற தீர்மானம் அவராலே கொண்டுவரபட்டது, பின்னாளில் கலைஞர் சட்டமாக்கிய அந்த

பெண் உரிமை சட்டத்தின் மூலம் முத்துலெட்சுமி கொடுத்தது

தனக்கேற்ற துணையாக தன்னை புரிந்து கொண்ட சுந்தர ரெட்டி என்பவரை மணந்து முத்துலெட்சுமி ரெட்டியானார்

அவர்களின் முயற்சியில் தொடங்கியதுதான் அடையாறு மருத்துவமனை,இன்று புற்றுநோய் சிகிச்சைக்கு தனி அடையாளமாக திகழும் அந்த மருத்துவாலயம்

அனாதை பெண் குழந்தைகளை அரவணைக்கும் அவ்வையார் இல்லமும் அவர் ஏற்படுத்தியதே

ஒரு வகையில் சொன்னால் தமிழகத்தின் அன்னை தெரசா முத்துலெட்சுமி ரெட்டி

அந்த மருத்துவ மாமணிக்கு, தமிழக பெண்களின் விடுதலைக்கு முன்னோடிக்கு, என்றுமே தமிழக மகளிரின் தனிபெரும் அடையாளமாக திகழும் அந்த காரிகைக்கு

இன்ரு பிறந்தநாள்

காலமுள்ள காலம் அவரின் பெயரும் சாதனையும் இங்கு நிலைக்கும்

பாரதியும் பெரியாரும் கிளம்பும் முன்பே யார் சொல்லியும் பெண் விடுதலை நடக்காது,பெண்களே தானாக விலங்கை உடைத்தால்தான் உண்டு என கிளம்பி தன்னை நிருபித்த அந்த சமுக போராளிக்கு இன்று பிறந்தநாள்

இன்னொரு வகையில் அந்த பெண்ணுக்கு கல்வி கிடைக்க முழு பலமுமாய் நின்ற புதுகோட்டை மன்னரும் நினைவுக்கு வருவார்

பெண்விடுதலைக்கு அவர் முழு ஆதரவினை அன்றே தெரிவித்திருக்கின்றார்,பெரியார் அப்பொழுது களத்திலே இல்லை

இந்தியாவின் முதல் பெண்மருத்துவரை கொடுத்தது தமிழகம்,அன்று கொடிய அடிமைத்தனமான

தேவதாசி முறையினை சட்டம் போட்டு தடுத்தது தமிழகம்

இந்தியாவிலே முதல்முறையாக பெண்களுக்கு கல்வியும்,சொத்துரிமையும் கொடுத்த இடம் தமிழகம்

அனாதை பெண்குழந்தைகளை ஆதரிக்கும் அவ்வையார் மையங்களை திறந்தது தமிழகம்

இப்படி இந்தியாவுக்கே பெண்விடுதலைக்கு வழிகாட்டிய தமிழச்சி முத்துலெட்சுமி ரெட்டி

இந்நாலில் அவருக்கு அஞ்சலி செலுத்துவது ஒவ்வொரு இந்தியரின் குறிப்பாக தமழரின் கடமையுமாகும்

குறிப்பாக தமிழக மங்கையருக்கு பெரும் நன்றிகடன் உண்டு

அவர் பாதை காட்டினார் நீங்கள் நடக்கின்றீர்கள்,அவர் விளக்கேற்றினார் நீங்கள் பார்க்கின்றீர்கள்

கைகாட்டியாய் நின்றார் நீவீர் சரியான பாதை கண்டீர்கள்

அஸ்திவாரமாய் நின்றார் நீவீர் கோபுரமாய் உயர்ந்தீர்கள்

தமிழக பெண்களின் நன்றிக்குரிய அந்த முத்துலெட்சுமி ரெட்டிக்கு ஆழ்ந்த அஞ்சலிகள்

அடிமை விலங்கை உடைக்க வந்த போராளி தமிழச்சி,அவர் ஏற்றி வைத்த தீபமே இப்பொழுது பிரகாசமாய் எரிகிறது