Thread by @VasaviNarayanan

*பிள்ளையார் என்னும் விநாயகர் தமிழ் நாட்டிற்கு வந்து 20 வருடம் தான் ஆச்சு... - கரு. பழனியப்பன் பேச்சு...*

இதைப் பார்த்ததும் மக்கள் கொதித்துப் போய் பிள்ளையார் சுழி பற்றித்தான் முதலில் பேசினார்கள். நான் சில கேள்விகள் கேட்க விரும்புகிறேன்...

1) ஔவையார் விநாயகர் அகவல் என்னும் நூலை, இப்போது 20 வருடத்தூக்கு முன் தான் வந்து எழுதி, சங்க இலக்கியத்தில் சேர்த்தாரா?

2) ஆண்டுக்கு ஒரு பாடல் வீதம் 3000 பாடல் தந்தவர் எனப்படுபவர் திருமூலர். அவர் இயற்றிய திருமந்திரத்தின் முதல் பாடலே
*ஐந்து கரத்தனை யானை முகத்தனை*

இந்தின் இளம்பிறை போலும் எயிற்றனை
நந்தி மகன்தனை ஞானக் கொழுந்தினைப்
புந்தியில் வைத்துஅடி போற்று கின்றேனே*...

இவர் 2ம் நூற்றாண்டு என்றும் 5ம் நூற்றாண்டு என்றும் கூற்றுள்ளது. சரி. அது விஷயமல்ல. அவர் 20 வருடத்துக்கு முன் எங்கு வந்து விநாயகர் காப்பை இனைத்தார்?

3) பழங்கால ஓலைச்சுவடிகளில், மியூசியத்தில் யார் வந்து இந்த இடைச் செருகலைச் செய்திருப்பார்கள்? சரி! இந்தியாவில் சேர்த்திருக்கலாம்.. ஜெர்மன் ஆராய்ச்சிப் பல்கலைக் கழகத்தில் ஆயிரக்கணக்கான நமது ஓலைச்சுவடிகள் உள்ளனவே!!! அவற்றில் எல்லாம் 20 வருடத்துக்குள் யார் போய் எழுதிவிட்டு வந்தார்??

இப்படி ஆயிரம் கேள்வி கேட்போம். ஒரு கேள்விக்காவது பதில் இருக்கிறதா இவர்களிடம்??

உண்மையில் பிள்ளையார் சுழி என்பது பல தத்துவங்கள் கொண்டது... என்னவென்று பார்க்கலாம்!!

ஓலைச்சுவடியில் எழுத்தாணி கொண்டு எழுதுவோம். ஓலையில் கூர்மையான ஆணி, எப்படி தடம் பதிக்காது போகும்?

அப்படியானால், எழுதிப் பார்ப்பது என்பது காரணமல்ல. அது அறியாமையைக் கொண்ட நம்மை சமாதானப்படுத்தச் சொன்னது!! சரி. அப்படியானால் பிள்ளையார் சுழி எதுக்கு? ஒவ்வொரு காரணமாகத் தருகிறோம். இதில் எதில் நீங்கள் அறிவியல் ரீதியாகச் சமாதானம் ஆகிறீர்களோ, அதையே எடுத்துக் கொள்ளுங்கள்...

1) நம் உயிரணுவை வடிவில் தருவதென்றால், அது உருண்டை போல் ஆரம்ப வடிவுடனும், வால் போன்ற இறுதி வடிவுடனும் இருக்கும். அதை, *உ* என எழுதிக் காட்டினால், அதுபோல் இருக்கும். இந்த *உ* பிற்கால மாற்றம். ஆரம்பத்தில், இரண்டு சுற்று போட்டு, அப்படியே பின்னால் நீட்டிவிடுவர். அதுவே உயிரணு வடிவம்.

2) உயிர் (ஜீவன்), மெய் (தேகம்) இரண்டும் சேர்ந்தே உயிர்மெய். அதில் தேகம் வாழ உயிர் அவசியம். அந்த உயிரின் முதலெழுத்து தான் ஆதி. அதை உணர்த்தவே *உ* என்றும் கொள்ளலாம்.

3) அடுத்து, உயிர் என்பதைத்தான் ஜீவன் என்கிறோம். அந்த ஜீவ சக்தி எப்படி இருக்கிறது? அதையும் பார்ப்போம்!

ஜீவசக்தி என்பது, நம் மூலாதாரத்தில் குண்டலினி சக்தியாக உள்ளது. முதலில் குண்டலினி என்ளால் என்னவென்று எளிமையாகப் பார்ப்போம்! குண்டலம் என்றால் வளைந்தது, சுருள் போல் இருப்பது என்று பொருள்.
*உதாரணம்: காதில் முன்காலத்தில், ஆண், பெண் எனும் பேதமின்றி, அனைவரும் போடும் குண்டலம்.*

எனவே இது தமிழ் வார்த்தைதான். அதிலிருந்து தான் குண்டலினி என்னும் வார்த்தை வந்தது. எனவே இது வடசொல் என குதிக்க முடியாது. இப்போது, ஜீவசக்தி எப்படி இச்சிறிய மூலாதாரத்தில் இருக்க முடியும்? நாமே எதையும் சிறு இடத்தில் வைக்க, சுருட்டி வைப்போம் அல்லவா? அதுபோல் ஜீவசக்தியும் சுருண்டுள்ளது.

சுருண்டிருக்கும் ஜீவசக்தியைத் தட்டி எழுப்பி, நீட்டினால் முகுளத்தை அடையும். இதுவே ஞானம். சரி! ஒரு சுற்று இருப்பதை எப்படி இழுத்து நீட்ட முடியும்? எனக் கேள்வி வருகிறது அல்லவா? ஆனால் அது, சுமாராக ஒரு இரண்டறை சுற்று இருந்தால், ஸ்பிரிங் போல் அதை இழுத்து நீட்ட முடியும் அல்லவா?

அப்படித்தான், நம் ஜீவசக்தி இரண்டறை சுற்றுடன் உள்ளது. அந்த ஜீவசக்தியை முதலில் வணங்கவே இரண்டு சுற்று போட்டு, பின்னால் நீட்டுகிறோம்!!!

இதுபோல் தத்துவார்த்தமான விஷயங்களை நம் ஸநாதன தர்மத்தில் அதிகம் காணலாம். புத்தி வேறு! ஞானம் வேறு! புத்தி என்பது பார்ப்பதை ஆராயாது அப்படியே ஏற்பது.

ஞானம் என்பது, தத்வார்த்தமான காணத்தைக் கண்டறிந்து ஏற்பது! *குழந்தை வந்து தாயிடம், வயிற்றின் உள்ளிருக்கும் குழந்தை உங்கள் வயிறு கிழியாது எப்படி வெளியில் வந்தது?* எனக் கேட்கும். அதற்குத் தாயார் எப்படி அதன் வயதூக்கேற்ப ஒரு சமாதான பதில் சொல்வாரோ, அப்படித்தான் வாழ்க்கைத் தத்துவங்களை

எளிமையான சமாதானங்கள் மற்றும் கதைகள் மூலம் நம் ஸநாதன தர்மம் தந்துள்ளது. எப்படி சரியான வயதில் அக்குழந்தை எல்லாம் அறிந்து கொள்ளுமோ, அப்படியே, மூத்தோர் வார்த்தையை பின்பற்றுகையில் நாமும் இந்த உண்மை அர்த்தங்களை அறிந்து கொண்டிருப்போம்...

இனி நம் கையில் உள்ளது.

அறிவால் குழந்தையாக இருக்கப் போகிறோமா? புத்தி மட்டும் போதுமென வாழப் போகிறோமா? அல்லது உண்மையுணர அறிவு முதிர்ச்சி தேடிப் போகப் போகிறோமா??

மக்களே! இக்கேள்வி உங்களுக்கே!! ஏற்க மாட்டேன் எனப் பிடிவாதம் பிடிப்பவருக்கு இல்லை...

@threadreaderapp pls compile