Thread by @Dhananandhar

எனது அன்பு பி.ஜே.பி நண்பர்களுக்கு ஒன்றை மனப்பூர்வமாகச் சொல்லிக் கொள்ள விரும்புகிறேன். தமிழகத்தில் தோராயமாக திமுகவினர் 30%.. அதிமுகவினர் 30%.. தி.க, மதிமுக, காங்கிரஸ், பிற திராவிட இயக்க உணர்வாளர்கள், சிறுபான்மை அமைப்பினர், கம்யூனிஸ்டுகள் என 20% பேர் இருப்பார்கள். இங்கு

உங்கள் கருத்திற்கும், சித்தாந்தத்திற்கும் எதிராக இருப்பவர்கள் குறைந்தபட்சம் 80% பேர்!!

இதுவரை தமிழகத்தில் ஒரு இயக்கம் அடுத்த இயக்கத்தை கருத்தியல் ரீதியாக எதிர்த்துள்ளதே தவிர தங்களுக்கு எதிரான எவரது வணிகத்தையும் அமைப்பு ரீதியாக திட்டமிட்டு காலி செய்ததும் இல்லை.. அது எங்கள்

கலாச்சாரமும் இல்லை!

சரவணா செல்வரத்தினம் அண்ணாச்சி வெளிப்படையாக ஆர்.எஸ்.எஸ். ஆதரவு நிலைப்பாட்டை எடுத்தார்! "இதயம் பேசுகிறது" பத்திரிக்கையை வாங்கி ஆர்.எஸ்.எஸ். பிரச்சார பத்திரிக்கையாகவே வெளியிட்டார்!

பெரியாரை, அண்ணாவை, கலைஞரை படு கேவலமாக விமர்சித்து கட்டுரைகள் வந்தன

அந்த பத்திரிக்கையில்!!

இருப்பினும் எந்த ஒரு திராவிட இயக்கமோ அல்லது இஸ்லாமிய , கிருஸ்துவ இயக்கங்களோ அவருக்கு எதிராக எதையும் சொல்லவில்லை!! அவர் கடையில் பொருட்கள் வாங்காதீர்கள் என்று அமைப்பு ரீதியிலோ தனிப்பட்டோ எவரிடத்திலும் இந்த நொடிவரை சொன்னதில்லை!!

நாளைக்கே சரவணா ஸ்டோர்ஸ்

சென்று பாருங்கள்.. எண்ணற்ற புர்கா அணிந்த, தொப்பி அணிந்த, சிலுவை போட்ட, கறுப்பு சட்டை அணிந்த கஸ்டமர்களை நிறைந்து காணலாம்!!

ஆனால் காரப்பன் சில்க்ஸ் என்ற ஒரு வெகு சாதாரண நிறுவனத்திற்கு எதிராக வணிகப் போர் தொடுக்கின்றீர்கள்! இதனால் அந்த நிறுவனம் ஒன்றும் நொடித்துப் போகாது! அந்த

நிறுவனத்தைச் சுற்றி சுமார் பத்து கிலோ மீட்டர் சுற்றளவில் உள்ள திமுகவினரும், உண்மையான அதிமுகவினரும், காங்கிரஸாரும், கம்யூனிஸ்ட் காரர்களும், பிறரும் வருடம் தோறும் பனியன் ஜட்டி எடுத்தாலே அந்த நிறுவனம் லாபத்தில் ஓடிவிடும்! உங்கள் விளம்பரத்தால் இனி அங்கு நன்கு வணிகம் நடக்கும் .

ஆனால் இதே நிலைப்பாட்டை பதிலுக்கு நாங்கள் "பி.ஜே.பி நிறுவனங்களை புறக்கணியுங்கள்" என அமைப்பு ரீதியாக பிரச்சாரத்தைத் துவங்கினால் என்னாகும்?

சுமார் 80% கஸ்டமர்களை இழந்து ராமராஜ் வேட்டி , சரவணா ஸ்டோர்ஸ் போன்ற உங்களின் அத்தனை நிறுவனங்களும் தடுமாறத் துவங்கும்!!

சின்மயா மிஷன் துவங்கி பவன்ஸ் வித்யாசரம், சாஸ்த்ரா வரை உங்களின் பல்வேறு கல்வி நிறுவனங்கள் மாணவர்கள் இன்றி தடுமாறத் துவங்கும்!!

அரசியல் போரை அரசியல் போராக நடத்த மட்டுமே எங்கள் தலைவர்கள் எங்களை பயிற்றுவித்து இருக்கின்றார்கள்.

வணிகப் போராக நடத்த வேண்டும் என்றால் அதற்கும் நாங்கள் தயார்.... எப்படி வசதி?
#பபி