Thread by @abhiautade

हल्ली गल्लो-गल्ली-नाको-नाकी मॅरेथॉनचे पीक आलेले दिसते,
जो तो मॅरेथॉनमध्ये सहभागी होऊन आपला विक्रम दर्शविण्याचा प्रयत्न करीत असतो.
पण *'मॅरेथॉन'* म्हणजे तरी काय, हे कुणी सांगेल का...!!!
मॅरेथॉन..?
नाही..,
आम्ही *'पावनखिंड'* धावतो...!!

प्राचीन काळी ग्रीस देशामधे मॅरॅथॉन नावाचे

एक पठार होते; तिथे एक लढाई झाली असता, ती लढाई जिंकल्यावर, ती बातमी सांगण्यासाठी एक सैनिकतिथपासून ते अथेन्सपर्यंत धावत गेला होता. ते अंतर ४२.१९५किमी होते. ज्या गावी ही लढाई झाली, त्या गावाचे नाव 'मॅरॅथॉन' हे स्पर्धेचे नाव झाले आणि जे अंतर तो सैनिक पळला तेच अंतर स्पर्धेसाठी

अधिकृतरित्या जगभर स्वीकारले गेले. दुर्दैवाने अतिश्रम होऊन तो पोहोचताच विजयाचा निरोप देऊन मरण पावला. या सैनिकाचे नाव फेडापेद्दीस. काही इतिहासकार तो ३५ किमी पळाला असेही, म्हणतात.ते काहीही असो.पण याची दौड अजरामर झाली.फेडापेद्दीस, ४२ किमी पळाला.रिकाम्या हातानी पळाला. आणि आमचे मावळे ?

आषाढी पौर्णिमेला गुरुवार १२जुलै १६६०च्या पावसाळी रात्री पन्हाळा ते पावनखिंड पुढे विशाळगड, हातात शस्त्र आणि पाठीवर शत्रू घेऊन मुसळधार पावसात दगड धोंडे तुडवत पळाले. ऊर फुटेस्तव, किती ?
३५नाही , ४२ नाही तर तब्बल ५२ किमी.
आणि लढले बलाढ्य शत्रूशी.
कुठे आहे याची जगाच्या इतिहासात नोंद ?

नसणारच 🤔
आम्ही आमच्याच कर्मानं इंग्रजांचे गुलाम झालो, त्यांनी आमचा इतिहासच बदलून टाकला आणि आम्हीच आम्हाला लुटारू
म्हणू लागलो.

जाऊ दे..

इंग्रज परकाच होता. उलट्या काळजाचा होता. तो जातीवरच जाणार.

पण आम्ही का आपला इतिहास विसरलो...? आम्हाला आमच्या इतिहासाचा सार्थ अभिमान का नाही 🤔

बदला हे सर्व आज पासुन नव्हे आत्ता पासून
२५ किमी पळालात की म्हणा, अर्धी पावनखिंड पळालो आणि ५० किमी पळालात की म्हणा, पावनखिंड पळालो जे काही पळाल ते पावनखिंडी च्या मापानंच मोजा.
बघा तर,या नंतर, कुठेही, जिंकल्यावर, आपला सार्थ विजयाभिमान चौपट दुणावलेला दिसेल

जय शिवराय जय महाराष्ट्र