Thread by @smitprabhu

प्रिय @KDMCOfficial,

एक #डोंबिवलीकर म्हणून शहर स्वच्छतेसाठी काही सूचना करू इच्छितो कृपया त्यावर विचार व्हावा ही विनंती.

१) आधारवाडी डम्पिंग ग्राऊंडवर कचरा टाकला जाणार नाही यासाठी महानगरपालिकेतर्फे प्रस्तावित कचरा निर्मूलन प्रकल्प लवकरात लवकर कार्यान्वित व्हावेत.

(१/८)

https://twitter.com/smitprabhu/status/1229607566566731778

२) प्रभागवार सोसायटींचा समूह बनवून त्या सोसायटींमधील #ओलाकचरा घेण्यासाठी वेगळ्या वाहनांची सोय असावी आणि त्या वाहनावरील कर्मचाऱ्यांकडून केवळ ओला कचराच घेतला जावा.

३) नागरिकांना सॅनिटरी पॅड,डाईपर्स हे कागदात गुंडाळून त्यावर लाल रंगाची फुली मारून देण्यास सांगावे आणि प्रत्येक-
(२/८)

वाहनात तो Hazardous waste वेगळा जमा करण्यासाठीची व्यवस्था असावी.

४) डोंबिवली शहरात केवळ एकच #PlasticWasteBank आहे आणि शहराची लोकसंख्या पाहता ती पर्याप्त नाही. तेव्हा येत्या काळात डोंबिवलीत अजून ३ ते ४ plastic waste bank सुरू कराव्यात जेणेकरून प्लास्टिक जमा करणे सोपे होईल.

(३/८)

५) कचराकुंड्या उचलण्यात आल्यात पण अजूनही त्याच ठिकाणी उकिरडे करण्याची डोंबिवलीकरांची सवय गेली नाही. तेव्हा प्रत्येक उकिरड्या सभोवतालच्या सर्व सोसायटींना नोटीस बजावून कचरा केवळ घंटागाडीस आणि तो सुद्धा #वर्गीकृत करून द्यावा असे सूचित करावे.

(४/८)

६) रस्ते सफाई करणाऱ्या कर्मचाऱ्यांना proper Hand gloves, mask द्यावेत आणि ते घालूनच काम करण्याची सक्ती करावी. शहर स्वच्छ ठेवणाऱ्याचे आरोग्य स्वस्थ राहील याची काळजी घेतली जावी.

७) शहरातील सर्व दुकानदारांना, भाजी/फळवाल्यांना प्लास्टिक पिशवी न विकण्याचा निर्वाणीचा आदेश -
(५/८)

द्यावा आणि त्यानंतर सुद्धा प्लास्टिक पिशवी विकताना/साठवताना आढळल्यास कुणाचा मुलाहिजा न राखता त्याचक्षणी दंड ठोठवावा.

८) शहर स्वच्छतेसाठी नगरसेवक/लोकप्रतिनिधीच्या दडपणाखाली न येता आपलं कार्य करण्यासाठी कर्मचाऱ्यांना कसे उद्युक्त करता येईल याचा पालिका प्रशासनाने विचार करावा.
(६/८)

९) शहरातील सर्व नाल्यांची सफाई/डागडुजी ही येत्या पावसाळ्यापूर्वी पूर्ण करावी.

१०) सार्वजनिक वर्दळीची ठिकाणे जसे की स्टेशन परिसर, महाविद्यालये, बागा, मंदिरे, चौक यांच्या स्वच्छतेची विशेष काळजी घ्यावी. तसेच या ठिकाणच्या अनधिकृत रिक्षावाल्यांचा ताबडतोब बंदोबस्त करण्यात यावा.

(७/८)

११) डोंबिवली स्टेशन परिसर/स्कायवॉक, फडके रोडवर फेरीवाल्यांच्या अतिक्रमणामुळे चालणे कठीण होत आहे. तेव्हा अतिक्रमण विभागास अधिक सजग राहण्याचे आदेश द्यावेत.

१२) मा.आयुक्तांनी आपले twitter handle लवकर सुरू करावे. जेणेकरून त्यांच्यासोबत नागरी समस्या share करणे सहज शक्य होईल.

(८/८)