Thread by @_VSriram

நமது பாராளுமன்ற மாநிலங்களவைக்கு முன்னாள் உச்ச நீதிமன்றத் தலைமை நீதிபதி திரு. ரஞ்ஜன் கோகோய் (ஜனாதிபதி திரு. ராம்நாத் கோவிந்த் அவர்களால்) நியமிக்கப்பட்டுள்ளார். இது குறித்த சர்ச்சை சரியானதா?+

முதலில், மாநிலங்களவைக்குத் தேர்ந்தெடுக்கப்படும் முறைகளைப் பார்ப்போம்.

மாநிலங்களவையின் மொத்த இடங்கள்: 245

இதில், மாநில, யூனியன் பிரதேச சட்டமன்றங்கள் தேர்ந்தெடுத்து அனுப்புவது: 233

ஜனாதிபதி நியமிப்பது: 12
+

சரி, ஜனாதிபதி நியமன உறுப்பினர்கள் எந்த அடிப்படையில் தேர்வு செய்யப்படுகின்றனர்?

கலை, இலக்கியம், சமூக சேவை, நிர்வாகம், விஞ்ஞானம், விளையாட்டு, பொருளாதாரம், சட்டம் - இவை போன்ற துறைகளில் சாதனை செய்தவர்கள், பெரும் அனுபவம் பெற்றவர்கள் ஆகியோர். +

சில உதாரணங்கள்.

புகழ் பெற்ற விஞ்ஞானிகள்:

சத்தியேந்திர நாத் போஸ்
ராஜா ராமண்ணா
கஸ்தூரிரங்கன்

பத்திரிகைத்துறை:

குல்தீப் நய்யார்
குஷ்வந்த் சிங்
சோ ராமஸ்வாமி

கவிஞர்கள்/எழுத்தாளர்கள்:

ஆர்.கே.நாராயண்
மைதிலி சரண் குப்தா
ஹர்வன்ஷ் ராய் பச்சன்+

திரை/நாடகக் கலைஞர்கள்:

பிருத்விராஜ் கபூர்
சிவாஜி கணேசன்
ஷபானா ஆஸ்மி

இசை/ஓவியம்:

பண்டிட் ரவிசங்கர்
எம்.எப்.ஹூசைன்

பொருளாதாரம்:

மால்கம் ஆதிசேஷய்யா
பிமல் ஜாலன் (இவர் முன்னாள் ரிசர்வ் வங்கி கவர்னர்)

சட்டத்துறை:
அல்லாடி கிருஷ்ணஸ்வாமி
ஃபாலி நார்மன்+

பறவைகள் அறிஞர் சலீம் அலி, காந்தியப் பொருளாதார அறிஞர் மற்றும் சமூக சேவகர் ஜெ.எம்.குமரப்பா..

ஏப்ரல் 2012ல் சச்சின் டெண்டுல்கர், ஹிந்தி நடிகை ரேகா முதலியோர் ஜனாதிபதியால் ராஜ்யசபா உறுப்பினர்களாக நியமிக்கப்பட்டனர். +

ஜனாதிபதியால் இப்படிப் பல்துறை அறிஞர்கள் நியமிக்கப்படுவது எதனால்?

இந்தச் சாதனையாளர்கள், மேலவை விவாதங்களில் தம் துறை சார்ந்த திறன், பன்முகத்தன்மை ஆகியவற்றால் புதிய சிந்தனைகளையும் நவீனத் தீர்வுகளையும் தர முடியும்.

மேலவை என்றால் Elders உள்ள சபை என்று தானே பொருள்! +

எனவே, திரு. ரஞ்ஜன் கோகோயின் நியமனத்தில் யாதொரு தப்பும் இல்லை. இது சட்டத்துக்கும் அறநெறிக்கும் உட்பட்ட நியமனமே ஆகும்.

அரசியல் சாசனப் பரிச்சயம் இல்லாதவரே இதில் குறைகாண்பர்.

குறிப்பாக, இந்த ஜனாதிபதி நியமன உறுப்பினர்கள் எந்தக் கட்சியையும் சேராதவர்கள்.

அதனால், திரு.கோகோய் பாஜக உறுப்பினர் ஆகப் போவது இல்லை. (சச்சின் டெண்டுல்கர் ஆனாரா? அதே போல் தான்.)