Thread by @_VSriram

"தேவார மூவர் முதலிகள் , பிராமணர்களின் வேள்வி முறைகளை ஏற்கவில்லை" என்ற கூற்று மிக மிகப் பொய்யானது.

1) வேதத்தையும் வேள்விகளையும் சிறப்பித்தனர்
2) வேத நிந்தனை செய்தோரைக் கண்டித்தனர்.

சில எடுத்துக்காட்டுகள்.+

https://twitter.com/hajendrenP/status/1222928507434602496

திருஞானசம்பந்தர் பெருமான், தான் கௌடின்ய கோத்திரத்தைச் சேர்ந்தவன் (கவுணியன்) என்று பலப்பல தேவாரப் பாடல்களில் உரைக்கிறார்.

வேள்விகள் பற்றிய சம்பந்தர் பிரான் பாடற்குறிப்புகளில் சிலக் கற்கண்டுச் சிதறல்கள்:

"வேத வேள்வியை நிந்தனை செய்து உழல் ஆதமில்லி அமணொடு தேரரை"+

"வைதிகத்தின் வழியொழுகாத அக் கைத்தவமுடைக் காரமண் தேரர்" (வைதிகத்தின் படி ஒழுகாத புத்தமத்தினரைக் கடிதல்)

"வேட்டு வேள்வி செயும் பொருளை விளிமூட்டு சிந்தை முருட்ட மண் குண்டர்"

"அழல் அது ஓம்பும் அருமறையோர் திறம் விழல் அது என்னும் அருகர்" (அழல் = அக்னி)

"வாழ்க அந்தணர் வானவர் ஆனினம்"+

"கற்றாங்கு எரியோம்பிக் கலியை வாராமே" (வேதம் கற்று, ஹோமத் தீ ஓம்பி, கலியை முறியடிக்கும் அந்தணர்)

"பறப்பைப் படுத்தெங்கும் பசு வேட்டு எரி ஓம்பும் சிறப்பர் வாழ் தில்லைச் சிற்றம்பலம்" (பறப்பு = கோவில்)

"வேதமும் வேள்வியும் ஓவா வேட்கள நன்னகராரே" (ஓவா = நீங்காத)+

"வேள்விப் புகையால் வானம் இருள்கூர் வெங்காடே" (வேதியர் ஹோமப்புகையால் வானம் இருண்டது)

"வேள்விப்புகையும்பர் உலாவும் புகலியே" (புகலி = சீர்காழி)+

"வேதம் போற்று பூசுரர்கள் புரிந்தவர் நலங்கொள் ஆகுதியினில் நிறைந்த" (ஆகுதி = வேள்வித்தீயில் அளிக்கப்படுவது)

"எண்ணு மூன்று கனலும் ஓம்பி எழுமையும் விழுமியராய்"
(பிராமணர்கள் காருகாபத்தியம், ஆசுவனியம், தாட்சிணாக்னி என்ற 3 அக்னிகளை ஓம்புவார்கள்.)

"ஓமமொடு உயர்மறை" (ஓமம் = ஹோமம்)+

அம்மம்ம! இது ஒரு சில எடுத்துக்காட்டுகளே. சம்பந்தர் தேவாரம் முழுவதும் இப்படிப்பட்ட குறிப்புகள் காணலாம்.

சரி, சம்பந்தர் திரு அவதார நோக்கம் பற்றிப் பெரியபுராணத்தில் சேக்கிழார் என்ன சொல்கிறார்?

"*வேதநெறி* தழைத்தோங்க.."

"அப்பதி தான் அந்தணர் தம் கிடைகள் அருமுறையே செப்பும் ஒலி"+

(கிடைகள் = வேதம் ஓதும் இடங்கள்)

"அவ்வூர் மரங்களும் ஆகுதி வேட்கும் தகைய" (சீர்காழி மரங்களும் யாகம் செய்யும் தகைமை உடையன)

"சுரும்பு இசையால் செழும் சாமம் பாடுமால்" (வண்டுகள் சாம வேதம் பாடும் சீர்காழி)

காழியினில் வந்த கவுணியர்தம் போர் ஏறு" (கவுடின்ய கோத்திரம்)+

இதுவும் பெரியபுராணப் பன்னீர் மரத்தில் இருந்து சிற்சிலப் பூச்சிதறல்கள் தாம்.

அப்பர் சுவாமிகள் தேவாரத்தில் வேதம், வேள்வி என்று நூற்றுக்கணக்கான குறிப்புகள்.

"மறையின் ஓசையும் மல்கி அயலெலாம் நிறையும் பூம்பொழில்சூழ் திருநின்றியூர்"

"தகை நால்வேதம் ஓர்ந்து ஓதிப்பயில்வார் வாழ்தரும்."+

"வேதத் தொழிலார் விரும்ப நின்றார்"

"கலிமெலிய அழல் ஓம்பும் அப்பூதி" (வேள்வி செய்யக் கலி மெலியும்)

"இருக்கு ஓதி மறையவர்கள் வழிபட்டு ஏத்தும்" (ரிக் வேதம் ஓதும் அந்தணர்கள்)

"அவி அடுவார் அருமறையோர்" (அவி = வேள்வியில் இடும் உணவு)

"சாமத்து வேதம் ஆகி நின்றது ஓர் சுயம்பு" (சாம வேதம்)+

"இருக்கு (ரிக் வேதம்) ஓதி மறையவர்கள் வழிபட்டு ஏத்தும்"

"விண்ணினை விரும்ப வைத்தார் வேள்வியை வேட்கை வைத்தார்"

"செந்தியார் வேள்வி ஓவாத் தில்லை"

"வேதமும் வேள்விப்புகையும் ஓவா விரிநீர் மிழலை"

"மிக்க திறல் மறையவரால் விளங்கு வேள்வி"

"வேதியர் வேதமும் வேள்வியும் ஆன "+

"ஐ வேள்வி ஆறங்கம் ஆனார்"
ஐ வேள்வி = ஐந்து வேள்விகள்
1) தேவ யக்ஞம்
2) ரிஷி யக்ஞம்
3) பித்ரு யக்ஞம்
4) நர யக்ஞம்
5) பூத யக்ஞம்

"அங்கம் ஆறும் அருமறை நான்குடன் தங்கு வேள்வியர் தாம் பயிலும் நகர் "

"வேள்விக்குடி எம் வேதியனை"

"இந்திரன் வேள்வித் தீயில் எழுந்தது ஓர் கொழுந்தின் வண்ணம்"+

இதுவரை மேற்கோள் காட்டியது இருவர் தேவாரம் தான். இன்னும், சுந்தரர் தேவாரம் சாமவேத சாரமே.

இன்னொன்று:
"ஆரியத்தொடு செந்தமிழ்ப் பயன் அறிகிலா அந்தகர்" என்று சம்பந்தர் பெருமான் கூற்றில் இருந்து அவர் தமிழையும் சமஸ்கிருதத்தையும் சேர்த்துச் சிறப்பிப்பது விளங்கும்.+

"ஆகமத்தொடு மந்திரங்கள் அமைந்த சங்கத" என்று அவர் பாண்டிய அரசி மங்கையர்க்கரசியாரிடம் கூறுகிறாரே. சங்கதம் = சமஸ்கிருதம்.

வைதிக சைவத்தைச் சமணர்களிடம் இருந்து காப்பேன் என்று கூறும்போது அல்லவா இதைச் சொல்கிறார்! +

எனவே, யாகம், ஹோமம், ஹோமப்புகை, 4 வேதங்கள், 5 வேள்விகள், 6 வேத அங்கங்கள், 6 சமயங்கள் என்று இவை அத்தனையும் தேவாரத்திலும் - ஏன் - பன்னிரு திருமுறைகளிலும் சிறப்பிக்கப்படுகின்றன.

திருச்சிற்றம்பலம்! தென்னாடுடைய சிவனே போற்றி! எந்நாட்டவர்க்கும் இறைவா போற்றி! 🙏🙏