Thread by @sandhya_renjith

*1924_ൽ* *ആലുവ അദ്വൈതാശ്രമത്തിൻ്റെ മുറ്റത്തെ വലിയ മാവിൻ ചുവട്ടിൽ വച്ച് പിറ്റേന്ന് നടക്കാനിരുന്ന സഹോദര സമ്മേളനത്തിനു വേണ്ടി തയ്യാറെടുപ്പുകൾ നടത്തിക്കൊണ്ടിരുന്ന സഹോദരൻ അയ്യപ്പനോട് ദീർഘദൃഷ്ടിയോടെ ശ്രീനാരായണ ഗുരുദേവൻ പറഞ്ഞ ഈ വാക്കുകൾ ഇന്ന് നമ്മുടെ ഹൃദയത്തെ പൊള്ളിക്കേണ്ടതാണ്* .~1

'' *ഒടുങ്ങാത്ത ആവശ്യങ്ങൾ മനുഷ്യർക്ക് അല്ലാതെ മറ്റൊരു മൃഗത്തിനും ഇല്ല. അവൻ ഭൂമുഖത്തെല്ലാം സംഹാര താണ്ഡവം ചെയ്തു കൊണ്ടു നടക്കുന്നു. പോകുന്നിടത്തെല്ലാം ശൂന്യതയുടെ കരിനിഴൽ പരത്തുന്നു. മരങ്ങളെല്ലാം വെട്ടി നശിപ്പിക്കുന്നു. പച്ച നിറഞ്ഞ പ്രക്യതിയെ വികൃതമാക്കി ശൂന്യതയിലാഴ്ത്തുന്നു. ~2

അതിനു പകരം വൃത്തികേട്ട പുക നിറഞ്ഞ പട്ടണങ്ങൾ പണിത് കൂട്ടുന്നു.കടിഞ്ഞാണില്ലാത്ത അവൻ്റെ ലോഭത്തിന് ഇതെല്ലാം അനിവാര്യമാണ്.ഭൂമുഖം കൊണ്ടു മാത്രം അവൻ തൃപ്തനാകുന്നില്ല.ഭൂഗർഭത്തിലേക്ക് തുരന്നു കയറി ഈ ഗോളത്തിൻ്റെ കെട്ടുറപ്പ് തകർത്തുകളയുന്നു.നോക്കുന്നിടത്തെല്ലാം കൽക്കരിയും ഇരുമ്പും തന്നെ .~3

അവന് ഒരു വ്യവസ്ഥയുമില്ല. മറ്റുള്ള മൃഗങ്ങളെക്കാൾ ബുദ്ധിമാനെന്ന് അഹങ്കരിക്കുന്ന മനുഷ്യന് അവൻ സ്വയം എന്തു ചെയ്യുന്നു എന്ന് അറിഞ്ഞു കൂടാ* . *ഹൊ! മനുഷ്യൻ അവൻ എല്ലാം നശിപ്പിക്കും.* *അവൻ്റെ ചെയ്തികളുടെ ദാരുണഫലം മനുഷ്യവർഗ്ഗത്തെ മാത്രം ബാധിക്കുന്നതായിരുന്നെങ്കിൽ തരക്കേടില്ലായിരുന്നു* .~4

*വനത്തിലെ വാനരന്മാർക്കും പക്ഷികൾക്കും മനുഷ്യൻ കാരണം സ്വൈര്യതയില്ലായി തീർന്നിരിക്കുന്നു. മനുഷ്യൻ തനിക്ക് വരുത്തിക്കൂട്ടുന്ന വംശനാശത്തിൽ മറ്റു ജീവികളെ കൂടി~5

പെടുത്താതെ നിശ്ശേഷം നശിച്ച് വെണ്ണീറായി പോയിരുന്നെങ്കിൽ മറ്റു ജീവികൾ അതൊരു അനുഗ്രഹമായി കരുതുമായിരുന്നു.

* *അവരുടെ ജന്മാവകാശമായ ശാന്തി അനുഭവിക്കാമായിരുന്നല്ലൊ* !"~6/6

കടപ്പാട്🙏🙏