ആരാണ് ഹിന്ദു സുഡാപ്പികൾ?
ഹിന്ദു മതവുമായി ബന്ധപ്പെട്ട കാര്യങ്ങളിൽ അരുതുകൾ പറയുന്നവർ, ആചാരങ്ങൾ ഇന്നയിന്ന രീതിയിൽ വേണമെന്ന ശാഠ്യം വെച്ച് പുലർത്തുന്നവർ! ഇവരൊക്കെയാണത്രേ ഹിന്ദു സുഡാപ്പി! നല്ല പേരാണ്! ല്ലെ?
ഒന്നും പേടിക്കണ്ട! സനാതന ധർമ്മത്തിന് മരണമില്ല!
ധർമ്മത്തിന് സംഭവിക്കുന്ന അപച്യുതിയെക്കുറിച്ച് വേവലാതിപ്പെടുമ്പോൾ,പതിവായി കേൾക്കാറുള്ള ഒരുവാചകമാണിത്!
ശരിയാണ്. സനാതന ധർമ്മമെന്നാൽ ഏതൊരു
സാധാരണ വ്യക്തിക്കും സ്വപ്രയത്നത്തിലൂടെ കണ്ടെത്താവുന്ന ഒന്നാണ്. അതിനാലത് നശിക്കുന്നില്ല.
പക്ഷെ,അനാദികാലങ്ങളായി അവയെയെല്ലാം ഇക്കാലമത്രയും ഒരു പാട് ബുദ്ധിമുട്ടുകൾ സഹിച്ച് നിലനിർത്തിപ്പോന്ന ചിലചങ്ങലകളുണ്ട്.
അതിനെക്കുറിച്ച് നാം പൂർണ്ണമായും അജ്ഞരാണ് .
ഇനി, ആരാണ് ഒരു ഹിന്ദു? എന്താണ് ഹിന്ദുയിസത്തിൻ്റെ സവിശേഷത?
നിയമ - ആചാര രാഹിത്യമാണ് ഹിന്ദുമതം എന്നൊരു ധാരണ പലർക്കുമുണ്ട് എന്നാണ് മനസ്സിലാക്കാനായത്.
എന്താണെന്ന ചോദ്യത്തിന് അവരുടെ ഉത്തരം ഹിന്ദു മതത്തിൽ യാതൊരു നിർബന്ധങ്ങളുമില്ല, നല്ല സുഖാണ് എന്നായിരിക്കും.
എന്നാലിത് ശരിയാണോ?
ഒരു നിഷ്ഠയുമില്ലാത്ത, നിയമങ്ങളില്ലാത്ത ജീവിതരീതിയാണോ ഹിന്ദുമതം മുമ്പോട്ടു വെക്കുന്ന സവിശേഷത?
പഞ്ചമഹായജ്ഞങ്ങൾ നിർബന്ധമായും ഹിന്ദുക്കൾ ദിവസേന അനുഷ്ഠിക്കേണ്ട കർമ്മങ്ങളാണ്.
ഹിന്ദുമത ആചാര്യന്മാരെല്ലാവരും ആചരിച്ചവരായിരുന്നു. സാമാന്യരെ ആചരിക്കാൻ പ്രേരിപ്പിച്ചവരായിരുന്നു. അതിനാണ് അവരവതരിച്ചത്.