Thread by @tewodros_belay

የፋሲካ ዕለት የሆነ ነው፡፡ ከምሽቱ 1 ሰዓት አካባቢ በፓትሮል የሚንቀሳቀሱ የፖሊስ አባላት አስኮ አዲስ ሰፈር አከባቢ ያደረጉት ድርጊት አስገራሚ ነው፡፡የአከባቢው ነዋሪ እስከዚህ ሰዓት ድረስ ምን እንደተፈጠረ እንኳ የሚያስረዳው አላገኘም፡፡ 1/8

በድንገት በሰፈሩ የተገኙት የፖሊስ አባላት በመንገዱ ላይ ያገኙትን ነዋሪ በሙሉ እያገላበጡ በዱላ መደብደብ ጀመሩ፡፡ ድብደባቸው ከፋፋይ አልነበረም፡፡ ሴት፣ ወንድ፣ ወጣት፣ አዛውንት ሳይል ያገኙትን በሙሉ መቀጥቀጥ ጀመሩ፡፡ 2/8

ድብደባው በዋና መንገድ ላይ ብቻ የተከናወነ አልነበረም፡፡በውስጥ ለውስጥ የኮብል ስቶን መንገዶች ላይ ሳይቀር ድብደባቸውን አድርገዋል፤በመንገድ ላይ ብቻቸውን ሲጓዙ የነበሩ ሰዎች ተደብድበዋል፡፡በዕድሜ ያረጁ ሽማግሌም ድብደባው ደርሷቸዋል፡፡3/8

የ8ወር እርጉዝ ሴት በፖሊስ ዱላ ድብደባ ተፈጽሞባታል፡፡ አዛውንቶች መሬት ላይ ወድቀው ድብደባ ተፈጽሞባቸዋል፡፡ወጣቶች ላይ የተካሄደው ድብደባ እጅግ አሰቃቂ እና ለመናገር ከባድ ነው፡፡መንገድ ላይ የሚንቀሳቀሱ ሰዎችን አሰልፈው ደብድበዋል፡፡4/8

የጸጥታ አካላቶቹ ድርጊት በዚህ ብቻ አላበቃም፡፡ የታጠቁትን መሳሪያ ተጠቅመዋል፡፡ 3 ጥይቶችን ወደ ህዝብ ተኩሰዋል፡፡ ወደ ሰማይ ሳይሆን ወደ ህዝብ ተኩሰዋል፡፡ ሆኖም የተተኮሰው ጥይት ያገኘው ሰው አልነበረምና የሰው ህይወት ሳያልፍ ቀርቷል፡፡5/8

አብዛኞቹ ተደብዳቢዎች ሲናገሩ የሰማሁት ግርምት ፈጥሮብኛል፡፡ የፖሊስ አባላቶቹ ከመጠን በላይ መጠጥ ጠጥተዋል፡፡ ገሚሶቹ የሚያደርጉትን ብቻ ሳይሆን የሚናገሩትን ጭምር አያውቁም ነበር፡፡ ከመጠጡ ብዛት የተነሳ የሚንተባተቡ ፖሊሶችም ነበሩ፡፡ 6/8

በድብደባው የተጎዱ በርካቶች ናቸው፡፡ በመንገድ ላይ ሲታዩ የሚያነክሱ፣ ከቤት መውጣትና መንቀሳቀስ የማይችሉ፣ የአካል ጉዳት ደርሶባቸው ወደ ህክምና የሄዱ ሰዎች እንዳሉ የዐይን እማኝ ሆኜ ታዝቤያለሁ፡፡ 7/8

የአካባቢው ህዝብ የተደበደበበትን ምክንያት አያውቅም፡፡ ያስረዳቸውም ሆነ ምክንያቱን የነገራቸው አካል የለም፡፡ ሆኖም በድብደባው የተጎዱ ሰዎች ክስ ለመመስረት እየተንቀሳቀሱ እንዳሉ ሰምቼያለሁ፡፡8/8
#Ethiopia
#StateOfEmergency
#covid19Ethiopia