రైతులంతా ఒకే పంట వేసి నష్టపోకుండా, ప్రభుత్వం సూచించిన పంటలే సాగు చేసే నియంత్రిత పద్ధతి రాష్ట్రంలో వచ్చి తీరాలని, ప్రభుత్వం సూచించిన పంటలు వేయని రైతులకు రైతుబంధు ఆపివేయాలని, పంటలకు కనీస మద్దతు ధర చెల్లించి కొనుగోలు చేయవద్దని వ్యవసాయరంగ నిపుణులు, అధికారులు ప్రభుత్వానికి సూచించారు. 
తెలంగాణలో వ్యవసాయం లాభసాటి కావాలంటే, వ్యవసాయాభివృద్ది కోసం ప్రభుత్వం తీసుకున్న చర్యలు సంపూర్ణ ఫలితం ఇవ్వాలంటే పంటలకు మంచి ధర రావాలన్నారు. పంటల సాగు ఎవరికిష్టం వచ్చినట్లు వారు చేసుకునే విధంగా కాకుండా, వ్యవసాయ నిపుణులు చెప్పినట్లు పంటలు వేసే విధానం రావాలని వారు స్పష్టం చేశారు.
తెలంగాణలో పంటల సాగు విధానం, ప్రత్యామ్నాయ పంటల గుర్తింపు, రైతులతో నియంత్రిత పద్ధతిలో సాగు చేయించడం, పండిన పంటకు మంచి ధర వచ్చేలా చూడడం లాంటి అంశాలపై ప్రగతి భవన్ లో ముఖ్యమంత్రి శ్రీ కె. చంద్రశేఖర్ రావు అధ్యక్షతన ఇవాళ సుదీర్ఘ సమీక్ష జరిగింది.
ప్రజల ఆహార అలవాట్లకు అనుగుణంగా, మార్కెట్లో డిమాండ్ ఉన్న పంటలను మాత్రమే పండించాలని. అలా చేస్తేనే పంటలకు మంచి ధర వస్తుందని. ఏ రైతు ఏ పంట పండించాలనే విషయాన్ని ప్రభుత్వమే తేల్చాలని, దానికి అనుగుణంగా సాగు జరిగేట్లు చూడడం అత్యంత ప్రధానమని వ్యవసాయ నిపుణులు ప్రభుత్వానికి సూచించారు.
వ్యవసాయ రంగ నిపుణులు చెప్పిన పలు విషయాలు:
రాష్ట్రంలో రైతులంతా ఒకే విధమైన పంటసాగు చేసే సంప్రదాయం ఉంది. అలా చేస్తే పండించిన పంటకు మంచి ధర రాదు. మార్కెట్ డిమాండును బట్టి పంట పండించాలి. రైతులకు చైతన్యం రావాలి. క్రమ పద్ధతి అలవాటు కావడం కోసం కొంత కఠినంగానే వ్యవహరించాలి.
రాష్ట్రంలో రైతులంతా ఒకే విధమైన పంటసాగు చేసే సంప్రదాయం ఉంది. అలా చేస్తే పండించిన పంటకు మంచి ధర రాదు. మార్కెట్ డిమాండును బట్టి పంట పండించాలి. రైతులకు చైతన్యం రావాలి. క్రమ పద్ధతి అలవాటు కావడం కోసం కొంత కఠినంగానే వ్యవహరించాలి.
ఈ సారి కరోనా-లాక్ డౌన్ పరిస్థితుల కారణంగా ప్రభుత్వం మానవీయ దృక్పథంతో పంటల కొనుగోళ్లు జరుపుతున్నది. ప్రతీ ఏటా ఇలాగే కొనుగోళ్లు జరపడం ప్రభుత్వానికి సాధ్యం కాదు. ఎందుకంటే ప్రభుత్వం వ్యాపార సంస్థ కాదు. పండించిన పంటకు మార్కెట్లో డిమాండ్ ఉంటేనే ధర వస్తుంది. లేకుంటే రాదు.
రాష్ట్రంలో 80-90 లక్షల ఎకరాల్లో వరి సాగు చేయవచ్చు. కాని ఇందులో కూడా మార్కెట్ అవసరాలకు తగ్గట్టు రకాలు పండించాలి. సన్న రకాలు, దొడ్డు రకాలు ఎన్ని పండించాలనే విషయంలో కూడా స్పష్టత ఉండాలి. కేరళ, తమిళనాడు రాష్ట్రాలకు బాయిల్డ్ రైస్ ఎగుమతి చేయాల్సి ఉంటుంది. కాబట్టి దొడ్డు రకాలు పండించాలి.
తెలంగాణ ప్రజలు ఎక్కువగా సన్న రకాలు తింటారు. కాబట్టి వాటినీ పండించాలి. బియ్యం గింజ పొడవు 6.2 ఎంఎం అంతకన్నా ఎక్కువ ఉన్న రకాలకు విదేశాల్లో మంచి డిమాండ్ ఉంటుంది. కాబట్టి ఆ రకాలనూ పండించాలి. ఏది ఎంత పండించాలనే విషయంలో నిర్ణయం తీసుకుని, అందుకనుగుణంగా సాగు చేయాలి.
ప్రభుత్వం సూచించిన పంటలకు సంబంధించన విత్తనాలు మాత్రమే మార్కెట్లో లభ్యమయ్యేలా చూడాలి. విత్తన వ్యాపారులు తమకు తోచిన విత్తనాలను రైతులకు అంటగట్టే పద్ధతి పోవాలి. ఈ విషయంలో కూడా పూర్తి స్థాయి నియంత్రణ రావాలి.
తెలంగాణ రాష్ట్రంలో ప్రభుత్వం చేసిన కృషి ఫలితంగా కరెంటు సమస్య తీరింది. విత్తనాలు, ఎరువులు సకాలంలో అందుతున్నాయి. ప్రాజెక్టుల నిర్మాణం ద్వారా సాగునీటి సమస్య తీరుతున్నది. వీటన్నింటి ఫలితంగా రాష్ట్రంలో వ్యవసాయం సాగు విస్తీర్ణం పెరుగుతుంది. దిగుబడులు కూడా బాగా వస్తాయి.
అలా వచ్చిన దిగుబడులకు మంచి ధర వచ్చినప్పుడే వ్యవసాయ రంగాభివృద్ధి కోసం చేసిన కృషికి సార్థకత. మంచి ధర రావాలంటే నియంత్రిత పద్ధతిలో సాగు జరగాలి.
రాష్ట్రంలో, దేశంలో, అంతర్జాతీయంగా మార్కెట్ పరిస్థితులను ఎప్పటికప్పుడు అధ్యయనం చేసి, మార్గదర్శకం చేయడానికి ఒక నిపుణుల కమిటీని నియమించాలి.
రాష్ట్రంలో, దేశంలో, అంతర్జాతీయంగా మార్కెట్ పరిస్థితులను ఎప్పటికప్పుడు అధ్యయనం చేసి, మార్గదర్శకం చేయడానికి ఒక నిపుణుల కమిటీని నియమించాలి.
