Thread by @zahida_rahim

اقبال کےپرستاروں کی متوقع ناراضی کےباوجوداس حقیقت کااظہار کئےبغیرنہیں رہی سکتی کہ اقبال کے سارےفکری تصورات چاہےوہ خودی کا تصورہوانسان کامل کاہو یاعقل وعشق کاکسی نہ کسی فلسفی سےمستعار
لئیےگئےہیں اوراس کی نشاندہی کئی مغربی اورمشرقی مفکرین نےبھی کی ہے۔مگراقبال بجائےتسلیم کرنے+1/6

کہ وہ ان سے متاثر تھےاس کی تردید کرتے رہے۔اگر آپ فلسفےکےطالب علم ہیں تواقبال کےنظریہ خودی کو پڑھتے ہی سمجھ جائیں گے کہ یہ ارسطو کی True Selfاور فرائڈ کی Super Ego اور نطشے کا نظریۂ قوت کا ملغوبہ یا مجمووعہ ہے۔
اسی طرح اقبال کا مومن یا انسان کامل بھی مغربی مفکروں کے افکار 2/6

سے مستعار ہے مثلاً کارلائل کا ہیرو کا تصور، گوئٹے کا Eckerman، نطشے کا فوق البشر یا سپرمین کےتصورکو یکجا کر کےاسلامی رنگ و روغن کر دیں تو اقبال کامرد مومن تیار ہے۔اسی طرح
اقبال کا تصور زماں و مکاں اقبال مکمل طور پر برگساں س ماخوذ ہے۔
پھر اقبال کا فلسفہ جسے رومی کے تصوف۔۔+3/6

سے اسلامی رنگ دینے کی کوشش کرتے ہوئے اقبال نے عقل و عشق کے فلسفے کا نام دیا بہت حد تک برگساں کے فلسفہ وجدان (intuition) سے مستعار لیا ہوا ہے۔ برگساں کے نزدیک وجدان ایک سریع الرفتار اور ہر دم مستعد صلاحیت ہے جو ایک جست میں بحر ِ علوم کا قصہ تمام کرتے ہوئے۔۔+4/6

معاملات کے پار اور ان کی تہہ میں اتر جاتی ہے۔ برگساں کے نزدیک عقل باہر سے دیکھتی ہے جبکہ وجدان اندر سے۔ عقل حقیقت کے سمندر کو پرندے کی طرح اوپر اوپر سے دیکھتی ہے اور وجدان اس سمندر کو مچھلی کی طرح اندر سے دیکھتا ہے۔کانٹ ویل اسمتھ کا موقف ہے کہ
"اقبال کا بیشتر فلسفہ نطشے اور+5/6

برگساں کےفلسفےکواسلامی رنگ دینے کےمترادف ہے،اس لیےان پر یہ تنقید کی گئی کہ وہ اصلی مفکر نہیں ہیں۔ جوشخص جدیدیورپی فلسفےسے واقف ہےوہ بلاشبہ اقبال کے مغربی مآخذ کابہ آسانی پتالگاسکتا ہے"۔طوالت کے پیش نظرمختصراً اتناکہوں گی کہ اقبال نےپرانی شراب نئی بوتلوں میں بھرکرپیش کی ہے۔6/6