ചരിത്രത്തിൽ ആദ്യമായും ഒരു പക്ഷേ അവസാനമായും സത്യപ്രതിജ്ഞ ചെയ്യാതെ ഒരു ജനാധിപത്യ ഭരണകൂടത്തിന്റെ തലവനായി ചുമതലയേറ്റത് ശ്രീചിത്തിരതിരുനാൾ രാമവർമ്മ മഹാരാജാവ് ആയിരിക്കാം 
ശ്രീപദ്‌മനാഭസ്വാമിയോടുള്ള തീവ്രമായ ഭക്തിയും വിധേയത്വവും മൂലം ഭരണാധികാരം തന്നെ ത്യജിക്കാൻ സന്നദ്ധനായ ഒരു രാജർഷിയുടെ കഥയാണ് ഇവിടെ പറയുന്നത്.
സ്വാതന്ത്ര്യലബ്ധിക്കു ശേഷം തിരുവിതാംകൂറും കൊച്ചിയും സംയോജിപ്പിച്ച് തിരുക്കൊച്ചി സംസ്ഥാനമാക്കാൻ തീരുമാനമായി.
സ്വാതന്ത്ര്യലബ്ധിക്കു ശേഷം തിരുവിതാംകൂറും കൊച്ചിയും സംയോജിപ്പിച്ച് തിരുക്കൊച്ചി സംസ്ഥാനമാക്കാൻ തീരുമാനമായി.
പുതിയ സംസ്ഥാനത്തിന്റെ രാജപ്രമുഖനായി ശ്രീചിത്തിരതിരുനാൾ രാമവർമ്മ മഹാരാജാവിനെയും നിശ്ചയിച്ചു. രാജപ്രമുഖസ്ഥാനം ആജീവനാന്തമുള്ള പദവിയായിരിക്കുമെന്നാണ് ഇന്ത്യ ഗവണ്മെന്റ് രാജാക്കന്മാർക്ക് വാക്കു നൽകിയിരുന്നത്.
അപ്പോഴാണ് പ്രശ്നം ഉടലെടുത്തത്.
അപ്പോഴാണ് പ്രശ്നം ഉടലെടുത്തത്.
ഭരണഘടനയോട് വിധേയത്വം പ്രഖ്യാപിച്ച് പ്രതിജ്ഞ ചെയ്താണ് രാജപ്രമുഖനായി അധികാരം ഏൽക്കേണ്ടത്.
എന്നാൽ ശ്രീപദ്‌മനാഭദാസനായ തന്റെ കൂറും വിധേയത്വവും ശ്രീപദ്‌മനാഭസ്വാമിയോടു മാത്രം ആയതിനാൽ ഭരണഘടനയോട് വിധേയത്വം പ്രഖ്യാപിച്ചു കൊണ്ട് പ്രതിജ്ഞ ചെയ്യാൻ നിർവാഹം ഇല്ലെന്നും വേണ്ടിവന്നാൽ സ്ഥാനത്യാഗം ചെയ്തുകൊള്ളാം എന്നും മഹാരാജാവ് ഇന്ത്യ ഗവൺമെന്റിനെ അറിയിച്ചു.
ഈ നിലപാട് പ്രധാനമന്ത്രി ജവഹർലാൽ നെഹ്‌റുവിനെ പ്രകോപിപ്പിച്ചു.
മഹാരാജാവിന്റെ സ്ഥാനത്യാഗം ജനവികാരം എതിരാക്കും എന്നതിനാൽ ഇന്ത്യ ഗവണ്മെന്റ് സമവായതിന് തയ്യാറായി.
മഹാരാജാവിന്റെ സ്ഥാനത്യാഗം ജനവികാരം എതിരാക്കും എന്നതിനാൽ ഇന്ത്യ ഗവണ്മെന്റ് സമവായതിന് തയ്യാറായി.
മറ്റു രാജാക്കന്മാർ ഭരണഘടനയോട് വിധേയത്വം പ്രഖ്യാപിച്ച് രാജപ്രമുഖസ്ഥാനം കൈയേറ്റപ്പോൾ തിരുവിതാംകൂർ മഹാരാജാവിനു മാത്രമായി ഇന്ത്യ ഗവൺമെന്റ് ഒരിളവ് ചെയ്തു.
ഭരണഘടനയോട് കൂറോ വിധേയത്വമോ പ്രഖ്യാപിച്ചു കൊണ്ടുള്ള സത്യപ്രതിജ്ഞ വേണ്ടെന്നും പകരം ഭരണഘടന സംരക്ഷിച്ചു കൊള്ളാം എന്ന ഉറപ്പു നൽകി ഇന്ത്യ ഗവണ്മെന്റിനു കത്തെഴുതിയാൽ മതിയെന്നും ആയിരുന്നു ആ ഇളവ്.
വിവിധ നാട്ടുരാജ്യങ്ങൾ ഇന്ത്യൻ യൂണിയനിൽ ലയിപ്പിക്കാൻ ചുക്കാൻ പിടിച്ചത് സർദ്ദാർ വല്ലഭായ് പട്ടേലിന്റെ പ്രതിനിധിയായ വി പി മേനോനാണ്.
അദ്ദേഹം തന്റെ കൃതിയായ 'Integration of the Indian States' ൽ പറയുന്നത് ഇപ്രകാരമാണ്: "The first hurdle was the Maharajah's inability to take the oath of office as head of the state. The devotion of the present Maharajah to Sri Padmanabha borders on fanaticism.
He rules the state not as its head but as a servant of the tutelary deity."
ജൂലായ് 1, 1949. അന്നാണ് തിരുക്കൊച്ചി സംസ്ഥാനം രൂപം കൊണ്ടത്.
ജൂലായ് 1, 1949. അന്നാണ് തിരുക്കൊച്ചി സംസ്ഥാനം രൂപം കൊണ്ടത്.
അതിന്റെ ഔദ്യോഗിക ചടങ്ങിൽ വച്ച് മേൽപ്പറഞ്ഞ രീതിയിൽ മഹാരാജാവ് ഇന്ത്യ ഗവണ്മെന്റിന് എഴുതിയ കത്ത് അദ്ദേഹത്തിന്റെ സാന്നിദ്ധ്യത്തിൽ ചീഫ് ജസ്റ്റിസ് പുതുപ്പള്ളി കൃഷ്ണപിള്ള വായിച്ചു. അങ്ങനെ ശ്രീചിത്തിരതിരുനാളിന്റെ രാജപ്രമുഖ സ്ഥാനാരോഹണം പൂർത്തിയായി. 1956 വരെ അദ്ദേഹം ആ സ്ഥാനത്ത് തുടർന്നു.
courtesy: facebook.com/protectsreepad…
