Thread by @Arakkal_unnii

അയ്യായിരത്തിൽപ്പരം വർഷങ്ങൾക്ക് മുമ്പു തന്നെ നിരവധി സർവകലാശാലകളുള്ള ഒരു രാജ്യം
ആ രാജ്യം എത്രത്തോളം സമ്പന്നവും സംസ്കൃതവുമായിരിക്കുമെന്ന് ഊഹിക്കാനാവുന്നുണ്ടോ?
എങ്കിലതായിരുന്നു നമ്മുടെ ഭാരതം !
ഓ പിന്നെ ! ഈ പറയുന്ന ഭാരതത്തിൽ ബുദ്ധനില്ലെങ്കിൽ ശാസ്ത്രത്തിൻ്റെ വളർച്ച കാണാമായിരുന്നു
~1~

ഇന്ത്യയിൽ വല്ല ശാസ്ത്രവും ഉണ്ടെങ്കിൽത്തന്നെ അതെല്ലാം ബുദ്ധന് ശേഷമാണ്.

അങ്ങനെയല്ലേ ? എന്നാലല്ല...

ബൗദ്ധാപ്രമാദിത്വം ഉള്ള നാളുകളിലാണ് നളന്ദ, വിക്രമശില , വല്ലഭി , സോമപുര , ജഗദ്ദല ,ഓടാന്തപുരി ഇവ സ്ഥാപിക്കപ്പെട്ടത് എന്നത് ശരിയാണ്.

~2~

ബൗദ്ധസഞ്ചാരികളിലൂടെയാണ് ഭാരതത്തിലെ മിക്ക സർവകലാശാലകളെക്കുറിച്ചും നാമറിയുന്നത് എന്നതും ശരിയാണ് ..

ബുദ്ധനിലും പ്രാചീനമായ സർവകലാശാലകളെക്കുറിച്ച് ബൗദ്ധസഞ്ചാരികൾ ഒന്നും പറഞ്ഞിട്ടില്ല എന്നതും നിഷേധിക്കുന്നില്ല .

~3~

ബൗദ്ധസഞ്ചാരികളിലൂടെയാണ് ഭാരതത്തിലെ മിക്ക സർവകലാശാലകളെക്കുറിച്ചും നാമറിയുന്നത് എന്നതും ശരിയാണ് ..

ബുദ്ധനിലും പ്രാചീനമായ സർവകലാശാലകളെക്കുറിച്ച് ബൗദ്ധസഞ്ചാരികൾ ഒന്നും പറഞ്ഞിട്ടില്ല എന്നതും നിഷേധിക്കുന്നില്ല .

~4~

പക്ഷെ അക്കാരണം കൊണ്ട് ബുദ്ധന് ശേഷമാണ് ഭാരതം പുരോഗമിച്ചത് എന്ന ആ വാദം ഹിന്ദുമതത്തോടുള്ള അസഹിഷ്ണുത ഒന്ന് കൊണ്ട് മാത്രമാണ്

ദർശനങ്ങളും ഗണിതവും ഖഗോള വിജ്ഞാനവും രാഷ്ട്രീയവും വൈദ്യവും രസതന്ത്രവും കലകളും ഉദ്ഭവിച്ച ഭൂമിയിൽ ബൗദ്ധർക്ക് മുമ്പ് വിദ്യാഭ്യാസകേന്ദ്രങ്ങളില്ല

~5~

എന്ന വാദം അങ്ങേയറ്റം പരിഹാസ്യമാണ് !

ആ സഞ്ചാരികൾക്ക് ബൗദ്ധ ധർമ്മത്തെക്കുറിച്ച് മാത്രം അറിഞ്ഞാൽ മതിയായിരുന്നു എന്നതിനാലാവും മറ്റ് സർവകലാശാലകളെക്കുറിച്ച് സൂചിപ്പിക്കാതിരുന്നത്.

അല്ലെങ്കിൽ അപ്പൊഴേക്കും മറ്റുള്ളവയുടെ പ്രസിദ്ധി ഇല്ലാതായതാവും.

~6~

മിഥില , ശാരദാ പീഠം , കാഞ്ചി , കാശി, തുടങ്ങി നിരവധി സർവകലാശാലകൾ ബുദ്ധനും മുമ്പ് ഭാരത ഭൂമിയിലങ്ങോളമിങ്ങോളമുണ്ടായിരുന്നു.

പക്ഷെ പ്രസിദ്ധമായ നളന്ദ , തക്ഷശില ഇവയെക്കുറിച്ചും, പ്രസിദ്ധമല്ലാത്ത മറ്റു ബൗദ്ധ സർവകലാശാലകളെക്കുറിച്ചുമല്ലാതെ നാം മറ്റൊന്നിനെക്കുറിച്ചും കേൾക്കാറില്ല.

~7~

അതു കൊണ്ട് തന്നെ അവയുടെ പേരുകൾ ബൗദ്ധ സർവകലാശാലകളോളം ഉയരാതിരിക്കാൻ മനഃപൂർവം തന്നെ ശ്രമമുണ്ടെന്ന് കരുതേണ്ടി വരും

ഭാരതത്തിലുള്ള അറിവുകളെല്ലാം ബുദ്ധന് ശേഷം മതിയെന്നാണ് ഒളിഞ്ഞും തെളിഞ്ഞുമുള്ള നിലപാട് .

~8~

ഇന്ന് ഒരു ചരിത്ര വിദ്യാർത്ഥിക്ക് പോലും ഇവയെക്കുറിച്ചുള്ള വിവരങ്ങൾ ലഭിക്കാത്ത സാഹചര്യമാണ്.

അതിനാൽ തന്നെ വളരെ കുറച്ച് വിവരങ്ങൾ മാത്രമേ പോസ്റ്റിൽ ഉൾപ്പെടുത്താനായിട്ടുളളൂ

~9~

#മിഥില : #Mithila

ഉപനിഷത്ത് കാലഘട്ടം മുതൽ മിഥില സർവകലാശാലയുണ്ട്.. രാജർഷി ജനകൻ്റെ ഈ സർവകലാശാലയിൽ ഗർഭിണികൾ പോലും തർക്കങ്ങൾ കേൾക്കാൻ വന്നിരുന്നിട്ടുമുണ്ട്.
എന്ന് ഉപനിഷത്തിൽ കാണാം. ഈ തർക്കങ്ങളിലേർപ്പെട്ട് വിജയിക്കുന്നവരെ ആദരിച്ചിരുന്നു. അവരെ ബ്രാഹ്മണരായി കണക്കാക്കിയിരുന്നു .

~10~

മിഥിലയുടെ മറ്റൊരു പേരായ വിദേഹം തന്നെ ആദ്ധ്യാത്മികതയുമായി അങ്ങേയറ്റം യോജിച്ച് നിൽക്കുന്നു എന്നും ഓർക്കണം . സർവകലാശാല അക്ബറിൻ്റെ കാലം വരെ നിലനിന്നിരുന്നു. പക്ഷെ ഇന്ന് , മിഥിലയിലൊരു സർവകലാശാലയുണ്ടായിരുന്നുവെന്ന് പോലും അറിയാത്ത വിധം അവിടം പൂർണ്ണമായും നാശോന്മുഖമായി.

~11~

#ശാരദാപീഠം :

ശങ്കരാചാര്യർ സർവജ്ഞപീഠം കയറിയതിവിടെ വച്ചായിരുന്നു എന്ന ഒരോറ്റ വസ്തുതയിൽ സർവകലാശാലയുടെ ഗതകാല പ്രൗഢി തെളിയുന്നു. വിദ്യാദേവതയായ ശാരദയുടെ ആസ്ഥാന മന്ദിരം . അങ്ങേയറ്റം പൗരാണികമായ , ഇന്നും പൂർണ്ണമായി ഡീകോട് ചെയ്യപ്പെട്ടിട്ടില്ലാത്ത

~12~

വിമർശകരെപ്പോലും അത്ഭുതാവഹരാക്കി മാറ്റിയ ശാരദലിപിയും ഇവിടെ നിന്നുദ്ഭവിച്ചതാണ്.

കൽഹണൻ രാജ്യ തരംഗിണിയും പതഞ്ജലി മഹർഷി മഹാഭാഷ്യവുമെഴുതിയത് ഇവിടെ വെച്ചാണ് കരുതപ്പെടുന്നു .

രാമാനുജാചാര്യർ തൻ്റെ ശ്രീ ഭാഷ്യം പൂർത്തീകരിക്കുവാനായി ഇവിടെയെത്തിച്ചേർന്നുവത്രേ.

~13~

ശൈവാഗമങ്ങളുടെ അവസാന വാക്കായ തിരുമൂലാചാര്യൻ , ദക്ഷിണ ഭാരതത്തിൽ തൻ്റെ ജൈത്രയാത്ര തുടങ്ങിയതും ശ്രീ ശാരദാംബയുടെ അനുഗ്രഹാശിസുകൾ വാങ്ങിയതിനു ശേഷമാകണം ..

കമ്പോടിയ , ചൈന , ടിബറ്റ് തുടങ്ങിയ അയൽ രാജ്യങ്ങളിൽ നിന്ന് ഇവിടേക്ക് വിദ്യാർത്ഥികളിവിടേക്കെത്തിയിരുന്നു.

~14~

ഒരു കാലത്ത് ശാരദാ പീഠം അറിവിൻ്റെ അവസാന വാക്കായിരുന്നിരിക്കണം

സിക്കന്ദർ ബുട്ട്ഷിക്കനാണ് സർവകലാശാല തകർത്തത്.

ഇന്നത്തെ അവസ്ഥയെക്കുറിച്ച് പറയാതിരിക്കയാണ് ഭേദം .

~15~

#വാരണാസി:

കാശി സർവ്വകലാശാലയെന്നും അറിയപ്പെടുന്നു. തക്ഷശിലയുടെ മാതൃകയിൽ , അതെ രീതിയിൽ രൂപപ്പെടുത്തിയ പൗരാണിക സർവ്വകലാശാലയായിരുന്നു വാരണാസി സർവകലാശാല. സംസ്കൃതവും വൈദികശാസ്ത്രവുമായിരുന്നു പ്രധാനമായും പാഠ്യ വിഷയങ്ങൾ.

~16~

രാജാക്കന്മാരുടെ സഹായത്തോടെയായിരുന്നു വാരണാസിയിൽ പഠന ചെലവുകൾ നടന്നു പോന്നിരുന്നത് . വാരണാസിയിലെ അധ്യാപകരിൽ മിക്ക പേരും തക്ഷശിലയിൽ നിന്നും ശിക്ഷണം ലഭിച്ചവരായിരുന്നു . വൈദികവിഷയങ്ങളും സംസ്കൃതവും തുടങ്ങി നിരവധി വിഷയങ്ങളിൽ ആധികാരികമായ ഗവേഷണങ്ങളും പഠനങ്ങളും കൂടാതെ

~17~

ജീവനോപാധിയിൽ പെട്ട നെയ്‌ത്തു വിദ്യയും വാരണാസി കേന്ദ്രീകരിച്ചു നടന്നിരുന്നു. ബനാറസ് പട്ട് ഇന്നും ലോക പ്രസിദ്ധമാണല്ലോ . അധിനിവേശങ്ങളാൽ തകർത്തെറിയപ്പെട്ട സർവകലാശാല ഇന്നത്തെ രീതിയിൽ പുനഃസ്ഥാപിക്കപ്പെട്ടത് സർവശ്രീ മദൻ മോഹൻ മാളവ്യയുടെ ശ്രമഫലമായിട്ടാണ്.

~18~

ഇതുവരെ ഉത്തരേന്ത്യൻ സർവകലാശാലകളെക്കുറിച്ചാണ് പറഞ്ഞത്.

ഇതിനർത്ഥം ദക്ഷിണേന്ത്യയിൽ പoനമില്ലായിരുന്നുവെന്നല്ല . ഉത്തരേന്ത്യയെപ്പോലെ ദക്ഷിണേന്ത്യയിലും പ്രഗൽഭങ്ങളായ നിരവധി സർവകലാശാലകളുണ്ടായിരുന്നു.

~19~

ദക്ഷിണഭാരതത്തിൽ പ്രധാനമായും ക്ഷേത്രങ്ങൾ കേന്ദ്രീകരിച്ചാണ് പഠനങ്ങൾ നടന്നു പോന്നിരുന്നത്.

ഇവ ശാല (ചാല)കളെന്നു അറിയപ്പെട്ടിരുന്നു. ശാലകളിൽ വിദ്യാർത്ഥികൾക്ക് പഠനകാലത്തുടനീളം താമസിച്ചു പഠിക്കുവാനുള്ള സൗകര്യങ്ങളുണ്ടായിരുന്നു.

~20~

പഠനം പൂർത്തിയാകുന്നത് വരെ ഭക്ഷണവും താമസ സൗകര്യങ്ങളും തികച്ചും സൗജന്യമായിരുന്നു. വിദ്യാർത്ഥികളുടെ ചെലവുകൾ മുഴുവനും വഹിച്ചിരുന്നത് ക്ഷേത്രമായിരുന്നു. ശാലകളിൽ താമസിച്ചു പഠിക്കണമെന്ന ഒരേയൊരു നിര്ബന്ധമേ ഉണ്ടായിരുന്നുള്ളൂ..

~21~

#പാർത്ഥിവപുരംശാല :

അതിപ്രസിദ്ധമായ ഒരു ശാലയായിരുന്നു പാർത്ഥിവപുരത്തുണ്ടായിരുന്നത്. കുലശേഖരകാലഘട്ടത്തോടെ പ്രസിദ്ധിയാര്ജിച്ച ഈ ശാല സ്ഥാപിക്കപ്പെട്ടത് 866 ഓടെയാണെന്നു കരുതപ്പെടുന്നു. വേദങ്ങളും ഷഡ് ദർശനങ്ങളുമായിരുന്നു പ്രധാനമായും പാഠ്യ വിഷയങ്ങൾ .

~22~

( വേദങ്ങളിലെന്ത്പഠിക്കാൻ എന്നാണ് ധാരണയെങ്കിൽ ,

ഈയടുത്ത് അയോധ്യയിൽ നിന്നും ഖനനം ചെയ്തെടുത്ത ശിലാഫലകമാണുത്തരം.

അവിടെ , ആധുനിക ഗണിത ശാസ്ത്രത്തിന് പോലും വേദങ്ങളിലെ ശുൽബ സൂത്രത്തെ ആശ്രയിക്കേണ്ടി വന്നുവെന്നും ,

~23~

ഇന്ന് നാം പിൻതുടരുന്ന ഗ്രീക്ക് മാതൃക , ജ്യോമട്രിയുടെ സാധ്യതകളെ പരിമിതപ്പെടുത്തുകയായിരുന്നുവെന്നും ഓർക്കുക. )

#കാന്തല്ലൂർശാല :

നളന്ദയ്ക്കും തക്ഷശിലയ്ക്കുമൊപ്പം തന്നെ വായിക്കാവുന്ന കാന്തല്ലൂർ ശാല അറിയപ്പെട്ടിരുന്നത് ദക്ഷിണനളന്ദയെന്ന പേരിലായിരുന്നു.
~24~

ആയ് രാജവംശത്തിലെ കരുന്തടക്കനാണ് ശാല സ്ഥാപിച്ചത്.

കാന്തല്ലൂർ ശാല നെയ്യാറ്റിന്കരയിലാണെന്നും അതല്ല, വിഴിഞ്ഞതായിരുന്നുവെന്നും രണ്ടഭിപ്രായങ്ങളുണ്ടെങ്കിലും

തിരുവനന്തപുരത്തു തന്നെയാണ് സ്ഥിതി ചെയ്തിരുന്നതെന്നതിൽ സംശയങ്ങളൊന്നുമില്ല .

~25~

പിൽക്കാലത്തു ഈ ശാല ആയോധന പരിശീലനങ്ങൾക്കാണ് പ്രസിദ്ധിയാർജ്ജിച്ചത്.

പ്രഗത്ഭരായ നിരവധി യോദ്ധാക്കൾ കാന്തല്ലൂർ ശാലയിൽ നിന്നും പഠിച്ചിറങ്ങി.

കാന്തല്ലൂർ ശാലയ്ക്ക് പാളയ ശാല, ആര്യ ശാല, വലിയ ശാല, ചിന്ന ശാല എന്ന പേരിൽ നാല് പ്രധാന ഹാളുകൾ ഉണ്ടായിരുന്നതായി പറയപ്പെടുന്നു.

~26~

വ്യത്യസ്ത ദേശങ്ങളിൽ നിന്നും വർഗങ്ങളിൽ നിന്നുമിവിടെ വിദ്യാർഥികൾ പഠിച്ചിരുന്നു.

അപമര്യാദമായി പെരുമാറിയിരുന്ന വിദ്യാർത്ഥികളിൽ നിന്നും ചെറിയ തോതിൽ പിഴ ഈടാക്കിയിരുന്നതായി ചരിത്ര രേഖകളിൽ കാണാവുന്നതാണ്.

ആയോധന കേന്ദ്രമായിരുന്നുവെങ്കിലും പഠന സമയത്തല്ലാതെ

~27~

ആയുധങ്ങൾ ധരിക്കുവാൻ സാധിക്കില്ലായിരുന്നു.

കാന്തല്ലൂർ ശാലയുടെ പ്രസിദ്ധി പരന്നത് ആയോധനകലയിലായിരുന്നുവെങ്കിലും, ലോകായതം മുതൽ ഇന്ദ്രജാലവും മന്ത്രവാദവും തുടങ്ങി 64 വിദ്യകൾ ഇവിടെ പഠിപ്പിച്ചിരുന്നുവെന്നു കാണാം.

ചേര - ചോള യുദ്ധങ്ങളിലാണ് സർവകലാശാലാ പഠനം ഇല്ലാതായത്.

~28~

#കാഞ്ചി :

ദക്ഷിണേന്ത്യയിലെ ഏറ്റവും പ്രധാനപ്പെട്ട , അതിപ്രാചീനമായ വിദ്യാഭ്യാസകേന്ദ്രമായിരുന്നു കാഞ്ചിയിൽ സ്ഥിതി ചെയ്തിരുന്നത് .

തമിഴ്‌നാട്ടിൽ, ഗോവതിനദിയുടെ തീരാത്തതായിരുന്നു സർവകലാശാല സ്ഥിതി ചെയ്തിരുന്നത് .

പല്ലവരാജാക്കന്മാരുടെ തലസ്ഥാന നഗരമായിരുന്നു കാഞ്ചി.

~29~

സംസ്കൃതവും തമിഴുമായിരുന്നു സർവകലാശാലകളിലെ പാഠ്യഭാഷകൾ.

വൈഷ്ണവാചാര്യനായ രാമാനുജാചാര്യർ കാഞ്ചിയിലെ വിദ്യാർത്ഥിയാണെന്നു കരുതപ്പെടുന്നു.

കാഞ്ചിയിലെ ക്ഷേത്രമാതൃകകളിൽ നിന്നും ഇവിടെ ശില്പ വിദ്യക്ക് നല്കിപ്പോന്ന പ്രാധാന്യം തെളിഞ്ഞു കാണാവുന്നതാണ്.

~30~

കൂടാതെ വൈദിക ശാസ്ത്രങ്ങളും ദർശനങ്ങളും പാഠ്യവിഷയങ്ങളായിരുന്നു.

ക്ഷേത്രങ്ങളെ കേന്ദ്രീകരിച്ചു ധാരാളം പഠന കേന്ദ്രങ്ങളുണ്ടായിരുന്ന കാഞ്ചിയെക്കുറിച്ചുള്ള സൂചനകൾ പതഞ്ജലിയുടെ മഹാഭാഷ്യത്തിലും ,

~31~

സമുദ്രഗുപ്തന്റെ അലഹബാദ് ശിലാലിഖിതത്തിലും വിവരിക്കുന്നുണ്ട്.

എഡി. 640 ഇൽ ഹുയാന്സാങ് ഇവിടം സന്ദർശിച്ചിരുന്നു.

അദ്ദേഹത്തിന്റെ കുറിപ്പുകളിലൂടെയും കാഞ്ചിയുടെ മഹത്വം നമുക്കറിയാൻ സാധിക്കും.

~32~

#കൊടുങ്ങല്ലൂർ :

സംഗമഗ്രാമ മാധവൻ്റെ , പരമേശ്വരൻ്റെ , നീലകണ്ഠസോമയാജിയുടെ , ജ്യേഷ്ഠദേവൻ്റെ , അച്ചുതപിഷാരടിയുടെ , മേൽപ്പത്തൂർ നാരായണ ഭട്ടതിരിയുടെ , അചുത പണിക്കർ എന്നിവരുടെ കോടി ലിംഗപുരം . ലോകത്തിൽ തന്നെ ഗണിത സമവാക്യങ്ങളുടെ അവസാന വാക്കായിരുന്നു കൊടുങ്ങല്ലൂർ ഗുരുകുലം .

~33~

അവിടെ , പേറ്റൻ്റില്ലാതെ നമ്മുടെ ആചാര്യന്മാർ എഴുതി സൂക്ഷിച്ച ഗണിത സൂത്രങ്ങൾ ന്യൂട്ടൻ മുതൽക്കുള്ള നിരവധി വിദേശികൾ ഒറ്റക്കും കൂട്ടായും മന:സാക്ഷിക്കുത്തില്ലാതെ, സ്വന്തം പേരിലാക്കി ഞെളിഞ്ഞു.

എന്നിട്ടവർ പറഞ്ഞു സംസ്ക്കാരമില്ലാത്ത , വിദ്യാഭ്യാസമില്ലാത്ത ,

ബ്ലഡിഇന്ത്യൻസ്...

~34~

ഇവിടെയുള്ള കൊളോണിയൽസന്തതികൾ അതൊന്നു മയപ്പെടുത്തി ഏറ്റു പറഞ്ഞു.

ബ്രിട്ടീഷുകാർ സാക്ഷരയാക്കിയ ഇന്ത്യ ! ബ്രിട്ടീഷുകാർ തുണിയുടുപ്പിച്ച ഇന്ത്യ !

ഭാരതാംബേ !
അറിവിൻ്റെ പരകോടിയിൽ വിരാജിച്ചവളെ !
എന്തൊരു ദുര്യോഗമാണിത് !

ഭാരതമെന്നാൽ - ഭാരതിയുടെ - ദേവി സരസ്വതിയുടെ ദേശമല്ലേ ?

~35~

അവിടുന്ന് അറിവിൻ്റെ പ്രകാശത്തിൽ വിരാജിച്ചവളായിരുന്നില്ലെ?
എന്നിട്ടുമെന്താണിങ്ങനെ?

മറക്കരുത്
ഭാരതത്തിലെ സർവകലാശാലകളിൽ പഠിച്ചിറങ്ങിയവർക്കെല്ലാം ലോകത്തെങ്ങും നിലയും വിലയും ലഭിച്ചിരുന്നു. കേംബ്രിഡ്ജ് ഹ്യൂസ്റ്റൻ ഓക്സ്ഫോർഡ് മുതലായവയിൽ ഇന്ന് പഠിച്ചിറങ്ങുന്ന കുട്ടികൾക്കുള്ള പോലെ

~36~

എന്തു ചെയ്യാനാണ് ! ഇന്നത്തെ കുട്ടികൾക്ക് അതിനുള്ള സൗഭാഗ്യമില്ലാതെ പോയി .

ഇതോടെ ഭാരതത്തിലെ സർവകലാശാലകളെക്കുറിച്ചുള്ള വിവരണം ഒരു വിധം പൂർത്തിയായെന്ന് തോന്നുന്നു. തീർച്ചയായും വിട്ടു പോയവയുണ്ടാവും. ഭാരതത്തിൻ്റെ അറിവ് ഇവയിലേതുക്കാനാവില്ല.

~37~

ഇനിയുമുണ്ടാവും .. നൈമിശാരണ്യം, ഗൗതമാശ്രമം , കണ്വാശ്രമം .....

ലോക നാഗരികത ഉത്ഭവിച്ച സിന്ധൂ തീരപ്രദേശങ്ങൾ ..

ദ്വാരക ... ഹസ്തിനപുരം ...

അങ്ങനെയങ്ങനെയങ്ങനെ ....

~38~

ഇനി പറയാനുള്ളത് ഭാരതത്തിലെ പ്രാഥമിക വിദ്യാഭ്യാസ പദ്ധതികളെ മുഴുവൻ പടിപടിയായി നശിപ്പിച്ച ബ്രിട്ടീഷിൻ്റെ കുടിലതയെക്കുറിച്ചാണ്.

ഇവിടെ തളിരിട്ടു വിരിഞ്ഞ ഒരോ മൊട്ടുകളിലേക്കും കരിഞ്ഞൊടുങ്ങാനുള്ള വിഷം കുത്തിവെച്ചതിനെക്കുറിച്ചാണ്.

അതിനെക്കുറിച്ച് അധികം താമസിയാതെ

39/39

🙏കടപ്പാട്🙏

@MbPradas @aradhya___