Thread by @OmkarDabhadkar

पत्रकारितेचा अख्खा पेशा रद्द करून टाकला तरी समाजाचं काहीही वाकडं होणार नाही - झालंच तर भलंच होईल.

सुशांतसिंग राजपूतच्या आत्महत्येचं रिपोर्टींग किती किळसवाणं केलं गेलं हे तर आपण बघितलंच...पण त्याहून मोठं पाप माध्यमांकडून घडत आहे. +

माध्यम म्हणून, ही आत्महत्या का घडली, नेमकी कोणती लॉबी सुशनसिंगच्या जीवावर उठली होती, त्याची पार्श्वभूमी काय होती, हे समोर आणण्याची यांची जबाबदारी नाही काय?

जबाबदारी पार पाडणं सोडाच - खरी माहिती समोर येऊच नं देण्याची कामगिरी माध्यमांनी प्रामाणिकपणे पार पाडलेली दिसतीये. +

टेलिव्हिजन चर्चांमध्ये विविध कलाकारांना, चित्रपट समीक्षकांना बोलावून चर्चा करतात - दाखवायला म्हणून "कंगना राणावत ने केलेल्या तिखट आरोपांबद्दल तुम्हाला काय वाटतं?" असे प्रश्न ही विचारतात.

पण पॅनलमधला प्रत्येकजण चीड यावी अशी बुळचट उत्तरं देतो...ती खपवून ही घेतात. +

"सगळ्याच क्षेत्रांत नेपोटीझम आहे" हे सध्याचं किळसवाणं ट्रेंडिंग वाक्यं ऐकून ऐकून आता मळमळायला झालंय.

बाकीच्या क्षेत्रांची चर्चा करू नंतर - सध्या सुशांतसिंग आणि त्याच्या मृत्यूस कारणीभूत ठरलेल्या बॉलिवूडमधील नेपिटिझम वर बोला - +

असं म्हणायची एकाही लोकशाहीच्या चौथ्या खांबाच्या शिलेदाराची छाती नाही?

काल एका चर्चेत एक चित्रपट समीक्षक म्हणाले की "इन्सेक्युरिटी सर्वांनाच असते...सलमान खानलासुद्धा "आपण मागे पडू" अशी भीती आहेच...त्याचा ट्यूबलाईट अपयशी गेलाच ना..." या भंकसवर चर्चेचा अँकर मान डोलावत होता! +

"साहेब आपण इंडस्ट्रीतील स्पर्धेबद्दल, अस्थिरतेबद्दल, लोकांना काय आवडेल-आवडणार नाही याबद्दल बोलत नाही आहोत...आपल्या नातीच्या वयाच्या नटींबरोबर तिच्या समवयीन नटासारखं नाचता येत नाही याचं प्रेशर येणाऱ्या म्हाताऱ्याच्या करिअर क्रायसिस बद्दल बोलत नाही आहोत - +

आपण "प्रेक्षकांच्या" मर्जीवर चर्चा करत नाही आहोत - मूठभर सरंजामांच्या मर्जीवर करतोय, त्यांच्या क्रौर्यावर चर्चा करतोय" --- हे बोलवत कसं नाही?

इतकं अवघड लॉजिक आहे का हे?

बॉलिवूडमधील घाणेरडे अनिष्ट प्रकार - कास्टिंग काऊच पासून ड्रग्जपर्यंत - या पत्रकारांना माहिती नसतात काय? +

फुटपाथवर लोकांना चिरडल्यानंतर अख्ख्या इंडस्ट्रीला हाताशी धरून "भाईजान"चा सिस्टिमॅटिक बीइंग ह्युमन पीआर कसा आखला गेला, केसमधील लोकांचं जगणं हराम कसं केलं गेलं - हे माहिती नसतं काय?

या प्रकरणांना चिवटपणे धसास लावण्याची एकाही माध्यम पंडिताची बिशाद नाही - मग +

तुम्ही आहात कशाला - हा प्रश्न का पडू नये?

हेच नव्हे, प्रत्येक क्षेत्रातील घाण लपवण्याचं पाप आहे पत्रकारांच्या माथी.

३-४ दिवसांपूर्वी पत्रकार श्री श्री श्री श्री निखिल वागळेंचा उद्धव ठाकरेंवर टीका करणारा व्हिडीओ व्हायरल झालाय. +

"सुरुवातीला तुम्ही छान बोलताय असं वाटलं...पण आता असं वाटतंय की तुमच्याकडे बोलायला मुद्दे नसतात...तेचतेच परत बोलता तुम्ही..."

अख्ख्या महाराष्ट्राला केव्हाच कळालं हे. व्हिजनरी पत्रकारांना ३ महिने आणि कित्येक मृत्यूंनंतर ही उपरती झाली. +

म्हणे "तुम्ही पत्रकार परिषद का घेत नाही?! प्रश्नांची भीती वाटते का?"

कोण तुम्ही? का तुमच्या प्रश्नांना भीक घालावी? जवळीक असेल त्या राजकीय पक्षांना सोयीच्या वाटतील तश्या बातम्या ट्रेन्ड करण्याचा कॉन्ट्रॅक्ट घेण्यापलीकडे कर्तृत्व काय आहे तुमच्या जमातीचं? +

असे कोणते प्रश्न विचारणार होती तुमची गॅंग? गेल्या ३ महिन्यांतच नव्हे - गेल्या १५ वर्षांत कोणते महत्वाचे प्रश्न विचारले आणि कोणते विषय लॉजिकल एन्ड पर्यंत चिवटपणे लढवले आहेत तुम्ही?

सर्वात मोठा कहर म्हणे मुंबई मनपावरील टीका. +

"तुम्ही इतकी वर्षे सत्तेत आहात, बीएमसी भ्रष्टाचाराने पोखरली गेली आहे..."

ऐसा? अब्बी समजा क्या ये तुमकू?

किती प्रकरणं बाहेर काढलीत हो तुम्ही बीएमसीची? किती भ्रष्ट अधिकाऱ्यांना जेलमध्ये पाठवलं आहे तुम्ही? मुंबईत हॉस्पिटल्स भग्न अवस्थेत आहेत हे कळायला कोरोना यावा लागतो काय? +

त्यावरसुद्धा प्रश्न विचारायला ३ महिने होऊन जावे लागतात काय?

इतकी वर्षं कोणत्या व्हिस्की-स्कॉचच्या नशेत पडून होती तुमची जमात?

बॉलिवूड काय, बीएमसी काय...पर्यावरण, सार्वजनिक वाहतूक, शिक्षण, आरोग्य...प्रत्येक क्षेत्रात भ्रष्टाचार आहे. कित्येक प्रश्न आहेत. +

एल्फिन्स्टन रोड स्टेशन स्टॅम्पेड, गोरखपूर बालकांचा मृत्यू...काय झालं या प्रकरणांचं?

काय झालं त्यानिमित्ताने समोर आलेल्या मूलभूत प्रश्नांचं? सोवळ्यात बसलेल्या किती पत्रकरांनी विषय लावून ठरलेत?

हेच नाही - भारतीय माध्यमांनी कोणता एक विषय चिवटपणे धसास लावला आहे सांगावं. +

आणि हो - नको असेल जबाबदारी तर ठीकच आहे. तुम्ही काही जनतेच्या प्रत्यक्ष पैश्यांवर उभे नाही आहात. तुम्ही स्पष्टपणे जनतेने निवडून दिलेले नाही आहात. लोकप्रतिनिधी नाही आहात. त्यामुळे तुम्ही हे सगळं "करायलाच हवं" असा आग्रह धरता येणार नाहीच आम्हाला. +

पण मग हे "आमच्यामुळे लोकशाही चालते" छाप स्वतःच्या पप्प्या घेणं बंद करा. तुम्ही आमच्यावर "कोणतेही उपकार करत नाही" - हे समजून घ्या. मी स्वतः मीडिया पोर्टल चालवतो. "प्रबोधन करतोय", "समाज घडवतोय" वगैरे अजिबात आव आणत नाही. +

शक्य तितके "वाचनीय" लेख पब्लिश करणे - त्यावरून वाचक मिळवणे - अधिकृत, उघड जाहिरातींमधून रेव्हेन्यू कमावणे - इतका साधा सरळ हिशेब आहे माझा.

पण आपले पत्रकार मात्र काहीतरी वेगळ्याच धुंदीत असतात. +

कोणत्याही पत्रकाराकडे पहा, जमिनीपासून चार अंगुळे वर तरंगत असतो. पत्रकारिता करतोय म्हणजे "लै उपकार करतोय आमच्यावर" अश्या थाटात वावरत असतो.

प्लिजच बॉस. स्वतः निवडलेल्या क्षेत्रात जॉब करतोयस. रीतसर पगार घेतोयस. उपकार करत नाहीयेस.

आणि हो - तू प्रामाणिक असशील ही कदाचित - पण +

तुझ्या इंडस्ट्रीतले बहुतांश लोक "देता पैसे की लावू बातमी?" छाप दलाली करत जगत आहेत हे नाकारू नकोस. आणि ती दलाली उघड करण्याची तुझी छाती नाही, हे ही अमान्य करू नकोस. झालंच तर १५-२० वर्षे मेहनत घ्यायची, ओळखी तयार करायच्या आणि मग कोणा एमपी-एमएलएकडे "कामाला" लागायचं +

- "मग लाईफ सेट!" - अश्या मानसिकतेत असणारेच आहेत तुझे साथीदार.

त्यामुळेच वाटतं.

ही अख्खी इंडस्ट्री बंद पडली तरी काहीही फरक पडणार नाही.
झालंच तर जरा भलंच होईल समाजाचं.

: ओंकार दाभाडकर
[e-mail]

@threadreaderapp please unroll.