Thread by @sujitppatil

#थ्रेड
#कर्ण
#एक_वेगळा_विचार
#जिवन
" कर्ण " महाभारतातील एक शूर राजा
सर्वोत्कृष्ट धनुर्धर , दानशूर अश्या अनेक कारणांनी आपण त्याला ओळखतो.
त्यांच्या शुरतेच्या अनेक गोष्टी आपण ऐकल्या असणार परंतु कर्ण व जीवन यांची सांगळ घालण्याचा हा प्रयत्न म्हणून कर्ण एक वेगळ्या रीतीने मांडतोय
1/11

महाभारतात कर्ण हि व्यक्तीरेखा "असून अडचण व नसून खोळंबा" या तत्वात बसणारी आहे.मी इतरांच्या पेक्षा वेगळा आहे? मी अद्भुत आहे? आणि मी असामान्य व्यक्ती आहे? हे लहानपणापासून जाणले असतानाही त्या व्यक्तीरेखेनी स्वतःला संकुचित ठेवले
तो अजेय होता, तसेच जो पर्यंत त्याच्याकडे कवच-कुंडले आहेत

तो पर्यंत त्याला कोणीही युद्धात हरवू शकणार नाही याची जाणीव आसताना, त्याने दुर्योधनाने दिलेल्या राजपद स्वीकारण्यापेक्षा मनगटाच्या जोरावर मिळवण्याचा का प्रयत्न केला नाही? त्याने ठरवले असते तर कितीतरी राज्ये युद्धात जिंकून तो स्वामी होऊ शकला असता, तशी कधी महत्वाकांक्षा दिसली नाही

अचाट शक्ती व शूरवीर असूनही स्वतःच्या कौशल्याने, वेळप्रसंगी युद्ध करून जिंकून घेण्याचा त्याच्यात कधी मानस दिसला नाही. याला कारण ही कदाचित एकच होते, केवळ अर्जुनाशी वैर, कारण तोच एक धनुर्धर हा कर्णाशी लढाई करण्याच्या ताकदीचा मानला जात होता.

जो पर्यंत कवच-कुंडले आहेत तो पर्यंत अर्जुनाने मारलेल्या कोणत्याच अस्त्राचा त्यावर प्रभाव होणार न्हवता हे माहित असूनही उगीचच अर्जुनाशी वैर दाखवून पांडव कुळाशी वैर केले. उलट अर्जुन माझ्याशी लढण्याच्या कुवतीचा नाही त्यामुळे मी त्याला माझा प्रतिस्पर्धी मानतच नाही,

हे ठरवून पुढे गेला असता तर नक्कीच अजून मोठा झाला असता, किंबहुना महाभारतात कृष्णानंतर श्रेष्ठत्वात त्याचाच नंबर लागला असता.

कर्ण मनात केवळ अर्जुनावर वैर धरून जगला इथेच चुकला,

त्यामुळे त्याला इतर चांगल्या गोष्टींची जाणीव झालीच नाही , किंबहुना स्वतःचा कोशात अटकून राहिला , अगदी शेवटी सुद्धा कुंती त्याला सर्व काही सांगते , त्या नंतरही तो एकच उत्तर देतो तुझे पाच पांडव जिवंत राहतील . त्याच्या ह्याच गुणांचा गैरफायदा दुर्योधनाने स्वतःच्या बचावासाठी करून घेतला

प्रत्येकाच्या मनात असच एक कर्ण लपलेला असतो , कर्ण म्हणजे कवच कुंडले आलीच ना ! ही कवच कुंडले म्हणजे आपले चांगले गुण , आपली चांगली कला , जसे लिखाण , मैदानी खेळ , अभिनय, भाषण , समजाउपयोगी कार्य . या शिवाय चिकाटीने कोणत्याही विषयावर अभ्यास करण्याची वृत्ती हे गुण असताना त्याकडे

08/11

लक्ष न देता आपण आसपास एक अर्जुन शोधत असतो ज्याच्याशी हेवेदावे , असूया , राग , रुसवा, द्वेष , मत्सर करत असतो यात आपले वाईट गुण आपल्या चांगल्या गुणां ना दाबून वर उफाळून येतात , त्यामुळे चांगल्या गुणाचा स्वतःच्या उद्धारासाठी कसा फायदा करून घेता येईल हे न ओळखता उगाच

09/11

क्लेशदायक जीवन जगतो यातून स्वतःचे अस्तिस्व सिद्ध करण्याच्या अनेक संधी आपण केवळ वेगळाच विचार करत असल्यामुळे सुटून जातात किव्वा सोडून देतो बहुतेक वेळेस द्वेष मुळे बदला घेण्याची वृत्ती जागी होते व प्रतिशोध घेण्याकडे कल जातो त्यातून अघटीत घडते

10/11

म्हणजे ज्यावर लक्ष केंद्रीत करायला हवे ते न करता दुसरीकडे उत्तर शोधत फिरतो
त्यामुळे ही आपण अपयशाचे धनी होतो.
असा कर्ण मनात ठाण मांडून असल्यामुळे समाजातील दुर्योधन , शकुनी मामा त्यांना जवळ करतात आणि मग सुरू होते अभद्र युती जी नेहमी विनाशाकडे घेऊन जाते.

धन्यवाद 🙏
11/11