"پاکستان میں کچھ ایسے لوگ بھی ہیں جو ترکی کی فوج کی مثال دیتے ہیں کہ اس کی طرح یہاں بھی سیاسی دھارے کا رُخ بدلا جا سکتا ہے۔ یہ مثال اس حقیقت کو پیشِ نظر رکھے بغیر دی جاتی ہے کہ ترکی میں فوج اور سول تعلقات پر یورپی سیاست کس قدر اثر انداز ہوئی ہے۔
ترکی میں فوج کو سیاسی قوتوں کو تسلیم کرنا پڑا، اس لیے کہ وہ یورپی یونین کا حصہ بننے کی خواہاں تھی۔ ہمارے ہاں مستقبل کا کوئی بحران یا حالات کی ٹھوس تبدیلی کا کوئی امکان ایسا نظر نہیں آتا جس کے تحت فوج اقتدار میں کسی قدر دست برداری پر آمادہ ہو سکے۔
دوسری طرف سیاسی طاقتیں کوئی تبدیلی لانے کے لیے قطعاً نااہل ہیں۔ تاہم، یہ محض سیاست دانوں کی فطری بددیانتی کی وجہ سے نہیں ہے بلکہ اس کی دو وجوہات ہیں۔ پہلی یہ کہ سیاستدانوں کے ممتاز طبقے اور فوج کے مفادات یکساں ہیں۔ دوسرے یہ کہ ایک بےاختیار معاشرے میں،
جیسے وہ معاشرے جہاں جاگیردارانہ نظام کے اختیارات کے اثرات نظر آتے ہوں، وہاں عام طور سے تبدیلی صرف چہروں کی ہو سکتی ہے، حالات کی نہیں۔ بنیادی تبدیلی صرف اس صورت میں ممکن ہے،
جب ایک دوسرے کے خلاف نبرد آزما طاقتیں یعنی سیاسی اور فوجی طاقتیں کسی دباؤ یا تباہی کی دھمکی کی وجہ سے رضاکارانہ طور پر اپنے کچھ اختیارات کم کرنے پر تیار ہو جائیں۔"
(عائشہ صدیقہ کی کتاب خاکی کمپنی سے اقتباس)
(عائشہ صدیقہ کی کتاب خاکی کمپنی سے اقتباس)
