Ukihisi umezaliwa mbali na koo za uongozi na kamwe hauwezi kulitumikia taifa lako nafasi za juu,daima mkumbuke Abraham Lincoln,aliyezaliwa na kuishi kwenye nyumba ya magogo ya miti yenye chumba kimoja,lakini akavuka vikwazo na kuwa rais wa USA ambaye kamwe hatasahaulika. 
Bila Lincoln huenda leo isikungekuwepo USA,alihakikisha majimbo hayajitengi.Lakini pia uwepo wake ndani ya Whitehouse ulisaidia kuumaliza utumwa.Tofauti na marais wengi Lincoln alizaliwa kwenye umasikini,hakusoma shule rasmi bali alijifundisha mwenyewe hadi akawa mwanasheria.
Kati ya mwanasiasa aliyekuwa na bahati mbaya ni Lincoln.Alipoteza kazi,akafeli kwenye biashara,akapoteza mpenzi wake,akashindwa kwenye chaguzi nyingi. Mwisho akachaguliwa kuwa rais wa USA.Japo aliuwawa kwa risasi Lincoln anatajwa kuwa miongoni mwa marais wa 3 bora wa USA.
