Thread by @MVenukopal

வணக்கம்.
சிந்துசமவெளிக்கும்,தென்னக தமிழர்க்கும் உள்ளதொடர்பை கி.மு 3-ம் நூற்றாண்டின்ஆரம்ப சங்ககால புலவர்கபிலர் புறநானூறு மூலம் விளக்குவதன் மூலம் சிந்துவெளிநாகரீகம் தமிழரின்நாகரீகமே என்பது உறுதியாகிறது.பாடல்கீழே தரப்பட்டுள்ளது.நீண்ட பகுதி Link பயன்படுத்தவும் wix.to/k8AQC_I

சிந்து-2
பொதுவான கருத்து புறநானூறிற்கு முற்பட்டதே தொல்காப்பியம் என்பதேயாகும். எனது கருத்தும் புறநானூற்றுப் பாடல்கள் தொகுக்கப்பட்ட காலத்திற்கு முந்தியதே தொல்காப்பியம் என்பதாகும். கவனிக்க வேண்டியது புறநானூற்றுப் பாடல்கள் யாவுமே பாடப்பட்டது ஒரே காலத்திலல்ல. பல பாடல்கள் பாணர்களால்..

சிந்து-3
பாடப்பட்டு வந்து பின்னாளிலேயே தொகுக்கப்பட்டது.இவ்வாறான பாடல்களின் காலத்தினை அறிய முடியாமலுள்ளது.
அதே போன்றுதொல்காப்பியமே தமிழின் முதல்நூல் என்றொரு கருத்து உண்டு.அது தவறானது. தமிழில் இன்று கிடைக்கும் இலக்கண நூல்களில் பழமையானது தொல்காப்பியம் என்பதே சரி. தொல்காப்பியத்திலேயே

சிந்து-4
பின்வரும் வசனங்களைக் காணலாம்.
`என்ப`, `என்மனார்`, `மொழிப`……..
இத்தகையவை தொல்காப்பியத்திற்கு முந்திய நூல்களோ அல்லது புலவர்களோ உண்டு என்பதனைத் தெளிவாக்குகின்றது.
மேலும் இலக்கியங்கள் தோன்றிய பின்பே அவற்றினை முறைமைப்படுத்த இலக்கணங்கள் தோன்றும்.

சிந்து-5
இலக்கியம் = இலக்கு+இயம் {குறித்த இலக்கினை இயம்புவது (சொல்வது)}
இலக்கணம் = இலக்கு+அணம் {இலக்கினை இயம்பும் வழியைச் சொல்வது}
எனவே தொல்காப்பிய இலக்கண நூலிற்கு முந்திய தமிழ் இலக்கியங்கள் இருந்திருக்கவேண்டும். அவற்றில் சில சங்ககாலப் பாடல்களாகவும் இருந்திருக்கலாம்.

சிந்து-6
ஒரு புறநானூற்றுப் பாடலைப் பார்ப்போம்.
`நீயே, வடபால் முனிவன் தடவினுள் தோன்றி,
செம்பு புனைந்து இயற்றிய சேண் நெடும் புரிசை,
உவரா ஈகை, துவரை ஆண்டு,
நாற்பத்தொன்பது வழிமுறை வந்த
வேளிருள் வேளே! விறல் போர் அண்ணல்!`(புறநானூறு 201)
இப் பாடலில் “வடக்கே, முனிவர் ஒருவரைக் காப்பாற்ற..

சிந்து-7
புலியுடன்போராடிய மன்னன் ஒருவனின் கால்வழியில் வந்தவன் இருங்கோ”என்கின்றார் கபிலர். சங்ககால இருங்கோ மன்னனின் காலத்தினைபொது ஆண்டிற்கு முந்திய நூறு(BCE 100) எனக் கருதுகின்றார்கள். இருங்கோவின்முன்னோனின் (புலியை வென்ற)காலத்தைப் பார்ப்போம்.`49 தலைமுறைகளிற்கு முன்னே` என்பதனைக்

சிந்து-8
கொண்டு ஒரு தலைமுறைக்கு 30 ஆண்டுகள் எனக்கொண்டால், 30*49= 1470 ஆண்டுகள். எனவே BCE 1570 ஆண்டு (BCE 100+1470). இது ஏறக்குறைய சிந்துவெளி நாகரீக காலம். { காலக்கணிப்பு- சிந்துவெளியில் தமிழ்மொழி}. இப்போது கபிலர் பாடிய `புலியை வென்ற மால்` சிந்துவெளி காலத்தைச் சேர்ந்தவர் என்றதும்,

சிந்து-9
'வடக்கே`என்பது சிந்துவெளியின் அமைவிடத்தினையும் காட்டுகின்றது.இப்போது சிந்துவெளி முத்திரை ஒன்று (279) ஒருவன் புலியைக்(இரு புலிகள், உயர்வு நவிற்சி) கொல்வது போன்ற உருவத்தினைக் காணலாம்(படம் காண்க).இந்த முத்திரையிலுள்ள எழுத்துகளை ஐராவதம் மகாதேவன் தமிழில் `இருளா இருளன்` என்றே

சிந்து-10
படிக்கின்றார். மேற்குறித்த புறநானூற்றுப்பாடல்(புறம் 201) தொல்காப்பியத்திற்கு பிந்தியதே என்பதில் ஐயமில்லை. ஆனால் இந்தச் செய்தி பல நூற்றுக்கணக்கான ஆண்டுகளாக சிந்துவெளியிலிருந்து, சங்ககாலம் வரை எவ்வாறு கடத்தப்பட்டு வந்தது. பாணர்களால் பாடல்களாகவே கடத்தப்பட்டு வந்திருக்கும்

சிந்து-11
எழுத்துகள் தோன்ற முன்னர்). எனவே தொல்காப்பியத்திற்கு முந்திய இலக்கியங்கள் தமிழர்களிடம் உண்டு. அவற்றில் இன்று கிடைக்கும் சங்க இலக்கியங்களிலும் சில பாடல்கள் இருக்கின்றனவா என்பது ஆய்விற்குரியது.
எதுஎவ்வாறியினும் புறநானூறு தொகுக்கப்பட்ட காலத்திற்கு முந்தியதே தொல்காப்பியம்.

சிந்து-12
தொல்காப்பியத்திற்கு முந்திய இலக்கியங்களும் தமிழர்களிடம் இருந்திருந்தன.

wix.to/k8AQC_I