Thread by @mohol_murlidhar

पुणे शहरातील गणेशोत्सवाचं नियोजन !

कोरोनाचं गडद होणारे संकट आणि पुण्याची ऐतिहासिक परंपरा असणाऱ्या गणेशोत्सवानिमित्त महत्वाची बैठक माझ्या अध्यक्षतेखाली संपन्न झाली. उत्सवाचे स्वरूप, सार्वजनिक मंडळे आणि घरगुती बाप्पा याबाबत विविध मुद्द्यावर चर्चा झाली.
(१/६) @threadreaderapp

या बैठकीला उपमहापौर सरस्वतीताई शेंडगे, सभागृह नेते धीरज घाटे, स्थायी समितीचे अध्यक्ष हेमंत रासने, शिवसेना गटनेते पृथ्वीराज सुतार, आरपीआय गटनेत्या सुनिताताई वाडेकर, महापालिका आयुक्त विक्रम कुमार, पोलीस उपायुक्त सपना गोरे यांच्यासह महापालिकेतील अधिकारी उपस्थित होते.(२/६)

या विषयावर पुढे दिलेले मुद्दे मांडून त्यावर निर्णय घेण्यात आले आहेत. यावर अंतिम शिक्कामोर्तब लवकरच केलं जाईल.

- यंदाच्या वर्षी सार्वजनिक गणेशोत्सव मंडळांनी प्राणप्रतिष्ठापनेची आणि विसर्जन मिरवणूक काढू नये.
- मंडळांनी मंडपाच्या ठिकाणीच मूर्तीचे विसर्जन करावे.
(३/६)

- यंदा नवीन कोणत्याही मंडळांना परवाना न देण्याचा निर्णय
- मंडपासाठी मंडळांनी परवानगीसाठी महापालिकेकडे अर्ज न करता त्यांना गेल्या वर्षीच्या परवाना ग्राह्य धरून परवानगी देण्याचा निर्णय
- पुढील वर्षी तोच परवाना ग्राह्य धरून परवानगी देण्याचा निर्णयही या बैठकीत घेण्यात आला.
(४/६)

- घरातील बाप्पांच्या मूर्तींचे विसर्जन घरातच करावे
- दरवर्षी गणेश मूर्तींचे विसर्जन करणाऱ्या मंडळाने यंदा शासनाने दिलेल्या मार्गदर्शक सूचनांनुसार चार फूट उंचीच्या गणेश मूर्तीची प्रतिष्ठापना करावी.
(५/६)

गणपती मूर्ती विक्री स्टॉलधारकांना परवानगी देण्यासंदर्भात अद्याप कोणताही निर्णय झालेला नाही. लवकरच त्याबाबतची नियमावली तयार करून ती जाहीर करण्याचा निर्णयही बैठकीत घेण्यात आला.
(६/६)