Thread by @nellaiseemai

நேர்முக தேர்வு பற்றியும், அதன் முறைகேடுகள் பற்றியும் ட்வீட் கண்ணில் பட்டது.

என்னோட கதை வேற. ஆனா வேலை கிடைக்கல என்னும் முடிவு ஒன்றேதான்.

PhD, Postdoc எல்லாம் முடித்தும் இந்தியாவில் கல்லூரியில் ஆசிரியர் வேலை கிடைப்பது குதிரை கொம்பு. 1/n

இந்திய அரசு ஏதோ பெரிய மனசு மனசு பண்ணி கொஞ்சம் fellowships (Ramanujam, Ramalingaswami) என்று வைத்திருக்கிறது. இதெல்லாம் project எழுதி "நேர்முக தேர்வு" மூலம் செலக்ட் ஆகனும். 2/n

அதற்கடுத்து CSIR-JRF என்று ஒன்று கடந்த சில வருடங்களாக இருந்தது. ஆனா இப்போ இல்ல.

வெளிநாடுகளில் postdoc ஆக இருப்போருக்கு மட்டும் நடத்தும் சேலெக்ஷன் இது.

இதோட நேர்முக தேர்வு நடந்து ஒவ்வொரு பாட பிரிவிலும் 10 பேர் என்ற அளவில் தேர்வு செய்வார்கள். 3/n

இதில் தேர்ந்தெடுத்து பிறகு என்ன செய்வாங்க தெரியுமா?

UGC தன்னோட கண்ட்ரோலில் இருக்கும் எல்லா university list கொடுத்து உனக்கு எதில் வேலை வேணும் என்று உன்னோட 3 choice கொடு என்று கேட்கும். 4/n

அவங்க கொடுக்கும் லிஸ்டில் இந்தியாவில் இருக்கும் எல்லா பல்கலைக்கழகங்களும் இருக்கும். BITS உட்பட.

நம்ம என்ன பண்ணுவோம்? ஆஹா இவ்ளோ நிறைய இருக்கே என்று ஒன்னு நம்ம சொந்த மாநிலம் அல்லது டாப் பல்கலைக்கழகம் தேர்ந்தெடுப்போம். 5/n

UGC உடனே என்ன பண்ணும் தெரியுமா?

நம்மோட நம்பர் 1 தேர்வு செய்திருக்கும் பல்கலைக்கழகத்துக்கு லெட்டர் அனுப்பும். (நிஜமாவே லெட்டர்தான்.)

அந்த ரெஜிஸ்ட்ரார் என்ன செய்வார்?

அந்த துறைக்கு அனுப்புவார்.

துறை தலைவர் என்ன செய்வார்?

ஏற்கனவே இருக்கும் ஆசிரியர்களிடம் பேசுவார்.

6/n

அவர்கள் தங்களோட கருத்தை சொல்வார்கள்.

உடனே துறை தலைவர் ரெஜிஸ்டரார் இடம் சொல்லுவார்.

ரெஜிஸ்டரார் UGC க்கு சொல்லுவார்.

இந்த முடிவு நாம் அந்த துறைக்கு தேவை இல்லை என்றால் UGC என்ன செய்யும்?

அடுத்து நம்மோட லிஸ்டை எடுத்து No.2 பல்கலைகழகத்துக்கிட்ட கேட்கும்.

7/n

திரும்ப UGC - ரெஜிஸ்டரார் - துறை தலைவர் - ஆசிரியர்கள்

ஆசிரியர்கள் - துறை தலைவர் - ரெஜிஸ்டரார் - UGC

என்று சங்கிலி தொடர்பு நடக்கும்.

இதில் எங்காவது ஒரு இடத்தில் சங்கிலி அறுந்தாலோ, நேரம் ஆனாலோ UGC பொறுமையாக காத்துக்கொண்டிருக்கும்.

8/n

UGC கண்ட்ரோலில் இருக்கும் பல்கலைக்கழகங்கள் என்றாலும் UGC இவ்ளவு நேரத்துக்குள் முடிங்க என்று காலக்கெடுவோ, இவரை நீங்க எடுத்ததுதான் ஆகணும் என்று உத்தரவோ போடாது.

9/n

UGC தேர்ந்தெடுத்து கொடுக்கும் ஆட்களை பணியில் அமர்த்துவதை விரும்புவதில்லை.

ஏனெனில் அவங்களுக்கு இதனால் ஒரு "லாபமும்" இல்லை. 😉

எங்களுக்கு போதுமான ஆட்கள் இருக்காங்க வேண்டாம் என்று சொல்லி விடும்.

ஆனால் அடுத்த ஓராண்டுக்குள் தானே புது ஆட்களை எடுக்கும்போது UGC திரும்ப கேட்காது. 10/n

UGC என்ன பண்ணனும்?

ஏம்பா, நான் கேட்டப்போ வேண்டாம்னு சொன்ன, இப்ப நீயே புது ஆளை எடுத்து போட்டிருக்க என்று கேட்கலாம்.

UGC க்கு அந்த அதிகாரம் இருக்கு.

ஏனெனில் மத்திய அரசின் மூல நிதி ஒதுக்கீடு, புது நியமனம் அப்ரூவல், ஆராய்ச்சி நிதி எல்லாமே UGC மூலம் தான் வரும்.

ஆனா கேக்காது. 11/n

அதையும் மீறி சிலரை பல்கலைக்கழகங்கள் எடுத்து விடும்.

அவர்களுக்கு என்ன செய்யும் தெரியுமா?

உக்கார நாற்காலி, மேஜை கொடுக்கும். ஆனா அவங்க ளுக்கு research mentorship கொடுக்காது.

அதாவது, அவங்க தாங்களாக PhD மாணவர்களை ஆராய்ச்சிக்கு வழிநடத்த உரிமை கொடுக்காது. Lab வசதி கொடுக்காது.

12/n

இப்படி ஒரு முறை சில ஆண்டுகளுக்கு முன் UGC-FRP யால் எனது துறையில் தேர்வு செய்யப்பட்ட 10 பேரில் நானும் ஒருவன். அவங்க கேட்ட மாதிரி 5 பல்கலைக்கழகங்கள் லிஸ்ட் கொடுத்துட்டு அப்பாடா இந்தியா போக போறோம் நிரந்தர வேலை கிடைச்சிருச்சு என்று ஒரே சந்தோஷம். 13/n

அத்தனை ஆண்டுகள் இந்தியா வந்துருடா என்று என்னை கேட்டுக்கொண்டே இருந்த அம்மா இறந்து போயிருந்தார்.

ஆனாலும் அம்மா நினைவா இந்தியா நிரந்திரமா வந்திரலாமே. அப்பாவையும் பாதுக்கலாம் என்று நிம்மதி. 14/n

ஆனா கடைசி வரை posting வரவே இல்லை. கிட்டத்தட்ட 5 ஆண்டுகள் ஆயிருச்சு.

அவர்களையே கேப்போம் என்றால் அந்த UGC-FRP யே இப்போ கிடையாது.

இந்த postdoc வேலை இந்தியர்கள், சீனர்கள் தவிர யாரும் பெரும்பாலும் பண்ண மாட்டாங்க.

ஏன்னா சம்பளம், வேலை அப்படி. 15/n

முற்றும்.