Thread by @rajrajsi

मित्रानो सुप्रभात.आज ८ दिवसांनी धागा लिहीत आहे बाप्पा येणार म्हणून त्याच्या तयारीची लगबग जोरात होती त्यामुळे वेळ देऊ शकत नव्हतो काल आमचे बाप्पा त्याच्या घरी गेले आणि आमचे घर आणि मन हि ओकबोकं झाले मनाला विरंगुळा म्हणून हा धागा लिहायला घेतला
@gajanan137 @Vishakh50862352 @Vish_kc

गणेशोत्सव चालू आहे आणि गणपती ला प्रिय वनस्पती कुठली तर सर्वत्र मिळणाऱ्या दुर्वा ,ह्या दुर्वांची महती सांगणारा हा दुर्वाख्यानाचा धागा
दुर्वा किंवा हरळी या नावाने प्रसिध्द असलेल्या दुर्वांना नीलदुर्वा, अनन्ता, भार्गवा, सहस्त्रवीर्या, शतपर्विका अशी संस्कृत नावे आहेत
@TheDarkLorrd

भारतातील काही भागांत दुर्वाना ‘गोरोमा’ असे म्हणतात.‘गो’ म्हणजे पृथ्वी आणि ‘रोमा’ म्हणजे केस. वनस्पतीशास्त्रात दुर्वाचं वैज्ञानिक नाव ‘सायनोडॉन डॅक्टिलॉन’ असं आहे. या शब्दाचा अर्थ अत्यंत मजेशीर आहे. सायनोडॉन या शब्दाचा अर्थ कुत्र्याचे दात असा होतो @AadiShakti1010 @RajeGhatge_M

दुर्वाचा अग्रभाग अत्यंत टोकदार असल्यानं त्याला हे नाव देण्यात आलं.दुर्वा हा शब्द दुहु आणि आवम यानि बनलेला आहे त्याचा अर्थ दूर असणारी गोष्ट जवळ आणून देणारी वस्तू म्हणजे दुहुआवम म्हणजेच दुर्वा श्री गणेशाला दुर्वा वाहिल्या कि त्या पवित्र असे गणतत्व आपल्या जवळ आणतात @Av_ADH

वेदकाळापासून आपल्या हिंदू पूजापद्धतीत दुर्वांचा वापर होत आलेला आहे ऋग्वेद व अथर्व वेदातही दुर्वांचा उल्लेख आहे भविष्य पुराणात दुर्वा या श्री विष्णूच्या हात व मांड्यांपासून उत्पन्न झाल्या जेव्हा त्याने समुद्रमंथनाच्या वेळी मंदार पर्वत उचलून धरला होता असा उल्लेख आहे
@kul_anagha

गणपतीला दुर्वा का प्रिय आहेत या संबंधी दोनतीन कथा आहेत. त्या आपण या निमित्ताने पाहू या
दुर्वा हे ब्रह्मदेवाच्या कन्येचे नाव. ती अत्यंत सुंदर होती. तिने तपश्चर्या करून गणपतीला प्रसन्न करून घेतले. पण पुढे तिला आपल्या सौंदर्याचा आणि ऐश्वर्याचा गर्व झाला.
@kale_jayantR @shivajirao29

इतका की ती देवी लक्ष्मीला सुद्धा तुच्छ समजू लागली. तेव्हा तिचा गर्व हरण करण्याच्या उद्देशाने देवीने तिला शाप दिला की पृथ्वीवर तृणरूपाने राहशील.या मुळे दुर्वेला खूपच वाईट वाटले. तिने पुन्हा उग्र तप केले. आणि श्री गणेशाला प्रसन्न करून घेतले. म्हणून गणेशाला दुर्वा प्रिय आहेत

दुसरी कथा अशी आहे की, अनलासुर नावाचा एक राक्षस होता. अत्यंत जुलमी आणि अन्यायी. देवांनाही त्याच्यापुढे हार खावी लागत होती. अशा वेळी संकटातून कोण वाचवणार ? तर विघ्नहर्ता गजानन ! म्हणून सगळे देव गणपतीला शरण गेले. त्यावेळी गणपती बाल रुपात प्रकट झाला
@Sushant1676 @DrVaibhavK9

त्याने देवांना मी अनालासुराचा निःपात करतो. तुम्ही निश्चिंत राहा असे आश्वासन दिले. बालगणेशाने अनलासुराला युद्धाचे आव्हान दिले. दोघांमध्ये भयंकर युद्ध झाले. अनलासुर हा अक्राळविक्राळ, डोळ्यातून अग्निज्वाला बाहेर पडणारा आणि प्रचंड मोठा आवाज असणारा होता
@abhi_kya @OmkarYa89411955

त्याच्या आवाजाने धरणी सुद्धा कंपित होत असे. त्याने मोठ्या आवेशाने बालगणेशालाच गिळून टाकण्याचा प्रयत्न केला. पण गणेशाने आपल्या दैवी सामर्थ्याने त्यालाच गिळंकृत केले. अनलासुर ठार झाला. सर्वत्र आनंदीआनंद झाला. देवांनी गणेशाचा जयजयकार केला

पण अनलासुराला गिळल्याने गणेशाच्या अंगाचा प्रचंड दाह होऊ लागला. तो शांत करण्यासाठी पार्वतीने त्याला चंदनाचा लेप लावला. शंकराने त्याच्या मस्तकावर चंद्र ठेवला. म्हणून श्री गणेशाला भालचंद्र हे नाव मिळाले

तसेच त्याच्या अंगाची आग शांत व्हावी म्हणून आपल्या गळ्यातील नाग त्याच्या कमरेला बांधला. एवढे करूनही आग कमी होईना. तेव्हा भगवान विष्णूंनी आपल्याकडील कमळ त्याला दिले. म्हणून त्याला पद्मपाणी हे नाव मिळाले. वरुणाने पाण्याचा अभिषेक केला
या नंतर काही ऋषिगण तेथे आले

त्यांनी प्रत्येकी एकवीस दुर्वांची जुडी श्री गणेशाच्या मस्तकावर ठेवली आणि कश्यप ऋषींनी दुर्वांच्या २१ जुडी गणेशाला खाण्यास दिली.. या उपायामुळे त्याला तत्काळ बरे वाटू लागले, त्याच्या अंगाचा दाह कमी झाला. म्हणून श्री गणेशाने सांगितले की जो कुणी मला श्रद्धेने दुर्वा अर्पण करील

त्याला हजारो यज्ञांचे आणि तपश्चर्येचे पुण्य प्राप्त होईल. तीर्थयात्रा आणि दानधर्म केल्याचे पुण्य मिळेल. म्हणून आपण श्री गणेशाला दुर्वा वाहतो

या प्रत्येक गोष्टीमागे काहीतरी संदेश आहे. अनलासुर हा राग, लोभ आदि षड्रिपूंचे प्रतिक आहे. त्याचा नाश गणपतीने केला

त्यांचा नाश करण्यासाठी किंवा देवतेला प्रसन्न करण्यासाठी तपश्चर्या करावी लागते. तपश्चर्या करताना अंगात उष्णता निर्माण होते. ती उष्णता कमी करण्यासाठी दुर्वांचा उपयोग होतो.
दुर्वा या एकवीस का वाहाव्यात किंवा एकवीस या संख्येचे काय महत्व आहे ? तर पृथ्वीवर सात खंड आहेत

सात समुद्र आहेत. सात वार आहेत. शरीरातही सप्त धातू आहेत. विवाहातही सप्तपदी आहे. आणि सत्व, रज आणि तम हे तीन गुण आहेत. या साताला तीनने गुणले की उत्तर एकवीस येते. श्री गणेश हा सत्व, रज आणि तम या त्रिगुणांच्या पलीकडे असलेले दैवत आहेत. कालही तीन आहेत. वर्तमान, भूत आणि भविष्य

श्री गणेश हा आदिदेव. तो या सगळ्यांच्या पलीकडे. पृथ्वी, आकाश आणि पाताळ हे ही तीन लोक तो व्यापून उरला आहे. मानवी शरीराच्या तीन अवस्था आहेत. जन्म, जरा आणि मृत्यू.
दुर्वा या नेहमी ३ वा 5 पर्णी वाहाव्यात त्याना दुर्वांकुर असे हि म्हंटले जाते

या दुर्वांकुरातील मधली पर्णे हि श्री गणेशतत्वाला आकर्षित करतात तर दोन टोकाकडची पर्णे शिव आणि शक्ती तत्वाला आकर्षित करतात

अशा ह्या पवित्र दुर्वांचा वापर अनेक क्षेत्रात हि होतो ,जमिनीची धूप थांबवायची असेल तर दुर्वा लावाव्यात दुर्वांची मुळे पाण्याच्या शोधात जमिनीत खोलवर जातात

व जमिनीला घट्ट पकडून ठेवतात जेणेकरून जमिनीची धूप हॊणं थांबते
दुर्वांचे औषधी उपयोग तर अनेकआहेत
दुर्वा शरीर शुद्धीकरणासाठी सर्वांगने वापरल्या जातात
नाकाचा घोळणा फुटल्यास दुर्वाचा रस नाकात पिळावा.दुर्वा वेदनाशामक आहे. जखमेतून होणारा रक्तस्त्राव थांबवण्यासाठी दुर्वाचा उपयोग होतो

पोटात जळजळ अथवा अन्य उष्णतेचा विकार झालेल्यांनी दुर्वावर अनवाणी चालावे. त्याने आराम मिळतो.
वात, पित्त, कफ या तिन्ही विकारांवर दुर्वा उपयुक्त आहे. वातविकार झालेल्यांनी दुर्वाच्या रसाचं प्राशन करणे परिणामकारक असते.
डोळयांची जळजळ, हातापायांची आग अथवा भाजल्यास दुर्वाचा रस

बाहेरून लावणं उपयुक्त ठरतं.
लघवीला आग होणे, लघवी कमी होणे, कळ लागून लघवी होणे, लघवी साफ न होणे या सर्व विकारांवर दुर्वाचा रस घ्यावा.
डोळे येणे, डोळे लाल होणे, डोळयांची आग होणे या विकारांवर दुर्वाच्या रसाचे थेंब डोळय़ात टाकल्यास आराम मिळतो

डोकं दुखत असेल तर दुर्वा वाटून त्याचा लेप डोक्याला लावल्यास डोकेदुखी थांबते.
केवळ माणसांसाठीच नव्हे, तर जनावरांच्या विकारांसाठीही दुर्वा हे रामबाण औषध आहे. दुर्वा हा प्राण्यांसाठी पौष्टिक आहार असल्याने शेतकरी अनेकदा गुरांना दुर्वा असलेल्या ठिकाणी चरायला सोडतात

कुत्रा किंवा मांजर यांच्या पोटात दुखू लागले की ते हमखास दुर्वा खाताना आढळतात.
भारतात अनेक सण-उत्सवात दुर्वाचा वापर केला जातो. मात्र केवळ धार्मिक श्रद्धा म्हणून नव्हे तर दुर्वाचा वैद्यकीय उपयोग असल्यामुळेच दुर्वाना हे महत्त्व आलं असावं

संस्कृतमधील काही ग्रंथांमध्ये ‘सकलउपचारार्थ दुर्वापत्रं समर्पयामि’ असं दुर्वाचं वर्णन करण्यात आलं आहे.
तर मित्रानो असे हे दुर्वाख्यान,या गणेशोत्सवात आवर्जून बाप्पाला दुर्वा वहाच पण आपल्या जीवनात हि दुर्वेचा वापर हमखास करून स्वास्थ्य प्रसाद मिळवा
गणपती बाप्पा मोरया
🙏☘️☘️☘️☘️🙏