*************************
തീര്ക്കുന്നു ഞാനിവിധമൊത്തപദങ്ങളാലേ
ഓര്ക്കാന് ദിനാധിപരെയാ ദശനാളിലായി
അത്തം തുടങ്ങി തിരുവോണമതാം വരേക്കും
ഭക്ത്യാ ഭജിക്ക ദിനനാഥരെ, വൃദ്ധിയുണ്ടാം
~2~
മെത്തും ഹൃദത്തിലുമുണര്ന്നിടുമാത്മമോദം
ചിത്തത്തിലത്യധികഭക്തിയൊടോര്ക്ക നമ്മള്
‘വിഘ്നേശ്വര‘ന്റെ വരപാദമപാരമാര്യം
ചിത്രത്തിലെത്തുമൊരു ചിത്തിരയെന്ന നാളില്
വൃത്തിക്കുതന്നെ ‘ശിവശക്തി‘യെയോര്ത്തിടേണം
മെച്ചത്തില് രണ്ടു വലയങ്ങളിലായി പൂക്കള്
~3~
മോടിക്കു മൂന്നുവലയങ്ങളതിന്റെയുള്ളില്
ചോതിക്കിടേണമതിരമ്യസുമങ്ങള് ഭംഗ്യാ
ആതങ്കമൊക്കെയൊഴിവാക്കിടുമാ‘ ത്രിനേത്രന്‘
ഭൂതേശ്വരന്റെ ദിനമാണതുമോര്ക്ക ഭക്ത്യാ.
~4~
നന്നായി നാലുകളമങ്ങനെ തീര്ത്തിടേണം
അന്നോളമുള്ള ദുരിതങ്ങളൊഴിഞ്ഞിടാനായ്
‘ബ്രഹ്മാ‘വിനോടു വരമര്ത്ഥന ചെയ്തിടേണം.
~5~
മിന്നുന്ന പൂക്കളമതില് വലയങ്ങളഞ്ചും
അന്നോര്ത്തു ‘പഞ്ചശരദേവ‘നു പൂജയെല്ലാം
നന്നായ് നടത്തിടുക,ബന്ധുരബന്ധമുണ്ടാം
~6~
കേട്ടയ്ക്കു പൂക്കളിടുകില് വരുമാത്മഹര്ഷം
മുട്ടാതെ ഭാഗ്യവരമൊക്കെ ലഭിപ്പതിന്നായ്
മുട്ടീടു ‘ഷണ്മുഖ‘പദത്തില്,ഭവം ഭവിക്കും
~7~
മൂലംദിനത്തില് വലയങ്ങളൊരേഴു തീര്ക്കാം
മൂല്യങ്ങള് നമ്മിലുരുവാക്കിയ യോഗ്യനാകു-
മാരാദ്ധ്യനായ ‘ഗുരുനാഥനു‘ പൂജ ചെയ്യാം
~8~
പൂരാടനാളിലൊരു പൂജയവര്ക്കു നല്കാന്
നേരായിയെട്ടുവലയങ്ങളിലുള്ളില് രമ്യം
താരൊക്കെ വെച്ചിടുക,ഭാഗ്യമതാം ഫലം കേള്
~9~
ഉത്രാടനാളില് വലയങ്ങളുമൊമ്പതാകും
‘വൃത്രാരി‘യാണു ദിനനാഥനവന്റെ നാമം
ചിത്തത്തിലോര്ക്കിലതു നന്മ നമുക്കു നല്കും
~10~
വൃത്തത്തില് വെച്ചിടുക പത്തുകളങ്ങള് ഭംഗ്യാ
‘തൃക്കാക്കരേശ‘ വരബിംബമതിന്റെ മദ്ധ്യേ
വെയ്ക്കേണമോര്ക്ക,ഭഗവാന് തരുമാത്മസൌഖ്യം
~11~