Thread by @VigneshAnand_Vm

திமுக ஓர் மருத்துவமனை - பேரறிஞர் அண்ணா
——————
நமக்கு வாழ்வு கிடைக்காததற்குக் காரணம் மூன்றுண்டு, ஒன்று, நம் சக்தி நமக்குத் தெரியவில்லை, இரண்டுநாம், நம் உழைப்பைத் திருடுபவர்கள் யார் என்று கண்டுபிடிக்கவில்லை, மூன்று நம்மைக் கவனிக்கவும் அக்கரைகொண்ட சர்க்கார் நமக்கில்லை, 1/n

- இவை மூன்றும் நாட்டு மக்களால் நன்கு புரிந்து கொள்ளப்பட்டால் வாழமுடியும் என்று திராவிட முன்னேற்றக் கழகம் நம்புகிறது.

உயிரோட்டமுடைய லட்சியத்தைக் கொண்ட தி.மு.கழகம் பெற்று வரும் முன்னேற்றத்தை, யாரும், எந்தச்சக்தியும் அழித்துவிட முடியாது.

தி.மு.கழகத்தாரிடம் நாட்டு மக்கள் கொண்டுள்ள பற்றும் பாசமும், மக்களிடம்இத்தனை செல்வாக்கும் ஏற்பட்டுள்ளதற்குக் காரணம், நாங்கள் இதுவரை எடுத்துச் சொல்லிய கருத்துக்களில் உண்மை இருப்பதாகப் பொதுமக்கள் நம்பியிருக்கிறார்கள் என்பதைத்தான் சொல்கிறது.

தி.மு.கழகம் சமுதாயத்தில் நிலவுகிற சீரழிவுகளைப் போக்கவும் பொருளாதாரத் துறையில் நிலவும் ஏற்றத்தாழ்வுகளை நீக்கவும், நல்லதோர் அரசு காணவும் பாடுபட்டு வருகிறது.

நாட்டிலே மருத்துவர்கள் பலர் இருப்பர், அவர்களிலே சிலர் கண் வைத்தியத்தைப் பிரத்தியேகமாகப் படித்திருப்பர், அவரிடம் கண் நோய்களுக்கு மட்டும்தான் மருத்துவம் பெற முடியும்,

வேறு நோய்களுக்கு அவரிடம் மருந்துகேட்டால், தரமாட்டார், மருந்து தரத் தெரியாததால் அல்ல, அவர், கண் நோய்களைக் கவனிப்பதற்கென்றேபிரத்தியேகமாகப் படித்தவர்.

அதைப்போலவே, பிரசவம் போன்றவை கட்கும் மருத்துவம் செய்யப் பிரத்தியேகப் படிப்புப் படித்தவர்கள் இருப்பர், எல்லா வியாதிகளுக்கும் மருந்து தரும் வைத்தியர்களும் இருப்பர் அவர்களிடம் உடலில் வரும் எந்த வியாதிக்கும்மருந்து பெற முடியும்.

அதேபோன்று தான், இந்த நாட்டில், சில கட்சிகள் குறிப்பிட்ட சில துறைகளில் மட்டும் மக்களுக்கு வாழ்வு தரமுயல்கின்றன.

உதாரணமாக, கம்யூனிஸ்ட் கட்சியை எடுத்துக் கொண்டால் அவர்கள், இந்த நாட்டில் நிலவும் பொருளாதாரஏற்றத் தாழ்வுகளை மட்டும் போக்க முயல்கிறார்கள் – கண் வைத்தியர்களைப் போல்!

ஆனால், தி.மு.கழகமோ, எல்லா வைத்தியமும் பார்க்கிற மருத்துவமனையாக விளங்குகின்றது.
தி.மு.கழகம்தான் இந்த நாட்டில் எல்லாத் துறைகளிலும் உள்ள சீர்கேடுகளையும் எடுத்துக் காட்டுகிறது.