Thread by @VigneshAnand_Vm

#Thread
அண்ணாவும் - ஸ்டாலினும் .
———————————

ஆட்சியைக் கைப்பற்ற வேண்டும்; அமைச்சரவை ஏற்க வேண்டும் என்பதுதான் கழகத்தின் இறுதி முடிவு என்று யாரும் கருதிவிடக் கூடாது.

அதுதான் இலட்சியம் என்றால்,பார்க்க வேண்டியவர்களைப் பார்த்து; கொடுக்கவேண்டியவைகளைக் கொடுத்து,

அழைக்க வேண்டியவர்களை அழைத்து பதவியைப் பெற முடியாது என்பது முடியாத காரியமல்ல.

தமிழ் மொழியைக் காத்தாகவேண்டும்; தமிழ்
இனத்தை, தமிழ்ப் பண்பாட்டைக் காத்திடவேண்டும். இதற்கு இன்னும் ஐம்பது ஆண்டுகளாவது தொடர்ந்து உத்வேகத்துடன் பாடுபட்டால்தான் உலக வரலாற்றில் நாங்கள் தமிழர்கள் என்று தலை நிமிர்ந்து கூறக்கூடிய நிலை ஏற்படும்!

எனவே புதிய வரலாற்றில் சிறப்பான அத்தியாயத்தைத் தோற்றுவிக்க வேண்டும். அந்த இலட்சியத்தை அடைய நான் மேற்கொள்ளும் பணியில் நீங்கள் பங்கு கொள்ள அழைக்கின்றேன். அண்ணனின் இந்த அழைப்பை அலட்சியப் படுத்தமாட்டீர்கள் என்பது எனக்குத் தெரியும்; நம்முன் இருப்பது மகத்தான பணி. - (அண்ணா 30.12.66 )

காலத்தின் மாற்றங்களுக்கேற்ப , தங்களை மாற்றிக்கொள்ளாத விலங்கோ, இனமோ, இம்மண்ணில் நீடித்து நிற்பதில்லை. மாற்றங்கள் நம்மிலிருந்து தொடங்கட்டும். இன்று நீங்கள் பார்க்கும், கேட்கும் மு.க. ஸ்டாலின் ஆகிய நான், புதிதாய் பிறக்கிறேன். இது மீண்டும் ஒரு நான்.

திராவிட முன்னேற்ற கழகத்தின் மரபணுக்களோடு , நல்லதொரு எதிர்காலத்தை உருவாக்கிடும் கனவுகளோடு , இதோ உங்கள் முன்னாள் பிறந்திருக்கிறேன். என்னுடன் பிறந்திருக்கும் இந்த கோடிக்கணக்கான உடன்பிறப்புக்களுக்கு எனது வாழ்த்துக்கள். இது புதிய நாம். அந்த அழகான எதிர்காலத்தில் நம் கழகத்தினர்.

யார் அந்த கழகத்தினர்? தன் சாதியே உயர்ந்தது என்று நினைப்போர் அல்ல. உலகில் பிறந்த ஒவ்வொருவரையும் தன் உடன்பிறப்பாக நினைப்போர்.

எளியோருக்கு கரம் கொடுப்போர். கடவுள் எதிர்ப்பாளர்கள் அல்ல, தான் நம்பவில்லையெனினும், பிறரின் நம்பிக்கையை மதிப்போர். யார் தவறு செய்தாலும், அது நான் என்றாலும் அதனை எதிர்த்து குரல் கொடுப்போர்.

அந்த அழகான எதிர்காலத்தில், நம் கழகத்தின் கொள்கைகள் என்ன? பகுத்தறிவு என்பது நம் அறிவெனும் ஒளிகொண்டு உலகை காண்பது என்பதை உரக்க சொல்லுங்கள். ஆணும் பெண்ணும் இங்கு சமம் என்பதை மதித்தல். திருநங்கைகள், மாற்று திறனாளிகளுக்கு சம உரிமையை பெற்றுத்தருதல்.

தனி மனித மற்றும் ஊடக கருத்து சுதந்திரத்தை மீட்டெடுத்தல். கருத்து சுதந்திரத்தை போற்றி பாதுகாத்தல். பிற மொழிகளை அழித்து, இந்தியா முழுமைக்கும் மத சாயம் பூச நினைக்கும் கட்சிகளை எதிர்த்தல். இவையெல்லாம் என் நீண்ட கனவின் சில துகள்கள்.

இந்த எதிர்காலம் தூரத்தில் இல்லை. இதோ இந்த நொடியில் இருந்து மெய்ப்பட போகிறது. இந்த கனவை முழுமையாக மெய்ப்பிக்க நான் துடித்துக்கொண்டிருக்கிறேன். அதை தனி மனிதனாக என்னால் செய்ய இயலாது என்பதை அறிந்தே பேசிக்கொண்டிருக்கிறேன்.

என் உயிரினும் மேலான தலைவர் கலைஞரின் உடன்பிறப்புக்களே, நீயில்லாமல் என்னால் இந்த பெருங்கனவை மெய்ப்பிக்க முடியாது. இது என் கனவு மட்டுமல்ல, நம் கனவு. நம் கழகத்தின் கனவு. ஏன், இந்த தமிழகத்தின் கனவு அதுதான்.

வா, என்னோடு கைகோர்க்க வா. ஒன்றாக முன்னேற மட்டுமல்ல, தேவைப்பட்டால் சில அடிகள் பின்னே வைக்கவும், சில உயிர்களுக்காக பின்னே சில அடிகள் வைப்பது முன்னேற்றமே, வா.

இந்தியா முழுவதும், காவி வண்ணம் அடிக்க நினைக்கும் மோடி அரசுக்கு பாடம் புகட்ட வா. முதுகெலும்பில்லாத இந்த மாநில அரசை தூக்கி எரிய வா. இந்த அழகானா எதிர்காலத்தை நாம் ஒன்றாக மெய்ப்பிப்போம்.

நான் முன்னே செல்கிறேன். நீங்கள் பின்னே வாருங்கள் என்று அழைக்கவில்லை. நாம் அனைவரும் சேர்ந்தே செல்வோம் என்றே அழைக்கிறேன்.

இந்த கூட்டத்தில் இருக்கும் மூத்தோர் அனைவரும், என் அண்ணன்கள் , அக்காக்கள், இளையோர் அனைவரும் என் தம்பிகள், தங்கைகள். இனி இதுதான் நம்முடைய குடும்பம். இதுதான் என்னுடைய குடும்பம்.

தலைமை கழக நிர்வாகிகளோ, முன்னாள் அமைச்சர்களே, மாவட்ட கழக செயலாளர்களோ, மாவட்ட கழக நிர்வாகிகளோ, வட்ட கழக, ஒன்றிய கழக, நகர கழக, பேரூர் கழக நிர்வாகிகளோ, ஏன் பதவியில் இல்லாமல் மக்கள் பணியாற்றும் உறுப்பினர்களோ தலைமைக்கு அனைவரும் ஒன்று தான். திராவிட முன்னேற்ற கழகத்தின் தொண்டன்.

நானும் ஒரு தொண்டன். இங்கு அனைவரும் சமம்.

யார் பெரியவர் என்ற போட்டியில், சுயநலத்தில் கட்சியின் எதிர்காலம் குறித்து கவலை படாதவர்களாக யாரும் ஆகிவிடக்கூடாது. அதற்கு தலைமைக்கு கட்டுப்பட்டவர்களாக நீங்கள் இருக்க வேண்டும்.
- மு.க.ஸ்டாலின் (28-08-2018)

கிட்டதட்ட 50 ஆண்டுகளுக்கு முன்பு விருகம்பாக்கம் மாநாட்டில் தமிழ் இனம் காக்க அறிஞர் அண்ணா தன் தம்பிகளை அழைத்தார்.
இன்று சமூக நீதி காத்த தமிழகத்தில் நீட் திணிப்பு இந்தி திணிப்பு என்று தன் காவி ஆதிகத்தை செய்துவரும் மத்திய அரசாங்கத்தை எதிர்க்க தன் தலைவரின் உடன்பிறப்புகளை அழைக்கிறார்

வெறுப்பு அரசியல் செய்வோரின் கருத்துகளை புறக்கணிப்போம். அவர்கள் தப்பு செய்யும்போது அமைதி காப்போம் அதுவே அவர்களை மேலும் தப்பு செய்ய தூண்டும். தமிழகம் காக்க இன உணர்வுடன் விமர்சிப்போரை உடன் அழைத்து பயனிப்போம்.