Thread by @ImAvudaiappan

நான் இதுவரை,அரசியல் தலைவர்கள்,சினிமா நட்சத்திரங்கள் என பல பேட்டி,எடுத்திருந்தாலும் அதில் முக்கியமான பேட்டி,மறைந்த அனிதாவின் அண்ணன் மற்றும் அவரது அப்பாவின் பேட்டி!

நேரில்,இங்கு இருந்து அரியலூர் போய் தான் பேட்டி எடுத்தேன்,அனிதா மறைந்தது September -01,

பேட்டி ஒரு மாதம் கழித்து,October மாதத்தில் எடுத்தேன், அரியலூரில் அனிதா வீட்டுக்கு ஒரு ஆட்டோவில் தான் போனோம்,அது ஒரு கிராமம்,போகும் வழி முழுவதும் சாலையெல்லாம் கிடையாது,பல்லாங்குழி சாலை தான்,அங்க அங்க ஆள் நடமாட்டத்தை பார்த்தேன்,வழி எங்கும் அனிதா மறைந்த சோகத்தில் ஊரையே காலி பண்ணி

போய்டாங்களோ என நினைக்கவைச்சிது,அவ்வளவு.அமைதியான கிராமம்,முதல்ல அந்த கிராமத்துக்கு போறவங்க உணர்வு அப்படி இருக்கலாம்! அனிதா வீட்டை தான் முதலில் பார்த்தேன்,ரொம்ப சின்ன அளவில் இருந்தது,அங்கே தான் அனிதாவின் படத்துக்கு மாலை போட்டு தொங்கவிட்டு இருந்தாங்க!

அனிதா அண்ணன்-அவரது அப்பா-

இரண்டு பேரும்,பேட்டிக்கு பக்கத்துல தான் இருந்தாங்க,எனக்கு அந்த பேட்டியை எப்படி நகர்த்துவது என நிறைய சிந்தனை! அவங்க உணர்வுகளை நம்மளோட எந்த கேள்வியும் காயப்படுத்திட கூடாது என உறுதியா இருந்தேன்,நம்ம வாய்ஸ் டோன் கூட சில சமயங்களில்,எதிரில் இருப்பவரை எளிதில் காயப்படுத்திவிடும்!

இரண்டு பேரும் பல செய்திகளை பேசினாங்க,அனிதா தற்கொலை செய்து கொண்ட நாள் அன்னைக்கு முன்னாடி எப்படி இருந்தாள்,இயல்பிலே அவள் எப்படி? என நிறைய நிறைய சொன்னார்கள்.

ஒரு கட்டத்தில் அவர் அப்பா கண்ணீர்விடவும்,எனக்கு அடுத்த வார்த்தை வரவில்லை,உண்மையிலே Emotionally நான் ரொம்ப பலம் இல்லாதவன்,

என் அம்மா தவறியதில் இருந்து அப்படி ஆகிட்டேன்,அவர் கண்ணீர்விடவும் எனக்கு எந்த இருந்த ஒரே கேள்வி "யார் இந்த கண்ணீர்க்கு பதில் சொல்வார்கள்?" என்பது தான்,இன்று வரை ஒரு கட்சி தலைவர் அனிதா இறந்தது தற்கொலை இல்லை,என்னிடம் ஆதாரம் இருக்கிறது,சி.பி.ஐ விசாரணையில் கொடுப்பேன்,என இப்பொழுது வரை

சொல்லி வருகிறார்,இது வரை எதையும் கொடுக்கவில்லை,அந்த தலைவர் ஒரு வேளை பேட்டி எடுக்க,என் இடத்தில் அவர் இருந்தால்,தன் சிந்தனையை மாற்றி இருப்பாரா என இப்பொழுது சிந்திக்கிறேன்.

அனிதான அண்ணன் மணிமாறன் பேட்டி முடிந்தபின்னும்,ஊரும்,சேரியும் எப்படி பிரிந்து இருக்கிறது

என கண்முன் காட்டினார்!

இப்பொழுதும் இருக்கும் ஒரு கேள்வி :

பிரதமர் சொல்கிறார் மின்சாரமே போகாத கிராமங்கள் இருக்கிறது என அப்படி மின்சாரமே போகாத கிராமங்களில் இருந்தும் அரியலூர் போன்ற ஊரில் இருந்தும் வரும் மாணவர்களையும் சென்னை,மும்பை என பெரிய சிட்டிக்களில் படிக்கும் மாணவர்களோடு

பந்தையம் வைத்தால் அது சரியா? நாட்டில் பல பாடத்திட்டம் இருக்க,ஒரே வினாதாள் அனைவருக்குமானது என்பது நியாயமா?

நீட்-நுழைவு தேர்வு எல்லா தட்டு மக்களையும் நுழையவிட வேண்டும் தானே?