📌📌📌
आता वाचवा नको, शेतकरी 'शिकवा' म्हणू..
ट्विटरवर सक्रिय सहभाग मागील वर्षभरापूर्वी वाढलेला.. त्यापूर्वीपासून अनेक दिग्गज या पिचवर चौफेर फटकेबाजी केलेली आहे. त्यात शेतकरी, त्यांची आत्महत्या, त्यांच्या अडचणी, त्यांना हेतुपुरस्पर दुर्लक्षित करणे अशा.. (१/१५) #शेतकरी_वाचवा
आता वाचवा नको, शेतकरी 'शिकवा' म्हणू..
ट्विटरवर सक्रिय सहभाग मागील वर्षभरापूर्वी वाढलेला.. त्यापूर्वीपासून अनेक दिग्गज या पिचवर चौफेर फटकेबाजी केलेली आहे. त्यात शेतकरी, त्यांची आत्महत्या, त्यांच्या अडचणी, त्यांना हेतुपुरस्पर दुर्लक्षित करणे अशा.. (१/१५) #शेतकरी_वाचवा
अनेक विषयांवर निवडक मराठी ट्विटरकरांनी आपापली मतं मांडली. याबाबत लिहावं अशी आर्त हाक आमच्या एका मित्राने डीएमवर केली. आणि मग या थ्रेडच्या लिखाणाचं नियोजन सुरु केलं. काही कारणांमुळे उशीर झाला त्याबद्दल क्षमस्व. तर #शेतकरी_वाचवा या हॅशटॅगवर काय काय मतप्रदर्शन.. (२/१५)
झालीयेत याचा अंदाज घेतला. दुर्दैवाने यातील अनेकांनी आपापल्या 'पक्षाला' मिळतीजुळती भूमिका रेटून नेल्याचे दिसून आले. म्हणजे केवळ आम्हाला कळवळा आहे. आम्हीही तुमच्या गटातील आहोत ही बालिश धावपळ त्यात दिसून आली. त्यामुळे काँग्रेस, राष्ट्रवादी, भाजप, शिवसेना असे कोणीही.. (३/१५)
सत्तेवर आले तरी प्रश्न कायम राहिल्याचे ढळढळीत 'दुर्लक्षित' वास्तव मला निदर्शनास आले. आणि जो सत्तेवर येईल तो दुश्मन, विरोधात असेल तो 'वाली'.. अगदी जाणता राजा हेच सत्र सुरु राहिले. बहुदा सुरुच राहील. मग काय?
ट्विटरवर आपण व्यक्त होत राहू. सत्तापालट होत राहतील आणि..(४/१५)
ट्विटरवर आपण व्यक्त होत राहू. सत्तापालट होत राहतील आणि..(४/१५)
आपला शेतकरी बांधव कायमच 'लटकत' राहील. हे थांबायचे म्हणजे, #शेतकरी_वाचवा नाही, तर #शेतकरी_शिकवा हे सूत्र अवलंबायला हवे. आणि हे अनेकांना हास्यास्पद वाटेल बरं का.. म्हणजे स्वतःला लिबरल म्हणणाऱ्यांना देखील.. अशी मंडळी इथे छुपे चेहरे घेऊन बसलेयत याची दाट.. (५/१५)
शक्यता मला वाटते. कारण पक्षाची बाजू मांडताना ते शेतकरी हा घटक सोयीस्करपणे विसरतात. ते या संकल्पनेला विरोध करतील. शेतकऱ्यांमध्ये घडणारी क्रांती त्यांना डोईजड होईल. मात्र आज बदल घडला नाही, तर...
#शेतकरी_शिकवा म्हणजे काय? तर अनेक वर्षांपासून बोगस बियाणे.. (६/१५)
#शेतकरी_शिकवा म्हणजे काय? तर अनेक वर्षांपासून बोगस बियाणे.. (६/१५)
पीक कर्ज, युरिया, ओला-सुका दुष्काळ, पोखरा योजना, पूर परिस्थिती किंवा कुठलीही नैसर्गिक आपत्ती, पिकावर होणारा रोगाचा प्रादुर्भाव ही विविध कारणं शेतकरी बांधवांना छळत आहेत. प्रत्येकवेळी सत्तेत येणारे सरकार, कृषी विभाग, व स्थानिक लोकप्रतिनीधी हे याच प्रश्नांवर आपापली.. (७/१५)
पोळी शेकत आली आहे. यामुळेच मागील ४ महिन्यात १२०० शेकऱ्यांची आत्महत्या झाली हे कळण्याइतपत संवेदनशिलता या लोकांकडे राहिलेली दिसत नाही. शेतकरी ओरडून सांगू लागला तरी त्यांच्या काळजाला पाझर फुटत नाही.
मग हे राजकारण म्हणजे काय? आपला वापर तिथे कसा केला जातो? अशा..(८/१५)
मग हे राजकारण म्हणजे काय? आपला वापर तिथे कसा केला जातो? अशा..(८/१५)
व्यवस्थेसमोर आपले उपद्रवमूल्य किती? अशा अनेक प्रश्नांची उत्तर शोधणं आणि गावाकडील अशिक्षित किंवा अल्पशिक्षित शेतकऱ्यांना त्याबाबत जाणीव करून देणं हे ट्विटरवर वावरणाऱ्या सुशिक्षित शेतकरी बांधवांची जबाबदारी आहे. तुम्ही अनेक वर्षांपासून हे राजकारण अगदी जवळून.. (९/१५)
पाहत आहात. आश्वासनं आणि त्याची अंमलबजावणी सत्यात किती होते हे तुम्ही अधिक जाणता.. तरीही दरवर्षी एकाच लढा सारखा सारखा का उभारता? या व्यवस्थेला प्रश्न सोशल मीडियावरून विचारला तेव्हा उत्तर देखील तुम्हला सोशल मीडियावरच मिळतील. सोशल मीडिया जनजागृती, आपले पाठबळ.. (१०/१५)
वाढविण्यासाठी आहे. प्रश्न विचारायचे असतील तर लाखोंच्य संख्येने विधानसभा गाठल्याशिवाय पर्याय नाही. अर्थात हे काही सोपे काम नाही. मात्र अशक्यही नाही. अनंत अडचणी आहेत. राजकीय दबावतंत्र आहे. (कारण तुम्ही त्यांच्या 'वर्षानुवर्षे' चालत आलेल्या पैशेकमाईवर लाथ मारलात की ते..(११/१५)
तुमच्या कुटुंबाला धक्का लावणारच..) मात्र आज मागे हटलात तर तुमच्या पुढच्या अनेक पिढ्या आत्महत्येसाठी तरी जन्माला येतील का हा प्रश्न स्वतःला विचारा..
थोडं थेटच बोलू.. नेहमी काय रडगाणं आहे, मदत हवी.. कर्जमाफी हवी.. तुम्ही निर्माते आहात हे विसरलात का? (१२/१५)
थोडं थेटच बोलू.. नेहमी काय रडगाणं आहे, मदत हवी.. कर्जमाफी हवी.. तुम्ही निर्माते आहात हे विसरलात का? (१२/१५)
यापूर्वीही एकदा लिहिले होते की, शेतकरीवर्गाला ठरवून लाचार बनवलं गेलंय. तुम्ही रडावं आणि तुमच्या अश्रूतून देखील पैशांची खाण उभी करता यावी इतकी असंवेदनशील यंत्रणा जाणूनबुजून निर्माण केली गेलीय. जोवर शेतकरीवर्गाला त्यांची ताकद समजणार नाही तोपर्यंत आत्महत्या होतच.. (१३/१५)
राहणार आहेत हे सत्य का समजत नाहीये? देश कितीही तंत्रज्ञानाने प्रगत झाला तरी पोटाची खळगी भरायला जनतेला अन्नधान्य हवंच आहे. ते तुम्ही निर्माण करत आहात. 'जय जवान, जय किसान' या वाक्यामुळे जवानांना पुरेसा आदर मिळाला आहे. मात्र ७० वर्षाहून अधिक काळ शेतकरी मात्र.. (१४/१५)
किमान आदर मिळवण्यासाठी झगडतोय हे आपल्याकडील लोकशाहीचं अपयश आहे.
उठा. उभे राहा. होऊद्यात अस्सल शेतकऱ्यांचे जिवंत मोर्चे, उतरूद्या आत्महत्याग्रस्त शेतकऱ्यांच्या रणरागिणींना मैदानात, ताकद तुमच्या 'स्वतःत' आहे. त्याचा वापर स्वउत्कर्षासाठी करा. (१५/१५)
#शेतकरी_वाचवा #शेतकरी_शिकवा
उठा. उभे राहा. होऊद्यात अस्सल शेतकऱ्यांचे जिवंत मोर्चे, उतरूद्या आत्महत्याग्रस्त शेतकऱ्यांच्या रणरागिणींना मैदानात, ताकद तुमच्या 'स्वतःत' आहे. त्याचा वापर स्वउत्कर्षासाठी करा. (१५/१५)
#शेतकरी_वाचवा #शेतकरी_शिकवा
