Thread by @jayant_rokade

आज ABP Majha वर राज्याच्या आरोग्य व्यवस्थेसंदर्भात चर्चा होती. त्यावर ज्या पद्धतीने मुद्दे मांडले गेले ते राज्यातल्या सगळ्या लोकांनी वाचले पाहिजेत, ऐकले पाहिजेत आणि पाहिले पाहिजेत. खरंतर सरकारने राज्यातील जनतेच्या पाठीशी उभं राहिलं पाहिजे मात्र *उद्धव ठाकरे यांचं महाविकास आघाडी

सरकार मात्र जनतेला वाऱ्यावर सोडून रोज केवळ खोटं बोलण्यात अन राज्याला लुटण्यात व्यस्त आहे.*
या चर्चेत मुख्यमंत्री सहाय्यता कक्षाचे माजी प्रमुख ओमप्रकाश शेटे सरांनी पुराव्यासह जे मांडले ते भयाण आणि विदारक वास्तव आहे. Prasanna Joshi हे ऐकल्यावर तोंड पाडून बसले, अन नेहमीप्रमाणे

सरकारची कातडी वाचवण्याचाही तोकडा प्रयत्न करत राहिले. मात्र राष्ट्रवादीच्या नेत्या Vidya Chavan यांची अक्षरशः बोलती बंद झाली.
आत्तापर्यंत राज्यात 25 हजारांपेक्षा जास्त रुग्णांचा मृत्यू झाला मात्र मीडिया ही लाचार अन बाटगेपणा करत होती, सरकारची अनास्था मुद्दामहून लपवली जात होती,

मात्र काल पांडुरंग रायकर या पत्रकाराचा मृत्यू झाल्यावर सगळी माध्यमं जागी झाली, खुद्द प्रसन्न जोशींनी चर्चेदरम्यान आरोग्य व्यवस्थेच्या या गैरकारभाराविषयी "आजच जागे झालो आहोत," अशी जाहीर कबुलीही दिलीय.
देवेंद्रजी फडणवीस मुख्यमंत्री असताना ओमप्रकाशजी शेटे हे मुख्यमंत्री सहाय्यता

कक्षाचे राज्याचे प्रमुख होते, त्यांना आरोग्य क्षेत्रातला यशस्वी असा प्रचंड अनुभव आहे. त्यांनी या चर्चेत मांडलेले थोडक्यात मुद्दे आपण पाहूया!
सरकार आणि आरोग्य मंत्र्यांना गेल्या 6-7 महिन्यात सातत्याने संपर्क केला मात्र संपर्क होऊ शकत नाहीत, उपलब्ध होऊ शकत नाहीत.सरकार आणि प्रशासन

यामुळे जनता विनाकारण मरत आहे. आज राज्यात अशी अवस्था आहे की प्रधान सचिव, अधिकारी कोण आहेत हेही लोकांना माहिती नाही, देवेंद्रजींच्या काळात मुख्यमंत्री सहाय्यता निधीची मर्यादा 25 हजारावरून वाढवून 3 लाखापर्यंत नेली होती. 1500 कोटींचा निधी CM फंड आणि धर्मादायच्या अंतर्गत 21 लाख गरजू

रुग्णांवर उपचार करण्यासाठी वापरला आहे.
शेटे सरांचे म्हणणे होते की, आता कोरोनाची स्थिती आहे, जर सरकारला CM फंडमध्ये लोकांनी 550 कोटी रुपये दिले आहेत आणि सरकार लोकांना वाचवू शकत नाही तर त्या पैशातून लोकांचा विमा उतरवा, मात्र त्याकडे दुर्लक्ष केले गेले.
सरकारच्या खोटेपणाचा अक्षरशः

बुरखा फाडला गेलाय, कोरोनासाठी महात्मा फुले जनआरोग्य योजनेचे परिपत्रक काढताना राज्य सरकारने मुद्दामहून 'अंगीकृत' हा शब्द टाकून चूक केली,त्यापेक्षा ICU सेटअप असलेली सर्व रुग्णालये मेस्माच्या अंतर्गत घेतली पाहिजे होती, सरकारने दोन वेगवेगळे परिपत्रक काढून लोकांना लुटण्याचा

रुग्णालयांना मार्गच मोकळा केला. एका परिपत्रकात खाजगी दवाखान्यांना ICU साठी 9 हजार रुपये, PPE किट व मेडिसीनच्या खर्च असे साधारण 15 हजार रुपये दिवसाला घेण्याची अनुमती दिली, म्हणजेच 15 दिवसाला सव्वा दोन लाख रुपये घेण्याची अनुमती दिली. तर दुसरीकडे महात्मा फुले योजने अंतर्गत जे रुग्ण

व्हेंटिलेटरवर जातील त्यांना 15 दिवसाला 65 हजारांची तरतुद केली. यामध्ये राज्यातील खाजगी रुग्णालयांनी रुग्णांना उपचारच केले नाहीत. मात्र दोन वेगवेगळ्या परिपत्रकाच्या माध्यमातून सरकारने खाजगी रुग्णालया द्वारे नागरिकांना लुटले. अशावेळी राजकारणी आणि उच्चभ्रू लोकं, ज्यांच्याकडे पैसे

पैसे आहेत त्यांनी फोर्टिस, लीलावती, नानावटी, जसलोक अशा नामवंत रुग्णालये जवळ केली. किती सामान्य रुग्ण या रुग्णालयात गेले? राज्य सरकार मुद्दाम तांत्रिक चूका करून राज्यातल्या सामान्य रुग्णांना लुटण्याचे काम करत आहे. मात्र सामान्य माणसांना कोणत्याही रुग्णालयात सरकारचे पॅकेज मिळाले

नाही त्या लाखो रुग्णांना आपले घर, संपत्ती सगळं विकून दवाखान्याचे बिल भरावे लागले हे वास्तव आहे.
कोरोनाचा मृत्युदर 1.9 टक्के होता आज राज्यात तो 3-4 टक्क्यांवर गेलाय हे सरकार आणि प्रशासनाचे अपयश असल्याचंही शेटे सरांनी सांगितले आहे.

याहीपेक्षा पुढे जाऊन शेटे सरांनी सरकारच्या खोटेपणाचे पुरावे देऊन आरोग्य मंत्री राजेश टोपे आणि सरकारला अक्षरशः उघडे केले.👇
जेव्हा राज्यात 1 लाख 69 हजार रुग्ण होते तेव्हा राजेश टोपेंनी पत्रकार परिषद घेऊन सांगितले की महात्मा फुले आरोग्य योजनेतून 1 लाख 22 हजार

रुग्णांवर उपचार केला. त्यांनतर लगेचच मुख्य कार्यकारी अधिकारी सुधाकर शिंदे यांनीही बाईटच्या माध्यमातून हाच मुद्दा जाहीर करत 1 लाख 22 हजारांचा आकडा जाहीर केला. मात्र राज्यात जेव्हा 7 लाख रुग्ण होते त्या 24 ऑगस्ट 2020 तारखेला माहिती अधिकारातून भयंकर वास्तव आणि सरकारचा प्रचंड खोटेपणा

बाहेर पडला. डॉ.नितीन पाटील, जे महात्मा फुले जनआरोग्य योजनेचे जनमाहिती अधिकारी आहेत.त्यांनी अशी माहिती दिली की, 24 ऑगस्ट 2020 पर्यंत राज्यातील 7 लाख रुग्णांपैकी केवळ 9 हजार 118 रुग्णांवर महात्मा फुले जनआरोग्य योजनेतून उपचार झाले आहेत.
हा सरकारचा खोटेपणा, असंवेदनशीलपणा शेटे

सरांनी मिडियासमोर आणून ठाकरे सरकारला पुरता उघडा केला आहे. एवढंच नाही तर यावर बोलताना राष्ट्रवादीच्या नेत्या विद्या चव्हाण म्हणतात, ही शेटे सरांची माहिती किती सत्य आहे बघावी लागेल, सत्यता पडताळावी लागेल, आरोग्यमंत्री राजेश टोपे यांच्याकडे बसावे लागेल.अशी थोतांड बुजवाबुजबी करत

वेळ काढुपणा करत होत्या.
मात्र त्यावर बोलताना लगेच ओमप्रकाश शेटे सरांनी या संदर्भात बोलण्यासाठी आरोग्यमंत्री Rajesh Tope आणि प्रधान सचिव यांना मुंबईच्या हुतात्मा चौकात चर्चेला येण्याचे जाहीर आव्हानच दिले.
लोकांच्या जीवाशी खेळणाऱ्या, राज्यातल्या हजारो मृत्यूला कारणीभूत असणारे

सरकार आणि आरोग्यमंत्री आता हे जर धुतल्या तांदळाचे असतील अन सत्य बोलत असतील तर ओमप्रकाश शेटे यांनी दिलेले आव्हान स्वीकारून हुतात्मा चौकात कधी जातात हेच महाराष्ट्राला पहायचे आहे. जर एवढी धमक नसेल तर खुर्ची न उबवता यांच्यात राजीनामा देण्याचे धारिष्ट्य तरी आहे का बघूया!

सरकार फेल आहे, नाकर्ते आहे, बेजबाबदार आहे, असंवेदनशील आहे, प्रशासनासमोर हतबल आहे, वचक नाही हे आत्तापर्यंत माहीत होतं, पण सरकार खोटं आहे अन तेही भयंकर खोटेपणा करते हे आता पुन्हा एकदा सिद्ध झालं आहे. जर त्यांनी जाहीर केलेल्या आकड्यात खोटेपणा नसेल तर त्यांनी हुतात्मा चौकात येण्याचे

धाडस करूनच बघावे...
(जास्तीत जास्त शेअर करा, हे सरकार आव्हान स्वीकारते का बघूया! पुरावे सोबत आहेतच.)

#WA_साभार