Thread by @jothims

தரிசு நிலத்தில் சிட்கோ, சிப்காட் அமைக்கலாம். வேலை வாய்ப்புகள் உருவாக்கலாம். அதற்கு என்ன உதவி வேண்டுமானாலும் செய்யத் தயார். ஆனால் சிப்காட், சிட்கோ பெயரால் பலநூறுகோடி மதிப்புள்ள இயற்கை வளங்களை கொள்ளையடிப்பதையும், விவசாயத்தை அழிப்பதையும் ஏற்க முடியாது.
(1/n)

திண்டுக்கல் மாவட்டம் குஜிலியம்பாறை ஊராட்சி R.கோம்பை பகுதியில் இயற்கை வளங்களை அழித்து சிட்கோ அமைப்பதாகவும்,தங்கள் வாழ்வாதாரமான விவசாயத்தைக் காப்பாற்ற போராடும் தங்களை அதிமுக ஒன்றிய செயலாளர் மலர்வண்ணன் காவல்துறையை வைத்து மிரட்டுவதாகவும் ...
(2/n)

...பொதுமக்கள், விவசாயிகள் தெரிவித்த புகாரின் பெயரில் இன்று பொதுமக்களுடன் சிட்கோ அமைக்கும் இடத்திற்கு சென்றேன்.
அங்கே அதிமுக ஒன்றிய செயலாளர் மலர்வண்ணன் அந்தப்பகுதிக்கு தொடர்பு இல்லாதவர்களுடன் வந்து தகராறில் ஈடுபட்டார். மிகவும் மோசமாக நடந்துகொண்டனர்.
(3/n)

இதனால் ஊர் மக்கள் ஆத்திரமடைந்து அவர்களை விரட்டினர். மரங்களை பிடுங்கும் ஜே சி பிக்கு முன் ஊர்மக்களுடன் அமர்ந்தேன். எங்களைத் தாண்டித் தான் ஜே சி பி போகவேண்டும் என்பதில் உறுதியாக இருந்தோம். அதன்பிறகு காவல்துறை தலையிட்டு ஜே சி பி இயந்திரங்களை வெளியே அனுப்பினர்.
(4/n)

காட்டை, விவசாயத்தை அழிக்கும் பணி தற்போது நிறுத்திவைக்கப்பட்டுள்ளது.
தொடர்ந்து வேடசந்தூர் தொகுதியில் பல நூறு கோடி ரூபாய் மதிப்புள்ள மண்,மர,மலை வளங்களை கொள்ளையடிக்க அதிமுக சட்டமன்ற உறுப்பினர் ,ஒன்றிய செயலாளர்கள் முயன்றுவருகிறார்கள்.
(5/n)

மக்களின் எதிர்ப்பும், ஒரு நாடாளுமன்ற உறுப்பனராக மக்கள் சார்பாக நிற்கும் எனது கடமை உணர்ச்சியும் தடையாக இருக்கிறது.
தனது வாழ்வாதாரத்திற்காக போராடுகிற மக்களை, ஆளும் அதிமுகவினர் காவல்துறையின் உதவி கொண்டு அடக்குவதை வேடிக்கை பார்த்துக்கொண்டிருக்க முடியாது.
(6/n)

இதற்கு முன் இரு மாதங்களுக்கு முன்பு வடமதுரையில் 300 ஏக்கர் வள்ளிமலை எங்கள் போராட்டத்தால் அதிமுக சட்டமன்ற உறுப்பினரிடம் இருந்து காப்பாற்றப்பட்டது.
ஆளும் அதிமுக ஆட்சி முடியும் நேரத்தில் தீவிர கொள்ளையில் இறங்கியிருக்கிறார்கள். இதை தடுப்பது நமது கடமை.
(n/n)